Chairt Custaiméirí

Mionsonraítear sa Chairt Custaiméirí seo an leibhéal seirbhíse ar féidir le custaiméirí a bheith ag súil leis agus iad ag déileáil linn. Leagtar an méid sin amach ar bhealach níos mine inár bPlean Gníomhaíochta Custaiméirí.

Déanfaimid na nithe seo a leanas nuair a dhéanann tú teagmháil linn nó nuair a thugann tú cuairt orainn:

• Caitheamh go cothrom leat, le cúirtéis agus le meas
• A chinntiú go mbeidh ár seirbhísí lán-inrochtana
• Gnó a dhéanamh trí Ghaeilge, nuair a iarrfar é sin
• Na caighdeáin is airde ionracais a chur i bhfeidhm
• Bheith oscailte agus comhairleach, agus éisteacht le tuairimí daoine eile agus na tuairimí sin a chur san áireamh
• Iontaoibh an phobail a chothú trí sheirbhís ardchaighdeáin agus trí dhea-chumarsáid

Déantar faireachán agus tomhas ar ár bhfeidhmíocht ó thaobh seirbhíse do chustaiméirí de bunaithe ar na nithe seo a leanas:

• an 12 Phrionsabal um Sheirbhís Ardchaighdeáin do Chustaiméirí
• ár ngealltanais, mar atá leagtha amach inár bPlean Gníomhaíochta Custaiméirí agus
• an líon gearán a fhaighimid

Teagmháil trí litir nó trí ríomhphost

• Nuair is cuí, admhóimid go bhfuarthas gach píosa comhfhreagrais scríofa laistigh de chúig lá oibre ó é a fháil.
• Déanfaimid ár ndícheall freagra a thabhairt ar fhiosruithe ó chustaiméirí laistigh de 20 lá oibre. I gcás nach féidir freagra iomlán a thabhairt laistigh den chreat ama sin, eiseofar freagra eatramhach ina dtabharfar creat ama measta don fhreagra
• Cinnteoimid go n-imscrúdófar fiosruithe agus gearáin agus go n-eiseofar freagra ina leith
• Cuirfear ainm teagmhála, uimhir theileafóin agus/nó seoladh ríomhphoist ar áireamh i ngach freagra

Teagmháil thar an bhfón

• Freagróimid glaonna teileafóin go pras, agus ár n-ainm agus ár réimse oibre á lua againn
• A mhéid is féidir, ní aistreofar aon ghlaoiteoir níos mó ná uair amháin le linn aon ghlao teileafóin aonair
• Más rud é nach féidir linn déileáil le d’fhiosrú láithreach, tógfaimid do mhionsonraí agus glaofaimid ar ais ort a luaithe is féidir

Cuairteoirí ar ár nOifigí

• Caithfear le gach cuairteoir le meas agus le cúirtéis
• Tabharfaimid suaitheantas cuairteora do chuairteoirí, de réir mar is gá
• Cinnteoimid go mbeidh ár saoráidí fáiltithe agus cruinnithe glan agus inrochtana
• Tabharfaimid fógra don lucht fáiltithe sula dtiocfaidh cuairteoirí a bhfuiltear ag súil leo

An dóigh a ndéileálaimid leat

• Freastalófar ar chustaiméirí a bhfuil riachtanais shonracha acu agus sinn ag soláthar seirbhísí
• Déanfaimid ár ndícheall freastal ar chustaiméirí ar mhaith leo a ngnó a dhéanamh trí Ghaeilge
• Scríobhfaimid i dteanga shoiléir agus míneoimid aon téarmaí teicniúla a úsáidimid
• Beidh ár bhfoilseacháin ar fáil ar ár suíomh Gréasáin

Fáiltímid roimh aiseolas ar ár seirbhísí agus iarraimid an t-aiseolas sin. Soláthraímid cártaí barúla saorphoist inár bpríomhlimistéar fáiltithe. Is féidir leat teagmháil a dhéanamh linn trí ríomhphost freisin: customer.service@finance.gov.ie

Déileálfaimid le do chomhfhreagras ar bhealach pras, cothrom agus neamhchlaon.

Más rud é go mbeidh tú míshásta leis an tseirbhís a fuair tú, is féidir leat na nithe seo a leanas a dhéanamh:

• gearán a dhéanamh leis an rannóg a bhfuil tú ag déileáil léi, nó
• do ghearán a sheoladh chuig an Oifigeach Seirbhíse do Chustaiméirí

Tabhair do mhionsonraí teagmhála agus an fhaisnéis iomchuí a bhaineann le do ghearán.

I ngach cás, admhóimid go bhfuarthas an gearán laistigh de chúig lá oibre.

Déanfaimid imscrúdú ar do ghearán agus tabharfaimid freagra air laistigh de 20 lá oibre. I gcás nach féidir freagra iomlán a thabhairt laistigh den chreat ama sin, eiseofar freagra eatramhach.

Tabhair cuairt ar an rannán Déan Teagmháil Linn dár suíomh Gréasáin

Ríomhphost: customer.service@finance.gov.ie

Chun cabhrú linn déileáil le do bharúil nó do ghearán, tabhair na mionsonraí seo a leanas:

• D’ainm, do sheoladh agus do sheoladh ríomhphoist
• Faisnéis chruinn iomlán a bhaineann le d’fhiosrú
• Uimhir theileafóin lae

Caith lenár mbaill foirne le cúirtéis agus le meas