Comhairliúchán Poiblí ar Shochar Pá-Choibhneasa do Chuardaitheoirí Poist – ar oscailt go dtí 28 Feabhra 2023

Tá an Roinn Coimirce Sóisialaí ag lorg aighneachtaí i gcomhairliúchán poiblí chun dearadh agus forbairt scéime nua Sochar Pá-Choibhneasa (PRB) do chuardaitheoirí poist in Éirinn a bhreithniú. Tógann an scéim atá beartaithe ar an gClár don Rialtas, ar an bPlean Téarnaimh Eacnamaíoch i mí an Mheithimh 2021 agus ar Chonairí chun Oibre 2021-2025.

Mar chuid den phróiseas comhairliúcháin phoiblí, beimid ag óstáil imeacht leathlae ar na moltaí le haghaidh Sochar Pá-Choibhneasa nua do Chuardaitheoirí Poist. Is féidir leat d’aiseolas a thabhairt ag an imeacht seo.

• Dáta Dé hAoine an 10 Feabhra 2023
• Am Clárú ó 9.00am, Imeacht ó 9.30am-1pm
• Suíomh Teach na gCuntasóirí Cairte, 47-49 Sráid an Phiarsaigh, Baile Átha Cliath 2, D02 YN40

Deis atá san imeacht seo tuilleadh a chloisteáil ón Roinn faoi na moltaí seo agus do thuairimí agus aiseolas a thabhairt.

Tá an t-imeacht seo saor in aisce agus oscailte do gach grúpa páirtithe leasmhara agus don phobal. Beidh ort clárú don imeacht ar Eventbrite agus ticéad a fháil. Cláraigh don imeacht anseo le do thoil.

Leagann an dréacht-togra seo le haghaidh Sochar Pá-Choibhneasa do Chuardaitheoirí Poist amach na treoirlínte leathana maidir le cur chuige nua maidir le sochar cuardaitheora poist pá-choibhneasa a choinneodh tacaíocht ioncaim ar aon dul le hioncam fostaíochta an duine le déanaí.

Ní dearadh deiridh é. D’fhéadfadh dearadh aon togra a thabharfar faoi bhráid an Rialtais a bheith an-difriúil ón dréacht-togra. Is é cuspóir an dréacht-togra aiseolas a lorg trí phróiseas náisiúnta comhairliúcháin poiblí chun dearadh beartais tosaíochta a fhorbairt. Áirítear sa dréacht-togra roinnt ceisteanna a iarrtar ar gheallsealbhóirí a bhreithniú.

Deis atá sa chomhairliúchán do pháirtithe leasmhara, lena n-áirítear oibrithe, cuardaitheoirí poist, eagraíochtaí ionadaíocha agus fostóirí faisnéis, eispéiris agus dearcthaí éagsúla a sholáthar ar na réimsí atá faoi chaibidil. Is foinse ríthábhachtach faisnéise agus tuairimí iad aighneachtaí na bpáirtithe leasmhara, ag cabhrú le forbairt moltaí a d’fhéadfadh teacht ón bpróiseas seo.

Sula ndéanann tú aon aighneacht, athbhreithnigh an fhaisnéis phríobháideachais thíos. Tar éis duit é seo a léamh, más mian leat aighneacht a dhéanamh, is féidir leat ceann a dhéanamh trí ríomhphost nó sa phost.

Beartas Cuardaitheora Poist

Seoladh: An Roinn Coimirce Sóisialaí, Oifig na Seirbhísí Leasa Shóisialaigh, Bóthar an Choláiste, Sligeach, F91 T384.

Ríomhphost: prb@welfare.ie

Cuir sonraí teagmhála san áireamh má tá tú ag freagairt tríd an bpost le do thoil. Agus tú ag freagairt don chomhairliúchán seo, luaigh le do thoil an bhfuil tú ag cur leis an bpróiseas comhairliúcháin mar chomhairleoir gairmiúil, mar chomhlacht ionadaíoch, duine aonair, nó thar ceann eagraíochta.

Má bhíonn ceisteanna ar leith sa dréacht-togra á bhfreagairt acu, iarrtar ar fhreagróirí ábhar atá á chur isteach a nascadh leis an gceist ábhartha (mar shampla ‘freagra ar cheist 3’). Chomh maith le freagairt a thabhairt ar na ceisteanna a ardaíodh sa dréacht-togra, spreagtar freagróirí aon tuairimí nó faisnéis bhreise a chreideann siad gur cheart a chur san áireamh a chur leo. Spreagtar iad freisin foinsí sonraí/aon bhonn fianaise atá ar fáil a sholáthar d’aon mholtaí a dhéantar.

Cinntigh le do thoil go bhfaightear freagraí roimh an dáta deiridh, 28 Feabhra 2023. Seans nach mbreithneofar freagraí a gheofar tar éis an dáta seo.

Tá sé beartaithe ag an Roinn Coimirce Sóisialaí fóram/ceardlann plé a óstáil ar dhearadh an dréacht-mholta níos déanaí. Cuirfear tuilleadh sonraí ar fáil ar an leathanach gréasáin seo in am trátha.

Beartas Cuardaitheora Poist

Seoladh: An Roinn Coimirce Sóisialaí, Oifig na Seirbhísí Leasa Shóisialaigh, Bóthar an Choláiste, Sligeach, F91 T384.

Ríomhphost: prb@welfare.ie

Is comhairliúchán poiblí é seo agus tá feidhm ag an Acht um Shaoráil Faisnéise 2014.

Déileálfar le haon fhaisnéis phearsanta, a thugann tú go deonach don Roinn seo, leis na caighdeáin is airde slándála agus rúndachta, go docht de réir an Rialacháin Ghinearálta um Chosaint Sonraí 2016/67 agus an tAcht um Chosaint Sonraí 2018. Tabhair faoi deara an méid seo a leanas:

• Is féidir ráiteas príobháideachta iomlán na Roinne a athbhreithniú anseo.
• Roinnfear an fhaisnéis a sholáthrófar i d’aighneacht le baill na rannóige Beartas Cuardaitheora Poist, agus déanfar aon sonraí pearsanta a athcheartú.
• Féadfaidh an Roinn toradh na n-athbhreithnithe agus na n-aighneachtaí a fuarthas faoin gcomhairliúchán seo a fhoilsiú ar www.Gov.ie, agus féadfar liosta iomlán díobh siúd a dhéanann aighneachtaí a chur san áireamh mar aguisín in aon tuairisciú a eascraíonn as an bpróiseas comhairliúcháin. Athrófar aon sonraí pearsanta.
• Féadfar aon fhaisnéis neamhphearsanta a fhaigheann an Roinn atá san áireamh in aighneachtaí a scaoileadh faoin Acht um Shaoráil Faisnéise. Má dhéantar iarratas ar an bhfaisnéis seo, rachaidh an Roinn i gcomhairle leat sula ndéanfaidh sí cinneadh má iarrtar uirthi é a nochtadh. Arís, dhéanfaí aon sonraí pearsanta a chur in eagar de réir na reachtaíochta um Shaoráil Faisnéise.
• Coinneofar aighneachtaí go dtí go mbeidh an próiseas athbhreithnithe, lena n-áirítear cur i bhfeidhm aon mholtaí a nglactar leo, tugtha chun críche.

Is féidir preasráiteas iomlán a fheiceáil anseo