Monatóir ar Chuimsiú Sóisialta

Is uirlis mhonatóireachta bhliantúil é an Monatóir Náisiúnta ar Chuimsiú Sóisialta a thuairiscíonn ar dhul chun cinn i dtreo uaillmhian an Treochláir um Chuimsiú Sóisialta “Bochtaineacht chomhsheasmhach a laghdú go 2% nó níos lú agus Éire a dhéanamh ar cheann de na tíortha is cuimsithí go sóisialta san AE”.

Scrúdaíonn sé freisin rannchuidiú na hÉireann le sprioc bhochtaineachta an AE agus scrúdaíonn sé dul chun cinn ar an dá fhosprioc náisiúnta chun an bhochtaineacht a laghdú i measc leanaí agus teaghlach nach bhfuil aon duine ann fostaithe.