Tacaíocht Bhia agus Bhunábhair CSE+

Tá Tacaíocht Bhia agus Bhunábhair CSE+ ceaptha chun tacú leis na Ballstáit aghaidh a thabhairt ar riachtanais bhunúsacha na ndaoine is díothaí inár bpobal. Tá sé á mhaoiniú ag CSE+ faoin gClár Fostaíochta, Cuimsithe, Scileanna agus Oiliúna.

Tá an tacaíocht seo ann do dhaoine nach bhfuil rochtain acu ar ioncam nó a bhfuil cónaí orthu i gcúinsí an-lag.

Oibreoidh an tacaíocht le heagraíochtaí neamhbhrabúis chun bia agus cúnamh ábhartha bunúsach a chur ar fáil.

Cuideoidh Tacaíocht Bhia agus Bhunábhair CSE+ le daoine na chéad chéimeanna a ghlacadh amach as an mbochtaineacht agus as an eisiamh sóisialta trí aghaidh a thabhairt ar chuid de na riachtanais is bunúsaí atá acu.

Díreofar an ciste orthu siúd ar imeall na sochaí agus a bhfuil tacaíochtaí riachtanacha de dhíth orthu.

Go héifeachtach, díreofar an tacaíocht ar na nithe seo a leanas:

• daoine gan dídean lena n-áirítear daoine a chodlaíonn amuigh go fadtéarmach
• leanaí i dteaghlaigh ísealioncaim/déine oibre
• íospartaigh foréigin teaghlaigh i dtearmainn agus in ionaid dídine
• daoine atá ag fulaingt nó ag teacht chucu féin ó andúilí
• baill áirithe den phobal Romach agus den Lucht Siúil
• daoine leochaileacha atá ag aistriú chuig maireachtáil neamhspleách ó chóiríocht éigeandála, ó shuíomhanna cúraim institiúidithe nó ó áiteanna coinneála
• aon duine gan ioncam, cóiríocht nó acmhainn nach bhfuil sainmhínithe thuas

Díreofar san oibríocht bia orthu siúd ar imeall na sochaí a bhfuil tacaíocht riachtanach bia de dhíth orthu.

Cinnteoidh sé soláthar iontaofa bia d’eagraíochtaí comhpháirtíochta faofa ar fud na tíre le linn shaolré Chlár Tacaíochta um Bia agus Bunábhair CSE+, agus baileoidh na heagraíochtaí ceadaithe táirgí bia ó thrí mhoil réigiúnacha i mBaile Átha Cliath, i gCorcaigh agus i nGaillimh.

Cuirfear bia ar fáil do gach eagraíocht incháilithe ó sceideal bia faofa a thiomsóidh an Roinn Coimirce Sóisialaí tar éis dul i gcomhairle leis an earnáil charthanach. Is éard atá sna hítimí bia bianna bunúsacha, bia domheata atá éasca a iompar agus a stóráil.

Chun rochtain a fháil ar an oibríocht seo, ba chóir d’eagraíocht an fhoirm a sheoladh ag bun an leathanaigh seo to SMD@welfare.ie

Is é seo a leanas an próiseas d’eagraíochtaí a cheanglaíonn isteach san oibríocht maidir le hinfhaighteacht náisiúnta bia:

• déanann carthanacht iarratas chuig an Roinn trí ríomhphost SMD@welfare.ie
• déanann an roinn seo athbhreithniú ar an iarratas agus ardaíonn sí aon cheisteanna leis an gcarthanas
• tar éis don charthanas freagra a thabhairt ar aon cheist, deimhníonn an roinn seo an bhfuil an carthanas incháilithe don Chlár Tacaíochta um Bia agus Bunábhair de chuid CSE+
• má tá an carthanas incháilithe, ní mór dó an fhoirm thoilithe a shíniú chun a dheimhniú gur féidir sonraí teagmhála an charthanais a roinnt le FoodCloud. Ní mór dóibh freisin an Comhaontú Seirbhíse a shíniú agus a chur ar ais.
• deimhníonn an roinn seo an leithdháileadh creidmheasa don charthanas chuig FoodCloud bunaithe ar líon na ndaoine a bhfuil cúnamh á thabhairt dóibh agus ar leibhéal na tacaíochta a chuirtear ar fáil
• Eisíonn FoodCloud foirm ordaithe táirge don charthanas
• ordaíonn an carthanas táirge dá dtairbhithe agus deir sé cé chomh rialta ba mhaith leo an táirge a bhailiú (seachtainiúil, coicísiúil, míosúil, ráithiúil)
• Dearbhóidh FoodCloud dáta don charthanacht le bailiú ó cheann de na moil i gCorcaigh, i mBaile Átha Cliath nó i nGaillimh
• baileoidh an carthanas go rialta ó FoodCloud agus ní mór beartas rialaithe stoic a bheith aige agus athbhreithnithe rialta a dhéanamh ar stoc atá ar láimh agus orduithe a leasú le Moil FoodCloud (an Eagraíocht Chomhpháirtíochta Náisiúnta) de réir éileamh
• ní mór don charthanas taifid a choinneáil ar na daoine a fhaigheann an táirge Tacaíochta Bia agus Bunábhair CSE+ agus tuarascálacha ráithiúla a chomhlánú don roinn seo maidir le haois, inscne, cúlra agus má tá na faighteoirí i gcatagóirí sonracha
• áireoidh an carthanas a fhaigheann an Táirge Tacaíochta Bia agus Bunábhair CSE+ mír ghearr ar a suíomh gréasáin (má tá ceann acu) ina mbeidh cur síos ar oibríocht CSE+ um Thacaíocht Bia agus Bunábhair, is é sin aidhmeanna agus torthaí agus béim a leagan ar thacaíocht airgeadais an Aontais.

Mura bhfuil tú sásta leis an gcinneadh ar d’iarratas ar an gclár Tacaíochta um Bia agus Bunábhair de chuid CSE+, is féidir leat achomharc i scríbhinn a chur isteach chuig SMDAppeals@welfare.ie

Má tá tuilleadh eolais uait, déan teagmháil le:

Déanann Rialtas na hÉireann agus an tAontas Eorpach cómhaoiniú ar Thacaíocht Bhia agus Bhunábhair de chuid CSE+. Tabhair cuairt ar eufunds.ie chun níos mó eolais a fháil.