Faisnéis eagraíochta
Ráiteas Straitéise 2021-2023
-
Ó: An Roinn Breisoideachais agus Ardoideachais, Taighde, Nuálaíochta agus Eolaíochta
- Foilsithe: 8 Márta 2021
- An t-eolas is déanaí: 12 Iúil 2021
Leis an straitéis tá uaillmhian na roinne leagtha amach chun an méid a leanas a dhéanamh:
- an t-aistriú chuig breisoideachas agus ardoideachas a fheabhsú don lucht fágála scoile
- straitéis 10 mbliana nua a chur i bhfeidhm d’fhonn litearthacht, uimhearthacht agus scileanna digiteacha a fheabhsú chun a chinntiú nach bhfágtar duine ar bith ar deireadh
- oiliúint ar scileanna a athchóiriú agus infheistíocht a dhéanamh i ndeiseanna uasoiliúna agus athoiliúna i réimsí an fháis eacnamaíoch lena n-áirítear scileanna glasa agus digiteacha
- an córas Printíseachta a leasú ó bhonn agus plean nua a fhorbairt chun printíseachtaí a mhéadú go 10,000 gach bliain
- cur chuige inbhuanaithe a chur i bhfeidhm maidir le maoiniú ardoideachais
- reachtaíocht nua a thabhairt isteach d’fhonn rialachas ardoideachais a athchóiriú
- rannpháirtíocht náisiúnta a chur chun feidhme maidir le taighde agus eolaíocht agus straitéis náisiúnta athnuaite a fhorbairt chun teacht i ndiaidh Nuálaíocht 2020
- Plean Rochtana nua a chur i bhfeidhm don ardoideachas agus athbhreithniú a dhéanamh ar an Scéim Deontais do Mhic Léinn
- ár dtionchar idirnáisiúnta a fhorbairt agus Éire a chur ina suíomh mar cheannaire in ardoideachas agus i dtaighde
- bunú Ollscoileanna Teicneolaíochta a thacú ar fud na tíre d’fhonn rochtain a fheabhsú ar ardoideachas agus chun gníomhú mar chrainn taca do nuálaíocht agus d’fhás réigiúnach agus náisiúnta
- comhoibriú Thuaidh/Theas a chur chun cinn san ardoideachas agus i dtaighde
- bheith i gceannas ar fhreagairt COVID-19 don earnáil chun ardoideachas agus breisoideachas a chumasú freagairt a dhéanamh ar an ngéarchéim leanúnach agus chun téarnamh uaithi
