Cúrsaí oiliúna ar líne saor in aisce le eCollege
-
Ó: An Roinn Breisoideachais agus Ardoideachais, Taighde, Nuálaíochta agus Eolaíochta
- Foilsithe: 1 Eanáir 2021
- An t-eolas is déanaí: 8 Bealtaine 2024
Cad is eCollege ann
Is saoráid oiliúna ar líne atá maoinithe ag an Rialtas atá san eCollege a sholáthraíonn raon cúrsaí foghlama idirghníomhacha ar líne, atá ar fáil am ar bith trí rochtain ar an Idirlíon leathanbhanda dóibh siúd ar mian leo foghlaim ag a luas féin.
Cúrsaí ar fáil
Cuireann eCollege cúrsaí oiliúna ar líne ar fáil sna hábhair seo:
- gnó
- bainistíocht tionscadail
- teicneolaíocht na faisnéise
- dearadh grafach
- dearadh gréasáin
- forbairt bogearraí
- inniúlacht bhunúsach ar ríomhairí
Tá cúrsaí eCollege á soláthar saor in aisce go sealadach mar thaca breise dóibh siúd a bhfuil tionchar ag bearta sláinte poiblí COVID-19 orthu. D’fhéadfadh na cúrsaí a bheith tairbheach dóibh siúd atá i mbun cúrsa cheana féin agus ar mhaith leo cur lena bhfoghlaim, dóibh siúd a bhfuil fostaíocht caillte acu le gairid nó ar laghdaíodh a gcuid uaireanta, agus dóibh siúd ar mian leo scilbhisiú nó athsciliú a dhéanamh.
Tá na cúrsaí deartha chun freastal go solúbtha ar riachtanais scileanna sonracha daoine a dteastaíonn oiliúint teistithe uathu chun cuidiú leo filleadh ar an margadh saothair nó scilbhisiú a dhéanamh ann.
Conas cáiliú
Tá cúrsaí eCollege saor in aisce faoi láthair do dhuine ar bith os cionn 18 mbliana d’aois ar mian leis nó léi cúrsa a dhéanamh. Mura bhfuil tú cinnte céard leis a bhfuil tú ag súil ó chúrsa eCollege, is féidir leat cúrsa tosaithe gearr a dhéanamh.
Conas iarratas a dhéanamh
Is féidir leat iarratas a dhéanamh ar chúrsa trí shuíomh gréasáin eCollege.