Deimhníonn an tAire Humphreys go bhfuil an Scéim Cúnaimh Dhaonnúil ar fáil chun tacú leis na sealbhóirí tí sin atá buailte ag tuilte i gContae Chorcaí

Tá sé deimhnithe ag an Aire Coimirce Sóisialaí, Heather Humphreys, TD, go bhfuil an Scéim Cúnaimh Dhaonnúil ar fáil chun tacaíocht a sholáthar dóibh siúd a bhfuil cónaí orthu i réadmhaoin a bhfuil tionchar go díreach orthu mar gheall ar thuilte i gContae Chorcaí de bharr drochaimsire.

Cuireann an Scéim Cúnaimh Dhaonnúil cosc ar chruatan trí thacaíocht airgeadais atá tástáilte ó thaobh ioncaim de a chur ar fáil do dhaoine a ndearnadh damáiste dá dtithe de dheasca tuilte agus teagmhais drochaimsire agus nach bhfuil in ann costais a íoc le haghaidh riachtanais a bhfuil ga leo, earraí tí agus deisiú struchtúrach.

Ag labhairt faoi um thráthnóna, dúirt an tAire Humphreys:

Is iondúil go nglacann an roinn, agus í ag déileáil le heachtraí éigeandála, le cur chuige trí chéim mar a leanas:

• Soláthraíonn Céim 1 íocaíochtaí tacaíochta éigeandála bia, éadaí agus earraí pearsanta díreach i ndiaidh na heachtra
• Is éard atá i gceist le Céim 2 ná earraí bána, earraí troscáin bunúsacha agus earraí tí riachtanacha eile a chur ar fáil in ionad na gceann a cailleadh
• Is í Céim 3 ná tacaíocht airgeadais níos fadtéarmaí a theastaíonn a aithint, lena n-áirítear plástráil, líneáil thirim, athchur urlár, athshreangú leictreach agus péinteáil

Tá tuilleadh faisnéise faoin Scéim Cúnaimh Dhaonnúil ar fáil ag:

gov.ie - Scéim Cúnaimh Dhaonnúil (www.gov.ie)