Cad atá i gceist le clárú uathoibríoch do thionscal na bpinsean

• dearadh an scéim cláraithe uathoibríoch le bheith comhuaineach leis an tionscal pinsean reatha
• ní chlárófar daoine atá cláraithe cheana féin i scéim scoir gairme nó i scéim scoir phearsanta choibhéiseach ar an gclár nua
• beidh deis ag soláthróirí tráchtála a bheith páirteach sa chóras cláraithe uathoibríoch trí thairiscintí ar leith ar sheirbhísí bainistithe infheistíochta, riaracháin agus cuntasaíochta ciste
• tabharfar ‘Soláthróirí Cláraithe’ ar na soláthróirí a roghnaítear chun seirbhísí bainistithe infheistíochta a sholáthar
• ní bheidh aon teagmháil ná caidreamh díreach ag na Soláthraithe Cláraithe leis na fostaithe – is é an tÚdarás Náisiúnta um Choigiltis Scoir um Chlárú Uathoibríoch (NAERSA) a bheidh mar chustaiméir aonair acu

Beidh níos mó eolais faoin bpróiseas tairisceana agus na cineálacha cistí nach mór do Sholáthróirí Cláraithe a sholáthar curtha ar fáil go luath.

• sa deireadh déanfar comhlacht reachtúil neamhspleách de
• cuirfidh sé tairiscint isteach ar sheirbhísí bainistithe infheistíochta, riaracháin agus cuntasaíochta ciste
• baileoidh sé ranníocaíochtaí ón bhfostaí, ón bhfostóir agus ón Stát
• dáilfidh sé ranníocaíochtaí ar na Soláthróirí Cláraithe le haghaidh infheistíochta
• cionroinnfidh sé torthaí infheistíochta ar chuntais na bhfostaithe
• feidhmeoidh sé an tairseach ar líne inar féidir le fostaithe amharc ar a n-iarmhéid cuntais agus cinntí a dhéanamh, mar shampla tarraingt amach as an scéim
• beidh sé freagrach as comhlíonadh na scéime
• cinnteoidh sé go mbeidh leas na rannpháirtithe i gcroílár an chórais
• éascóidh sé an cur chuige ‘leanann-ciste-ball’ nach mbeidh ach cuntas amháin ag fostaithe leis an Údarás Náisiúnta um Choigiltis Scoir um Chlárú Uathoibríoch le linn a saoil oibre
• cuirfidh barainneachtaí scála le himeacht ama ar chumas an Údaráis Náisiúnta um Choigiltis Scoir um Chlárú Uathoibríoch táillí agus costais a choinneáil íseal