Comhairliúchán Poiblí Náisiúnta ar Sprioc Bochtaineacht Leanaí

Tá comhairliúchán poiblí seolta ag an Aire Coimirce Sóisialaí, Heather Humphreys TD, maidir le sprioc náisiúnta nua bochtaineacht leanaí a leagan síos.

Is straitéis rialtais iomlán é an Treochlár um Chuimsiú Sóisialta 2020-2025, a foilsíodh i mí Eanáir 2020, a bhfuil an sprioc uaillmhianach aige bochtaineacht chomhsheasmhach a laghdú go 2% agus Éire a dhéanamh ar cheann de na tíortha is cuimsithí go sóisialta san AE. Áiríonn sé an gealltanas (#40) sprioc náisiúnta nua maidir le bochtaineacht leanaí a shocrú. Geallann an tAthbhreithniú Meántéarma ar an Treochlár um Chuimsiú Sóisialta, a foilsíodh i Meitheamh na bliana seo, tuilleadh comhairliúchán poiblí a dhéanamh i 2023 chun bonn eolais a chur faoi fhorbairt sprice náisiúnta nua bochtaineachta leanaí.

Is croí-uaillmhian de chuid an rialtais é bochtaineacht leanaí a laghdú. Cuirfidh forbairt na sprice náisiúnta nua bochtaineachta leanaí le cur chuige an rialtais iomláin níos leithne chun aghaidh a thabhairt ar bhochtaineacht leanaí, lena n-áirítear:

• bunú, go luath i 2023, Oifig an Chláir um Bochtaineacht agus Leas Leanaí i Roinn an Taoisigh. D’fhoilsigh an t-aonad a chéad Phlean Cláir le déanaí ina bhfuil sé mar aidhm aige Éire a dhéanamh ar an tír is fearr san Eoraip le bheith ina leanbh, Ó Bhochtaineacht go Poitéinseal: Plean Cláir le haghaidh Bochtaineacht agus Leas Leanaí 2023-2025
• forbairt Éire Óg: An Creat Beartais Náisiúnta do Leanaí agus Daoine Óga 2023 – 2028, tionscnamh de chuid an rialtais uile, stiúrtha ag an Roinn Leanaí, Comhionannais, Míchumais, Comhtháthaithe agus Óige. Díreoidh an creat seo a thiocfaidh mar comhbhar ar Torthaí Níos Fearr, Todhchaí Níos Gile ar an gcaoi a n-oibríonn an rialtas chun cearta leanaí agus daoine óga in Éirinn a bhaint amach

Leagtar amach sa doiciméad treorach chomhairliúchán poiblí thíos comhthéacs an chomhairliúcháin agus cuireann sé roinnt ceisteanna agus roghanna ar fáil chun d’ionchur a threorú.

Doiciméad Treorach Comhairliúcháin

Sprioc Bochtaineacht Leanaí: Doiciméad Treorach Comhairliúcháin Phoiblí

Seol aighneachtaí le do thoil trí ríomhphost chuig CPTsubmissions@welfare.ie ní trí phost ag an seoladh thíos faoi 5pm, Aoine an 19 Eanáir 2024, ag déanamh cinnte go soláthraíonn tú d'ainm agus d'eagraíocht (más bainteach).

Seoladh poist:

Comhairliúchán Sprioc Bochtaineacht Leanaí

An Roinn Coimirce Sóisialaí

Teach Goldsmith

7-13 Sráid an Phiarsaigh

Baile Átha Cliath 2

D02 YY17

Sula ndéanann tú aon aighneacht, athbhreithnigh an fhaisnéis phríobháideachta thíos.

Is é an dáta deireadh d'aighneachtaí ná 5pm, Aoine an 19 Eanáir.

Déanfaidh an Roinn Coimirce Sóisialaí na freagraí a thiomsú agus a anailísiú.

Féadfar aighneachtaí a fhoilsiú ar shuíomh gréasáin na roinne.

Tabhair faoi deara le do thoil nach bhfreagrófar aighneachtaí.

Is comhairliúchán poiblí é seo agus tá feidhm ag an Acht um Shaoráil Faisnéise 2014.

Níor cheart faisnéis phearsanta a sholáthar agus féadfar aon fhaisnéis phearsanta a dheonaíonn tú a fhoilsiú. Níor cheart aon ábhar nach mian leat go bhfoilseofaí é a chur san áireamh.

Níor cheart ábhar nó faisnéis a mheasann tú a bheith íogair ó thaobh na tráchtála de a chur san áireamh.

Má chuireann tú ar fáil é, áfach, ba cheart duit an t-ábhar agus an chúis atá lena íogaireacht a shainaithint go soiléir agus cén fáth nár cheart é a fhoilsiú nó a chur ar fáil faoin Acht um Shaoráil Faisnéise.

Tá Ráiteas Príobháideachta iomlán na Roinne agus Cosaint Sonraí anseo.

Is féidir leat do thuairimí a chur isteach go dtí 5pm ar an 19 Eanáir 2024.