Seicliosta de na doiciméid atá ag teastáil chun iarratas a dhéanamh ar Liúntas Cuardaitheora Poist

Agus iarratas á dhéanamh ar Liúntais Cuardaitheora Poist, caithfear doiciméid ar leith a thabhairt isteach leat.

Is féidir do phas nó do cheadúnas tiomána a thaispeáint mar fhianaise ar aitheantas.

Mura bhfuil pas ná ceadúnas tiomána agat, ba cheart doiciméad ar bith eile atá agat a thabhairt isteach, doiciméad ar a bhfuil do ghrianghraf más féidir.

Seans go mbeidh na doiciméid seo a leanas sásúil freisin: cárta creidmheasa, cárta dochair, cárta leighis, cárta aitheantais aoise, cárta aitheantais oibre, cárta ballraíochta club.

Ní ghlacfar leis na doiciméid seo a leanas mar fhianaise ar aitheantais:

• Teastas Breithe/Baiste
• Billí nó litreacha pearsanta

Ní féidir cinneadh a dhéanamh ar éileamh ar bith go dtí go bhfuiltear tar éis an t-aitheantas a chruthú.

Féadfar go n-iarrfaí ort fianaise ar do sheoladh a chur ar fáil. Ba cheart duit aon cheann de na doiciméid seo a leanas atá agat a thabhairt leat:

• Billí a fuarthas le déanaí ó chuideachtaí fóntais, e.g. leictreachas, teileafón (líne thalún nó fón póca), gás, teilifís chábla, muirir dramhaíola, etc.
• Ráitis/litreacha a fuarthas le déanaí ó bhanc / cumann foirgníochta / cumann creidmheasa / cuideachtaí cártaí creidmheasa nó ó institiúid airgeadais eile
• Litreacha a fuarthas le déanaí arna ndíriú chugatsa ó chuideachta árachais / údarás áitiúil / roinn rialtais nó ó na Coimisinéirí Ioncaim
• Leabhar cíosa, comhaontú morgáiste nó comhaontú léasaithe ó Údarás Áitiúil

Nóta: Is éard atá i gceist le doiciméad a fuarthas le déanaí ná doiciméad arna eisiúint sa dá mhí atá díreach imithe thart. Ni mór na doiciméid bhunaidh seachas cóipeanna a chur ar fáil.

Má tá amhras ann faoi do sheoladh, ní íocfar an t-éileamh ar Liúntas Cuardaitheora Poist go dtí go ndearbhófar é.

Ní mór na doiciméid agus an fhaisnéis seo a leanas a thabhairt leat freisin.

• Cárta Seirbhísí Poiblí (mura bhfuil Cárta Seirbhísí Poiblí agat cheana, iarrfar ort clárú chun ceann a fháil nuair a bheidh iarratas á dhéanamh agat ar Liúntas Cuardaitheora Poist)
• Uimhir Phearsanta Seirbhíse Poiblí
• Sonraí maidir le d’infhaighteacht chun tabhairt faoin obair agus iarrachtaí ar bith atá déanta agat chun obair a fháil. Mar shampla, litreacha atá scríofa agat chuig fostóirí agus freagraí ar bith a fuair tú ar ais
• Sonraí maidir le d’ioncam
• Sonraí maidir le hioncam do chéile/páirtí (más ann)
• Sonraí maidir le do leanaí cleithiúnacha
• Cruthúnas aitheantais - féach thíos chun tuilleadh eolais a fháil
• Cruthúnas ar sheoladh baile - féach thíos chun tuilleadh eolais a fháil

Má leagtar as go sealadach tú, ní mór litir ó d’fhostóir a thabhairt leat ina luaitear na nithe seo a leanas:

• Go bhfuil tú leagtha as gan phá
• An lá deireanach a d’oibrigh tú
• An chúis ar leagadh as tú
• Cé chomh fada, dar leis/léi, a bheidh tú leagtha as

Má tá laghdú tagtha ar líon do laethanta oibre, ní mór duit litir ó d’fhostóir a thabhairt leat ina luaitear na nithe seo a leanas:

• Go bhfuil laghdú sealadach tagtha ar líon do laethanta oibre
• Líon na laethanta a d’oibrigh tú gach seachtain (roimh an laghdú)
• Líon na laethanta a oibríonn tú gach seachtain anois
• An laghdú atá tagtha ar do phá