Comhairliúchán maidir leis an bPlean Gníomhaíochta um Printíseachtaí 2021-2025
-
Ó: An Roinn Breisoideachais agus Ardoideachais, Taighde, Nuálaíochta agus Eolaíochta
- Foilsithe: 31 Iúil 2020
- oscailte le haghaidh aighneachtaí ó: 31 Iúil 2020
- Dúnadh na haighneachtaí: 18 Meán Fómhair 2020
- An t-eolas is déanaí: 25 Lúnasa 2021
Consultation is closed
Maidir leis na gealltanais atá leagtha amach laistigh de Chlár an Rialtais, tá an Roinn Breisoideachais agus Ardoideachais, Taighde, Nuálaíochta agus Eolaíochta ag cur fhorbairt an Phlean Gníomhaíochta um Printíseachtaí 2021-2025 chun cinn.
Leis an bPlean Gníomhaíochta um Printíseachtaí 2021-2025 déanfar forbairt ar an méid a foghlaimíodh ón bPlean gníomhaíochta chun Printíseachtaí agus Cúrsaí Oiliúna (2016-2020) a leathnú agus ar an dul chun cinn a baineadh amach faoi. Leagfar treochlár soiléir agus uaillmhianach amach leis le haghaidh na gcúig bliana le teacht lena ndéanfar printíseachtaí a chomhtháthú ar bhonn níos iomláine le tírdhreach an bhreisoideachais agus an ardoideachais, lena ndéanfar printíseachtaí a leabú le fiontraíocht agus lena soláthrófar córas printíseachtaí atá níos inrochtana do chách.
Sa pháipéar comhairliúcháin leagtar amach an seasamh reatha maidir le printíseachtaí in Éirinn agus ardaítear roinnt ceisteanna leis chun tacú le freagairtí struchtúraithe ar an gcomhairliúchán. Bhí aighneachtaí a fuarthas ón bpáipéar comhairliúcháin seo ina mbunús le plé breise le páirtithe leasmhara d’fhonn na gníomhaíochtaí agus na frámaí ama a fhorbairt le cur isteach sa Phlean nua.
Is féidir cóip de Pháipéar Comhairliúcháin an Phlean Ghníomhaíochta um Printíseachtaí a íoslódáil anseo.
Rinneadh aighneachtaí ó pháirtithe leasmhara a fhorlíonadh a thuilleadh le haiseolas ó fhostóirí FBManna trí na Fóraim Réigiúnacha Scileanna agus trí aiseolas freisin ó 3,700 printíseach mar fhreagairt ar cheistneoir ar líne. Cuireadh na príomhthorthaí agus na tátail faoi bhráid na bpáirtithe leasmhara ag imeacht ar líne a tionóladh Dé Luain an 23 Samhain.
Féach ar thaifeadadh an tseimineáir ghréasáin.
Íoslódáil cóip de shleamhnáin na Láithreoireachta thíos.
Saoráil Faisnéise
Tabhair faoi deara go bhfuil sé beartaithe go gcuirfear gach aighneacht a gheofar ar fáil faoi na hAchtanna um Shaoráil Faisnéise agus mar sin de go bhféadfar iad a fhoilsiú ar ár suíomh gréasáin tar éis fhoilsiú an Phlean Ghníomhaíochta cé go ndéanfar sonraí pearsanta ar bith a bhaint amach.
Aighneachtaí
