Tugann an tAire Airgeadais éifeacht do Rialachán an Aontais Eorpaigh maidir le Margaí i gCripteashócmhainní

Shínigh an tAire Airgeadais Ionstraim Reachtúil Uimh. 607 de 2024, Rialacháin an Aontais Eorpaigh (Margaí i gCripteashócmhainní), 2024 – 2024/01986. Leis an Ionstraim Reachtúil sin:

• ainmnítear Banc Ceannais na hÉireann (BCÉ) mar an tÚdarás Inniúil Náisiúnta
• tugtar breac-chuntas ar na pionóis riaracháin agus na bearta riaracháin do Sholáthraithe Rialáilte agus Neamhrialáilte Seirbhíse Airgeadais
• sonraítear fad na hidirthréimhse do ghnólachtaí a sholáthair seirbhísí cripteashócmhainní roimh an 30 Nollaig 2024

Is é an 8 Samhain 2024 an dáta a tháinig an Ionstraim Reachtúil i mbun feidhme/an dáta a thosaigh an Ionstraim Reachtúil agus tá an rialachán le foilsiú in Iris Oifigiúil Dé Máirt seo chugainn.