Plean Gníomhaíochta Custaiméirí 2025‐2027

Tá sé mar thosaíocht ag an mBord Parúil seirbhís éifeachtach agus ar ardchaighdeáin a sholáthar.

Is é cuspóir an Phlean Gníomhaíochta Custaiméirí seo, agus na Cairte Custaiméirí a ghabhann leis, ná a leagan amach go soiléir conas a bheartaímid a chinntiú go bhfuil an leibhéal seirbhíse is fearr agus féidir á sholáthar againn dár gcustaiméirí le linn na tréimhse 2025-2027.

Leagtar amach sa Phlean seo ár dtiomantas do sholáthar agus do sheachadadh seirbhíse agus conas a dhéanfar ár bhfeidhmíocht ina leith seo a thomhas agus a mheas.

I gcomhréir le forálacha an Achta Parúil 2019, is iad príomhfheidhmeanna an Bhoird Parúil ná:

• Cinneadh a dhéanamh maidir le hiarratais ar pharúl ó dhaoine ábhartha agus nuair is cuí orduithe parúil a dhéanamh, orduithe parúil a athrú nó orduithe parúil a chúlghairm i leith iarratas den sórt sin;
• Faisnéis a chur ar fáil don Aire Dlí agus Cirt maidir le feidhmeanna an Bhoird Parúil agus moltaí a chur faoi bhráid an Aire, ar a (h)iarratas, chun cabhrú leis an Aire comhordú agus beartas a dhéanamh maidir le daoine a scaoileadh amach ón bpríosún ar parúl;
• Faisnéis a sholáthar do dhaoine a bhfuil pianbhreitheanna príosúnachta orthu, íospartaigh na coireachta, agus baill den phobal, ar fheidhmeanna an Bhoird Parúil;
• Faisnéis a fhoilsiú, lena n-áirítear faisnéis staitistiúil, maidir le gníomhaíochtaí an Bhoird Parúil;
• Comhairle a thabhairt, nó moltaí a dhéanamh, don Aire maidir le nithe a bhaineann le feidhmeanna an Bhoird Parúil;
• Tionscadail taighde agus gníomhaíochtaí eile a bhaineann le daoine a scaoileadh amach ón bpríosún ar parúl a dhéanamh, a d'fhéadfadh cabhrú leis an mBord a fheidhmeanna a fheidhmiú, a ghlacadh, a choimisiúnú nó cabhrú leo, agus moltaí a dhéanamh don Aire a eascraíonn as na tionscadail nó na gníomhaíochtaí sin.

Tá an Bord Parúil tiomanta do sheirbhís ardchaighdeáin a sholáthar chun freastal ar riachtanais a chustaiméirí. I measc úsáidí seirbhíse seachtracha an iarratasóra Parúil tá:

Iarratasóirí Parúil

Más iarratasóir parúil thú déanfaidh an Bord Parúil an méid seo a leanas:

• tabharfaidh siad fógra duit faoi dháta agus am do chruinnithe leis an mBord chun d'iarratas ar pharúl a phlé;
• déanfaidh siad iarracht freastal ar aon riachtanais speisialta atá agat mar gheall ar riocht leighis nó míchumas a luaigh tú leis an mBord Parúil roimh ré;
• cuirfidh siad ionadaíocht dhlíthiúil ar fáil duit le linn an phróisis pharúil, má iarrann tú é;
• cuirfidh siad ateangaire ar fáil duit, más gá agus má iarrann tú é sin roimh do chruinniú leis an mBord Parúil;
• déanfaidh siad measúnú ar d’iarratas go cothrom agus go neamhspleách;
• déanfaidh siad cinneadh faoi d’iarratas nó faoi d’Ordú Parúil a chúlghairm nó a athrú, de réir mar a bheidh, a luaithe is féidir tar éis do chruinnithe leis an mBord Parúil
• scríobhfaidh siad chugat ag tabhairt sonraí faoin gcinneadh maidir le d'iarratas.

Tá tuilleadh eolais faoin bpróiseas parúil d’iarratasóirí parúil ar fáil ón mBord Parúil, ó Sheirbhís Phríosúin na hÉireann agus ar líne ag www.gov.ie/paroleboard

Íospartaigh

Más íospartach thú agus má tá aighneacht á déanamh agat ar iarratas ar pharúl, déanfaidh an Bord Parúil an méid seo a leanas;

• admhóidh siad go bhfuarthas d'aighneacht laistigh de 5 lá oibre;
• tabharfaidh siad fógra duit maidir le dáta agus am do chruinnithe má tá aighneacht á déanamh agat i bpearsa;
• déanfaidh siad iarracht freastal ar aon riachtanais speisialta atá agat mar gheall ar riocht leighis nó míchumas a luaigh tú linn roimh do chruinniú leis an mBord Parúil;
• tabharfaidh siad rochtain duit ar ionadaíocht dhlíthiúil le linn an phróisis pharúil, má iarrann tú é;
• cuirfidh siad ateangaire ar fáil duit le haghaidh do chruinnithe leis an mBord Parúil, má iarrann tú sin roimh do chruinniú leis an mBord Parúil;
• scríobhfaidh siad chugat agus cuirfidh siad cinneadh an Bhoird Parúil in iúl duit, agus na cúiseanna leis an gcinneadh sin.

An Pobal i gCoitinne

Cinnteoidh an Bord Parúil go mbeidh a shuíomh gréasáin:

• coinnithe cothrom le dáta;
• inrochtana do dhaoine faoi mhíchumas;
• ag soláthar faisnéis ábhartha agus cothrom le dáta dár gcustaiméirí.

Ranna eile agus Gníomhaireachtaí Rialtais

Oibreoidh an Bord Parúil le Ranna eile agus le gníomhaireachtaí Rialtais chun comhordú ar sholáthar agus seachadadh seirbhíse a fheabhsú.

Is custaiméirí inmheánacha iad Rúnaíocht an Bhord Parúil freisin agus tá sé tábhachtach go n-aithnítear an custaiméir inmheánach (Féach Prionsabal 12 sa roinn seo a leanas).

Tá 12 Phrionsabal de Sheirbhís Ardchaighdeáin do chustaiméirí na Seirbhíse Poiblí. Tá an Bord Parúil tiomanta go hiomlán do na leibhéil seirbhíse is airde a sholáthar dár gcustaiméirí go léir de réir na bprionsabal sin.

An 12 Phrionsabal de Sheirbhís Ardchaighdeáin:

Déanfaidh an Bord Parúil an méid seo a leanas:

1. Caighdeáin Cáilíochta Seirbhíse: Ráiteas a thugann achoimre ar nádúr agus ar chaighdeán na seirbhíse ar féidir leis an gcustaiméir a bheith ag súil leis a fhoilsiú, agus é a fhoilsiú ar ár suíomh gréasáin.
2. Comhionannas/Éagsúlacht: Na cearta chun cóir chomhionann a bunaíodh trí reachtaíocht chomhionannais a chinntiú, agus freastal ar éagsúlacht, chun cur le comhionannas do na grúpaí atá clúdaithe ag an reachtaíocht chomhionannais (faoi na forais seo a leanas - inscne, stádas pósta, stádas teaghlaigh, claonadh gnéis, reiligiún, aois, míchumas, cine agus baill den Lucht Siúil). Bacainní a shainaithint ar rochtain ar sheirbhísí do dhaoine atá ag déileáil le bochtaineacht agus le heisiamh sóisialta, agus dóibh siúd atá ag déileáil le bacainní geografacha ar sheirbhísí, agus deireadh a chur leis na bacannaí céanna.
3. Rochtain Fhisiciúil: Oifigí poiblí glana, inrochtana a chur ar fáil lena gcinntítear príobháideachas agus lena gcomhlíontar caighdeáin cheirde agus sábháilteachta.
4. Faisnéis: Cur chuige réamhghníomhach a ghlacadh maidir le faisnéis atá soiléir, tráthúil agus cruinn, agus a chomhlíonann riachtanais daoine a bhfuil riachtanais shonracha acu, a chur ar fáil ag gach pointe teagmhála. A chinntiú go mbainfear leas iomlán as na féidearthachtaí a bhaineann le Teicneolaíocht Faisnéise agus go gcloíonn an fhaisnéis atá ar fáil ar shuíomhanna gréasáin na seirbhíse poiblí leis na treoirlínte ar fhoilsiú ar an ngréasán. Leanúint ar aghaidh leis na hiarrachtaí chun rialacha, rialacháin, foirmeacha, bileoga agus nósanna imeachta faisnéise a shimpliú.
5. Tráthúlacht agus Cúirtéis: Seirbhísí ardchaighdeáin a chur ar fáil le cúirtéis, le híogair agus lena laghad moille agus is féidir, lena gcothaítear timpeallacht chóimheasa idir an soláthraí agus an custaiméir.
6. Gearáin: Córas dea-phoiblithe, inrochtana agus trédhearcach a choinneáil chun déileáil le gearáin a dhéantar faoi chaighdeán na seirbhíse a chuirtear ar fáil.
7. Achomhairc: Ar an gcaoi chéanna, córas achomhairc/athbhreithnithe foirmiúil, dea-phoiblithe, inrochtana, trédhearcach agus éasca le húsáid a chur ar fáil do chustaiméirí nach bhfuil sásta le cinntí maidir le seirbhísí.
8. Comhairliúchán agus Meastóireacht: Cur chuige struchtúrtha a chur ar fáil i ndáil le comhairliúchán fiúntach leis an gcustaiméir agus rannpháirtíocht an chustaiméara maidir le forbairt, seachadadh agus athbhreithniú na seirbhísí. Meastóireacht fhiúntach ar sheachadadh seirbhíse a chinntiú.
9. Rogha: Rogha a sholáthar, nuair is féidir, maidir le seachadadh seirbhíse, lena n-áirítear suíomh na bpointí teagmhála, uaireanta oscailte agus amanna seachadta. Úsáid a bhaint as teicneolaíochtaí atá ar fáil agus atá ag teacht chun cinn chun an rochtain agus an rogha is mó a chinntiú agus chun cáilíocht an tseachadta a chinntiú.
10. Comhionannas na dTeangacha Oifigiúla: Seirbhísí ar ardchaighdeán a chur ar fáil trí Ghaeilge agus/nó go dátheangach agus custaiméirí a chur ar an eolas faoin gceart atá acu go ndéileálfar leo trí cheann amháin de na teangacha oifigiúla.
11. Comhordú níos fearr Cur chuige atá níos comhordaithe agus níos comhtháite a chothú i ndáil le seirbhísí poiblí a sheachadadh.
12. An custaiméir inmheánach: A chinntiú go n-aithnítear an fhoireann mar chustaiméirí inmheánacha agus go dtacaítear leo agus go dtéitear i gcomhairle leo i gceart i ndáil le saincheisteanna seachadta seirbhíse

Déanfaidh an Bord Parúil gach iarracht na spriocanna seirbhíse ardchaighdeáin atá leagtha amach inár gCairt Custaiméirí a bhaint amach, chun a chinntiú go leanfaimid orainn ag seachadadh na leibhéil seirbhíse is airde dár gcustaiméirí.

Agus monatóireacht á dhéanamh againn ar ár bhfeidhmíocht, déanfaimid an méid seo a leanas:

• Aiseolas agus moltaí a lorg ónár gcustaiméirí ar bhealaí inar féidir linn ár soláthar agus ár seachadadh seirbhíse a fheabhsú.
• A chinntiú go gcomhlíontar go hiomlán na caighdeáin agus na rialacháin Sláinte agus Sábháilteachta is infheidhme

Tugann ár gCairt Custaiméirí achoimre ar an leibhéal seirbhíse ar féidir le custaiméirí uile an Bhoird Parúil a bheith ag súil leis. Chun a chinntiú gur féidir linn na gealltanais inár gCairt a chomhlíonadh, tá sé tábhachtach go gcuirtear custaiméirí ar an eolas faoi na nósanna imeachta agus na próisis a úsáidimid. Tugtar ár gCaighdeáin Seirbhíse orthu seo agus tá siad leagtha amach thíos. Chun tacú lenár dtiomantas chun an caighdeán seirbhíse is fearr a sheachadadh, bainfidh an Bord Parúil úsáid as na caighdeáin seo mar tháscairí feidhmíochta chun ár bhfeidhmíocht a thomhas agus a mheas.

• A chinntiú go gcoinnítear gach custaiméir ar an eolas go hiomlán faoi na caighdeáin seirbhíse ar féidir leo a bheith ag súil leo uainn, trínár gCairt Custaiméirí a bheith ar fáil inár n-oifig agus ar shuíomh gréasáin an Bhoird Parúil.
• A chinntiú go gcuirtear cóipeanna den Chairt Custaiméirí agus den Phlean Gníomhaíochta Custaiméirí ar fáil do chustaiméirí ar mian leo cóip a bheith acu.
• A chinntiú go leagtar béim ar shaincheisteanna comhionannais/éagsúlachta ar fud an Bhoird Parúil i gcónaí.
• A chinntiú go gcaitear go cothrom le gach custaiméir agus de réir na reachtaíochta ábhartha.
• A chinntiú go n-aithnítear riachtanais na foirne agus na gcuairteoirí faoi mhíchumas agus go bhfreastalaítear go hiomlán orthu. Le haghaidh ceisteanna maidir le saincheisteanna míchumais, is féidir le custaiméirí ríomhphost a sheoladh chuig corporate@paroleboard.gov.ie nó glaoch ar: (01) 474 8767
• A chinntiú go bhfuil ár n-oifig inrochtana do dhaoine faoi mhíchumas agus d’aon chustaiméirí eile a bhfuil riachtanais shonracha acu.
• A chinntiú go bhfuil gach réimse dár n-oifig glan, compordach agus go gcomhlíonann siad caighdeáin cheirde agus sábháilteachta.
• Chun a chinntiú gur féidir aghaidh a thabhairt ar aon saincheisteanna nó deacrachtaí maidir le rochtain fhisiciúil gan mhoill, is féidir le custaiméirí glaoch ar an Oifigeach Rochtana sa Rúnaíocht, ríomhphost a sheoladh chuig: corporate@paroleboard.gov.ie nó glaoch ar: (01) 474 8767.
• A chinntiú go bhfuil an fhaisnéis go léir a sholáthraíonn an Bord Parúil soiléir, tráthúil, cruinn agus inrochtana go hiomlán d'aon chustaiméirí a bhfuil riachtanais shonracha acu.
• A chinntiú go leanann ábhar ar shuíomh gréasáin an Bhoird Parúil gach treoirlíne maidir le foilsiú ar an ngréasán i dtaobh inrochtaineachta agus comhionannais teangacha oifigiúla.
• A chinntiú go gcoinnítear ár mbealaí dáilte faisnéise chomh cothrom le dáta agus is féidir agus go mbeidh na bealaí seo ar chomhchéim leis na forbairtí agus na nuálaíochtaí teicneolaíochta is déanaí sna meáin agus i gcúrsaí cumarsáide.
• Gach iarracht a dhéanamh chun a chinntiú go gcuirtear faisnéis ar fáil ina oiread formáidí éagsúla agus is féidir.
• A chinntiú go gcaitear le gach custaiméir le cúirtéis agus go ndéileáiltear go pras agus go héifeachtúil le gach fiosrúchán.
• A chinntiú go soláthraíonn an fhoireann go léir a n-ainmneacha agus glaonna teileafóin á bhfreagairt acu.
• A chinntiú go gcuirtear sonraí teagmhála iomlána ar fáil ar gach cumarsáid scríofa nó ríomhphoist ón mBord Parúil.
• A chinntiú go ndéileáiltear le gach gearán go pras, go cothrom, go neamhchlaonta agus faoi rún.
• A chinntiú go n-admhaítear gach gearán laistigh de 5 lá oibre óna bhfuarthas é.
• A chinntiú go ndéantar gach gearán a imscrúdú go hiomlán agus go n-eisítear freagra ar ghearán laistigh de 20 lá oibre. I gcás nach féidir é seo a dhéanamh, tabharfar freagra eatramhach ag míniú an chúis atá leis an moill agus ag insint dóibh cén uair a eiseofar freagra substainteach.
• Tá ár nós imeachta gearán custaiméirí ar fáil ar ár suíomh gréasáin www.gov.ie/paroleboard

Tabhair faoi deara le do thoil nach mbaineann an nós imeachta gearáin seo le cinntí faoi iarratais parúil.

• Coinníonn an Bord Parúil córas achomhairc fhoirmiúil do chustaiméirí atá míshásta. Tá an rogha ag custaiméirí nach bhfuil sásta le toradh an imscrúdaithe ag an Oifigeach Idirchaidrimh Custaiméirí achomharc a dhéanamh chuig oifigeach sinsearach.
• Ní bheidh aon tionchar ag aon ní sa nós imeachta achomhairc ar chearta reachtúla faoi Shaoráil Faisnéise, Cosaint Sonraí nó aon reachtaíocht ábhartha eile.
• Beidh sé réamhghníomhach i gcomhairle lena chustaiméirí agus leanfaidh sé ar aghaidh ag tógáil air seo thar thréimhse an Phlean Gníomhaíochta seo. Soláthraíonn comhairliúchán meicníocht thábhachtach trínar féidir linn monatóireacht agus meastóireacht a dhéanamh ar éifeachtacht ár seachadta seirbhíse do chustaiméirí agus cinntíonn sé go leanfaidh an tseirbhís ag freastal ar riachtanais ár gcustaiméirí amach anseo.
• Struchtúir atá ann cheana a fhorbairt agus a fheabhsú le haghaidh comhairliúcháin agus meastóireachta seachtraí le linn shaolré an Phlean.
• Idirchaidreamh a dhéanamh go déthaobhach nó ar shlí eile le grúpaí leasmhara ar leith maidir le saincheisteanna a bhfuil leas frithpháirteach acu.
• A chinntiú go mbeidh ilroghanna teagmhála ar fáil don Bhord Parúil, lena n-áirítear raon uimhreacha teileafóin, ríomhphost agus suíomh gréasáin.
• A chinntiú go mbaineann an Bord Parúil úsáid iomlán as teicneolaíochtaí nua agus cinn atá ag teacht chun cinn chun rogha na mbealaí atá ar fáil do chustaiméirí a leathnú.
• A chinntiú go ndéantar gach iarracht chun freastal ar ghlaoiteoirí ar mian leo go ndéileálfar leo trí Ghaeilge agus/nó go dátheangach agus go gcuirfear in iúl do chustaiméirí go bhfuil sé de cheart acu go ndéileálfaí leo trí cheann amháin nó ceann eile de na teangacha oifigiúla.
• A chinntiú go bhfuil an Ráiteas Straitéise agus na foilseacháin faisnéise eile agus na príomhdhoiciméid bheartais arna dtáirgeadh ag an mBord Parúil nó thar a cheann ar fáil i nGaeilge agus i mBéarla i gcónaí.
• Béim a spreagadh ar chúrsaí oiliúna Gaeilge i gcláir forbartha foirne.
• Oibreoidh le Ranna eile agus le gníomhaireachtaí Rialtais chun comhordú ar sholáthar agus seachadadh seirbhíse a fheabhsú.
• A chinntiú go scaiptear faisnéis maidir lenár bpolasaithe agus ár nósanna imeachta go leathan ar ghníomhaireachtaí ábhartha Rialtais eile.
• Idirchaidreamh a dhéanamh le gníomhaireachtaí eile de réir mar is gá, lena n-áirítear Seirbhís Phríosúin na hÉireann agus an tSeirbhís Phromhaidh, chun aghaidh a thabhairt ar shaincheisteanna comhordaithe agus chun saineolas a chomhthiomsú de réir mar is cuí.
• An fhoireann a choinneáil ar an eolas faoi fhorbairtí suntasacha i ngníomhaireachtaí eile a bhfuil impleachtaí féideartha acu dár gcuid oibre trínár straitéis Chumarsáide Inmheánach.
• Laistigh den Bhord Parúil, forbairtí a phoiblí san earnáil phoiblí níos leithne agus í mar aidhm a chinntiú go gcuirtear scéimeanna agus tionscnaimh ar fud na Státseirbhíse ar fáil don fhoireann de réir an dea-chleachtais, ag brath ar riachtanais na heagraíochta.
• A chinntiú go gcuirtear seirbhís do chustaiméirí san áireamh mar chuid lárnach de gach cúrsa oiliúna agus ionduchtúcháin.
• A chinntiú go bhforáiltear do riachtanais oiliúna agus forbartha gach ball foirne trí chur i bhfeidhm an Chórais Bainistíochta agus Forbartha Feidhmíochta (CBFF).
• A chinntiú go bhforbrófaí bealaí cumarsáide inmheánacha níos éifeachtaí chun ligean don fhoireann tuiscint níos iomláine a fháil ar gach gné de ról an Bhoird Parúil.

Gheobhaidh gach ball foirne de Rúnaíocht an Bhoird Parúil an oiliúint riachtanach a theastaíonn chun seirbhís do chustaiméirí ar ardchaighdeán a sholáthar i gcomhréir lenár gCairt Custaiméirí agus lenár bPlean Gníomhaíochta Custaiméirí.

Chomh maith le gealltanais a thugtar inár bPlean Gníomhaíochta Custaiméirí agus inár gCairt Custaiméirí, tá an Bord Parúil tiomanta go hiomlán do gach oibleagáid reachtúil ábhartha a chomhlíonadh maidir le Cosaint Sonraí, Comhionannas, Saoráil Faisnéise, Íocaíocht Phras ar Chuntais agus Sábháilteacht, Sláinte agus Leas ag an Obair.