Pinsin Stáit

Dhá phríomh Phinsean Stáit

• Pinsean Stáit (Ranníocach)
• Pinsean Stáit (Neamh-ranníocach)

Chun cáiliú do gach Pinsean Stáit ní mór duit sraith riachtanas difriúil a chomhlíonadh.

D’fhéadfadh an tábla seo cabhrú leat cinneadh a dhéanamh cé acu Pinsean Stáit le hiarratas a chur isteach. Déantar an Pinsean Stáit (Ranníocach) a ghiorrú go ‘PSR’ agus déantar an Pinsean Stáit (Neamh-ranníocach) a ghiorrú go ‘PSNR’.

Is féidir leat iarratas a dhéanamh ar phinsean amháin nó ar an dá cheann. Má cháilíonn tú don dá Phinsean Stáit, bronnfaimid an íocaíocht is airde duit.

-Neamhbhainteach*

-Ní íoctar Pinsean Stáit (Neamh-ranníocach) do dhaoine fásta cáilithe os cionn 66 bliain d’aois. Nuair a shroicheann do dhuine fásta cáilithe 66 bliana d’aois is féidir leo iarratas a dhéanamh ar Phinsean Stáit as a stuaim féin. **

Pinsean Stáit (Ranníocach)

Is íocaíocht sheachtainiúil é an Pinsean Stáit (Ranníocach) bunaithe ar do thaifead ranníocaíochtaí árachais shóisialaigh. Ní íocaíocht de réir tástála acmhainne í agus mar sin ní bheidh tionchar ag aon ioncam breise a d’fhéadfadh a bheith agat ar d’íocaíocht.

Má rugadh tú ar nó tar éis 1 Eanáir 1958, is féidir leat dáta idir 66 agus 70 bliain d’aois a roghnú chun aon teidlíocht don Phinsean Stáit (Ranníocach) a d’fhéadfadh a bheith agat a rochtain. D’fhéadfadh ráta níos airde de Phinsean Stáit (Ranníocach) a bheith iníoctha leo siúd a fhaigheann rochtain ar Phinsean Stáit (Ranníocach) idir 67 agus 70 bliain d’aois.

Má leanann tú ag obair, nó má théann tú i mbun fostaíochta, tar éis duit do Phinsean Stáit (Ranníocach), ní íocann tú ÁSPC a thuilleadh.

Chun cáiliú, ní mór duit:

• 66 bliain d’aois nó níos mó
• ar a laghad 520 cuideachta árachais shóisialaigh a bheith agat

Chun an t-uasráta pinsin a fháil ní mór duit 2080 ranníocaíocht ar a laghad a bheith agat.

Má tá níos mó ná 520 ranníocaíocht agat ach níos lú ná 2080, beidh do ráta pinsin níos lú, ag brath ar cé mhéad ranníocaíochtaí atá agat.

Mura gcomhlíonann tú na critéir seo, d’fhéadfá a bheith incháilithe fós don Phinsean Stáit (Ranníocach) má tá:

• ar a laghad 260 ranníocaíocht lánráta agus a d’oibrigh riamh mar státseirbhíseach nó mar sheirbhíseach poiblí
• d’oibrigh i dtír eile den AE/LEE nó i dtír a bhfuil Comhaontú Slándála Sóisialta Déthaobhach ag Éirinn léi

Má d’oibrigh nó má chónaigh tú i dtíortha eile, mar shampla an RA, d’fhéadfá cáiliú fós don Phinsean Stáit (Ranníocach), fiú mura gcáilíonn tú bunaithe ar do thaifead ranníocaíochta árachais shóisialaigh in Éirinn.

Molaimid duit iarratas a dhéanamh ar an bPinsean Stáit (Ranníocach) 6 mhí sula theastaíonn uait do phinsean a éileamh.

Tuilleadh eolais faoin bPinsean Stáit (Ranníocach).

Pinsean Stáit (Neamh-ranníocach)

Is íocaíocht de réir tástáil acmhainne é an Pinsean Stáit (Neamh-ranníocach). D’fhéadfadh sé a bheith ar fáil duit mura gcáilíonn tú don Phinsean Stáit (Ranníocach) bunaithe ar do thaifead ranníocaíochtaí árachais shóisialaigh nó má cháilíonn tú do ráta laghdaithe den Phinsean Stáit (Ranníocach).

Má cháilíonn tú don dá phinsin, bronnfaimid an íocaíocht is airde duit.

Chun cáiliú, ní mór duit:

• cónaí a bheith ort sa Stát go dleathach agus go rialta
• 66 bliain d’aois nó níos mó
• in ann tástáil acmhainne a shásamh

Ba cheart duit iarratas a dhéanamh ar Phinsean Stáit (Neamh-ranníocach) 6 mhí roimh do 66 breithlá. Ní féidir leat rogha a dhéanamh moill a chur ar éileamh Pinsin Stáit (Neamh-ranníocach).

Tuilleadh eolais faoin bPinsean Stáit (Neamh-ranníocach)

Sula ndéanann tú iarratas ar do phinsean ba chóir duit:

Seiceáil do Ráiteas Ranníocaíochta

Déan athbhreithniú ar do ráiteas ranníocaíochta agus cinntigh go bhfuil do thaifead árachais shóisialaigh iomlán agus ceart. Cabhróidh sé seo le do phinsean a phróiseáil go cruinn.

Is é an bealach is tapúla agus is éasca chun do ráiteas ranníocaíochta a iarraidh ná trí MyWelfare. Níl ach cuntas MyGovID fíoraithe ag teastáil uait. Is féidir leat cuntas MyGovID fíoraithe a fháil má tá Cárta Seirbhísí Poiblí, uimhir fóin póca fhíoraithe agus seoladh ríomhphoist agat.

Foghlaim conas clárú anseo.

Conas do Phinsean Stáit a ríomh

Is féidir leat do ráta Pinsean Stáit (Ranníocach) a mheas trí do Ráiteas Ranníocaíochta a úsáid. Foghlaim conas do ráta Pinsean Stáit (Ranníocach) a ríomh.

Seiceáil an gcabhraíonn Tacaíochtaí Cúraim Pinsin leat cáiliú

Is féidir le Tacaíochtaí Cúraim Pinsin cabhrú leat cáiliú le haghaidh Pinsin Stáit (Ranníocaíocht) nó do ráta íocaíochta a fheabhsú. Ba cheart duit iarratas a dhéanamh ar Thacaíochtaí Cúraim Pinsin san áit a raibh tú i do chónaí in Éirinn, agus go raibh cúram lánaimseartha á sholáthar agat do:

• leanbh a bhí faoi 12 bhliain d’aois ag an am ar soláthraíodh an cúram; nó
• aon duine a raibh gá acu le leibhéal méadaithe cúraim

Nuair a bheidh d’iarratas curtha isteach, déanfar tú a mheasúnú le haghaidh gach Tacaíocht Chúram Pinsin a bhaineann le do chúinsí. D’fhéadfadh Tréimhsí Ranníocaíochta do Chúramóirí Fadtéarmacha, Tréimhsí Cúram Baile nó an Scéim um Chúramaí Baile a bheith san áireamh.

Níl ach cuntas MyGovID ] fíoraithe [internal-link 35262 | ag teastáil uait. Is féidir leat cuntas MyGovID fíoraithe a fháil má tá Cárta Seirbhísí Poiblí, uimhir fóin póca fhíoraithe agus seoladh ríomhphoist agat.

Foghlaim conas clárú anseo.

Seiceáil go bhfuil gach féinfhostaíocht taifeadta

Má bhí tú féinfhostaithe, ba chóir duit a chinntiú go bhfuil d’fhéinfhostaíocht taifeadta go cruinn ar do ráiteas ranníocaíochta. Is coinníoll é den phinsean stáit (Ranníocach), go bhfuil gach ranníocaíocht féinfhostaithe socraithe agat, sular féidir leat a bheith incháilithe don phinsean seo. Murar socraíodh dliteanais amuigh ó ghníomhaíocht fhéinfhostaíochta roimh an dáta a d’iarr tú do Phinsean Stáit (Ranníocach) a éileamh, ní féidir le d’íocaíocht tosú ach ó dháta an tsocraithe, ar choinníoll go gcomhlíonann tú na coinníollacha eile is gá chun cáiliú le haghaidh an Pinsean Stáit (Ranníocach).

Déan teagmháil leis na Coimisinéirí Ioncaim le do thoil má tá aon cheist agat faoi seo. Ba cheart duit d’iarratas ar Phinsean Stáit a chur isteach fad is atá tú ag fanacht ar fhreagra ó na Coimisinéirí Ioncaim, ionas go gclárófar d’iarratas.

Nóta ar an Liúntas Cúramóra

Má tá teidlíocht agat ar Phinsean Stáit is féidir go bhfaighidh tú Liúntas Cúramóra ar leathráta chomh fada agus a leanann tú ag comhlíonadh na gcoinníollacha cáilitheacha. Má tá Liúntas Cúramóra ar an ráta iomlán á fháil agat faoi láthair, agus má cháilíonn tú don Phinsean Stáit, ní bhronnfaidh an Roinn an pinsean ach amháin má tá sé níos tairbhí duit ó thaobh airgeadas de. Ba cheart duit iarratas a dhéanamh ar an bPinsean Stáit, ar an ngnáthbhealach, agus coigeartóidh an roinn d’íocaíocht Liúntas Cúramóra duit.

Nóta ar Phinsean Easláine

Má tá Pinsean Easláine á fháil agat ón roinn ag aois 66, aistreoidh tú go huathoibríoch chuig Pinsean Stáit (Ranníocach). Aistreofar aon liúntais atá á n-íoc faoi láthair ar do Phinsean Easláine chuig do Phinsean Stáit (Ranníocach).

Ní gá duit iarratas a dhéanamh ar Phinsean Stáit.

Déan iarratas ar do Phinsean Stáit

Féadfaidh tú iarratas a dhéanamh 6 mhí roimh duit éileamh a dhéanamh ar do phinsean.

Is é an bealach is tapúla agus is éasca chun iarratas a dhéanamh ar an bpinsean Stáit ná trí MyWelfare, agus is féidir leat iarratas a dhéanamh ar phinsean Stáit amháin nó ar an dá cheann ag an am céanna. Má cháilíonn tú don dá cheann, bronnfaidh an roinn an íocaíocht atá níos airde ort.

Chun iarratas a dhéanamh trí MyWelfare, níl uait ach cuntas MyGovID fíoraithe. Is féidir leat cuntas MyGovID fíoraithe a fháil má tá Cárta Seirbhísí Poiblí, uimhir fóin póca fhíoraithe agus seoladh ríomhphoist agat.

Foghlaim conas clárú le haghaidh MyGovID anseo.

Mar mhalairt air sin, is féidir leat foirm iarratais le haghaidh Pinsean Stáit (Ranníocach) nó [internal-link 10466 | Pinsean Stáit (Neamhranníocach), a phriontáil agus a chomhlánú, nó an dá cheann, ag brath ar do chúinsí.

Is féidir leat an fhoirm seo a fháil freisin ó:

• Oifig Intreo nó oifig bhrainse leasa shóisialaigh
• oifig an phoist

Liúntais agus sochair bhreise

Saorthaisteal

Cáileoidh tú don Scéim Saorthaistil nuair atá tú 66 bliain d’aois má tá cónaí ort sa Stát. Má dhéanann tú iarratas ar Phinsean Stáit sula sroicheann tú 66 bliain d’aois ní gá duit iarratas ar leith a chur isteach.

Mura bhfuil Cárta Seirbhísí Poiblí agat, téigh chuig www.gov.ie/PSC chun tuilleadh eolais a fháil. Mar sin féin, beidh ort clárú le haghaidh Cárta Seirbhísí Poiblí chun do Chárta Saorthaistil a fháil, téigh i dteagmháil le d’Ionad CPS áitiúil chun coinne a dhéanamh.

Ina theannta sin, seo cuid de na liúntais eile a d’fhéadfá a bheith incháilithe duit.

• Sochar Teaghlaigh
• Liúntas Breosla
• Méadú i leith Dhuine Fásta Cáilithe
• Méadú i leith Leanbh Cáilithe
• Méadú Maireachtála Aonair
• Cónaí ar Oileán Sainithe

Do Threoir ar ár Scéimeanna agus Seirbhísí: Daoine Ar Scor agus Daoine Aosta

Sa treoir seo, gheobhaidh tú forléargas ar chuid de na príomhbhealaí inar féidir leis an Roinn tacú leat agus tú ag dul in aois. Chomh maith leis sin, gheobhaidh tú eolas chun cabhrú leat rochtain a fháil ar na tacaíochtaí seo. Eagrán Eanáir 2024, nuashonraithe 8 Bealtaine, 2024.