Fáiltíonn an tAire Zappone roimh cheapadh an Dr Conor O’Mahony mar Rapóirtéir Speisialta um Chosaint Leanaí
From Department of Children, Equality, Disability, Integration and Youth
Published on
Last updated on
From Department of Children, Equality, Disability, Integration and Youth
Published on
Last updated on
D’fhógair an tAire Leanaí agus Gnóthaí Óige, an Dr Katherine Zappone, inniu gur cheap an Rialtas an Dr Conor O’Mahony mar Rapóirtéir Speisialta um Chosaint Leanaí do théarma trí bliana.
Chuir an tAire fáilte roimh an Dr O’Mahony leis an bpost agus dúirt sí:
“Tá gairm bheatha ar leith ag Conor i limistéar an Dlí Leanaí, Cearta Leanaí agus Dlí Bhunreachtúil agus táim ag tnúth le hoibriú leis i rith a théarma.”
Chuir an tSeirbhís um Cheapacháin Phoiblí (an SCP) comórtas oscailte ar siúl sula ndearnadh an ceapachán. Dúirt an tAire:
“Cinntíonn an próiseas nua roghnaithe a chuir mé i bhfeidhm nós imeachta trédhearcach agus oscailte chun an Rapóirtéir Speisialta a roghnú agus a cheapadh.”
Stiúrthóir é an Dr O’Mahony ar an gClinic um Dhlí Cúram Leanaí ag UCC, áit ar thacaigh sé le dlíthíocht a bhain le leanaí agus áit a ndearna sé abhcóideacht d’athchóiriú an dlí i limistéar an dlí leanaí. Tá go leor foilsithe aige ar a limistéir shaineolais agus cuireann sé go rialta le hanailís sna meáin náisiúnta. Tá PhD bainte amach aige ó Ollscoil na Breataine Bige, Aberstwyth agus rinne sé léachtóireacht in UCC ó 2005. Tugadh cuireadh dó chun dul i ngleic le seisiúin an Choinbhinsiúin ar an mBunreacht, Tionól na Saoránach agus roinnt Comhchoistí an Oireachtais.
Ina theannta sin, rinne an tAire Zappone obair an Rapóirtéara Speisialta atá ag dul as oifig, an Dr Geoffrey Shannon, a mholadh. Dúirt an tAire:
“Ba mhaith liom buíochas ó chroí a ghabháil leis an Dr Shannon as a thiomantas agus dúthracht don obair sa limistéar seo. Sholáthair sé tuarascáil bhliantúil chuimsitheach don Rialtas i ngach ceann de na blianta ó 2007 go 2018. Baineann na ceisteanna leasa agus cosanta leanaí a thugtar chun solais ina thuarascálacha le réimse fairsing Ranna agus gníomhaireachtaí reachtúla. Ceapaim gur sholáthair a thuarascálacha ionchur tábhachtach isteach i bhforbairt agus athbhreithniú a dhéanamh ar bheartas um chosaint leanaí agus reachtaíocht agus gur sholáthair siad amharc saineolach oibiachtúil agus neamhspleách ar an gcóras um chosaint leanaí in Éirinn.”
CRÍOCH
Seo a leanas téarmaí tagartha an Rapóirtéara Speisialta:
a) Athbhreithniú agus tuairisciú a dhéanamh ar fhorbairtí náisiúnta agus idirnáisiúnta dlíthiúla ar leith chun leanaí a chosaint;
b) Scrúdú a dhéanamh ar scóip agus feidhm forálacha reatha nó beartaithe reachtaíochta agus nótaí tráchta/moltaí a dhéanamh, faoi mar is cuí; agus
c) Tuairisciú a dhéanamh ar fhorbairtí ar leith sa reachtaíocht nó sa dlíthíocht i ndlínsí ábhartha.
Tá an Rapóirtéir cuntasach leis an Oireachtas agus tá sé i dteideal dul i gcomhairle le Ranna an Rialtais agus an tOmbudsman do Leanaí faoi aon tionscnaimh reachtaíochta atá in ainm is feabhas a chur ar chosaint leanaí.
Cuirfear gach ceann de thuarascála an Rapóirtéara Speisialta faoi bhráid an Oireachtais agus foilsítear iad ar láithreán gréasáin na Roinne Leanaí agus Gnóthaí Óige.
Faisnéis Chúlra ar an Dr O’Mahony
Oideachas
Fostaíocht
Freagrachtaí sa Ról Reatha (UCC)
Múinteoireacht
Riarachán
Taighde