Foilsíonn an tAire Humphreys achtú an Bille Leasa Shóisialaigh 2022
- Foilsithe: 16 Nollaig 2022
- An t-eolas is déanaí: 12 Aibreán 2025
- Tugann an bille réimse leathan beartais Bhuiséid isteach
- Méadú €12 ar íocaíochtaí seachtainiúla – an méadú is mó leis na deicheanna de bhlianta
- Méadú €40 in aghaidh na seachtaine ar thairseacha na hÍocaíochta do Theaghlaigh i bhFostaíocht
- Méadú €20.50 ar ráta míosúil an Liúntais Chúraim Bhaile
D'fhógair an tAire Coimirce Sóisialta, Heather Humphreys TD, inniu gur shínigh Uachtarán na hÉireann Micheál D. Ó hUigínn an Bille Leasa Shóisialaigh 2022.
Tugann an bille níos mó ná €1 billiún isteach i bhfeabhsúcháin Leasa Shóisialaigh i 2023.
Is é an pacáiste Buiséid Leasa Shóisialaigh an ceann is mó i stair an Stáit agus soláthraíonn sé do raon tacaíochtaí do phinsinéirí, do chúramóirí, do dhaoine faoi mhíchumas agus do theaghlaigh ar ioncam íseal.
Tá feidhm ag príomhfhorálacha an Bhille maidir le méaduithe cuimsitheach ar íocaíochtaí seachtainiúla do phinsinéirí, do dhaoine faoi mhíchumas, do chúramóirí agus do thuismitheoirí aonair.
Áirítear sa Bhille freisin bearta chun an Íocaíocht do Theaghlaigh i bhFostaíocht a leathnú chuig níos mó teaghlach agus athruithe ar an Tástáil Acmhainne don Íocaíocht Cúnaimh Feirme.
I measc na mbeart atá sa Bhille tá:
- Méadú €12 ar uasráta na gcroí-íocaíochtaí seachtainiúla go léir
- Méadú €40 sa tseachtain ar thairseacha na hÍocaíochta do Theaghlaigh i bhFostaíocht do gach méid teaghlaigh;
- Méadú €20.50 ar ráta míosúil an Liúntais Chúraim Bhaile ag tabhairt na híocaíochta go dtí €330 sa mhí. Is é seo an chéad mhéadú ó 2009 i leith do dhaoine a bhfuil ról luachmhar agus deacair acu i sochaí na hÉireann – tuismitheoirí nó caomhnóirí a thugann aire do leanbh faoi mhíchumas trom;
- Méadú €2 ar íocaíochtaí i leith leanaí faighteoirí leasa shóisialaigh, ag tabhairt an íocaíocht go €42 sa tseachtain do leanaí faoi bhun 12 agus €50 sa tseachtain do leanaí atá 12 bhliain d’aois nó níos sine;
- Cúnamh Feirme, Liúntas Cuardaitheora Poist, agus Pinsean Neamh-Ranníocach Stáit — dúbailt ar an méid ioncaim is féidir a dhíorthú ó scéimeanna agra-chomhshaoil (e.g., Glas, ACRES) agus a chomhaireamh agus acmhainní á measúnú. Mar thoradh ar an mbeart seo, is féidir neamhaird a thabhairt ar €5,000 ó mhí Eanáir;
- cáilíocht leathnaithe le haghaidh rannpháirtíochta ar Scéimeanna Fostaíochta Pobail do chéilí, do pháirtnéirí sibhialta nó do chomhchónaitheoirí a fhaigheann Liúntas Cuardaitheora Poist;
- Méadú ar thuilleamh ag mealladh an ráta níos ísle ÁSPC Fostóra de réir an mhéadaithe ar an bpá íosta náisiúnta, rud a spreagfadh fostaíocht go háirithe in earnáil na seirbhíse.
Tá na bearta seo sa bhreis ar na hocht gcnapíocaíocht a fuair an tAire Humphreys mar chuid de Bhuiséad 2023, chun cabhrú le teaghlaigh le Costas Maireachtála.
I measc na n-íocaíochtaí seo tá Íocaíocht Costas Maireachtála an Fhómhair, íocaíocht dhúbailte den Sochar Linbh, €400 breise d’fhaighteoirí an Liúntais Bhreosla, €200 breise d’fhaighteoirí an Liúntais Maireachtála Aonair, €500 breise d’fhaighteoirí na hÍocaíochta do Theaghlaigh i bhFostaíocht, Íocaíocht Cnapshuime Míchumais/ Cúramóra.
Is é €1.2 billiún costas iomlán na mbeart sin.
Agus í ag trácht ar thabhairt isteach an Bhille, dúirt an tAire Humphreys:
“Táim an-sásta go bhfuil an Bille Leasa Shóisialaigh tar éis imeacht tríd an dá Theach agus go bhfuil sé sínithe sa dlí ag ár nUachtarán. Tugann an bille réimse leathan beartais Bhuiséid isteach.
“Tugann an bille méadú €12 isteach ar rátaí na n-íocaíochtaí seachtainiúla do phinsinéirí, do chúramóirí, do dhaoine faoi mhíchumas agus d'fhaighteoirí íocaíochtaí seachtainiúla eile. Is iad seo na méaduithe is mó ar íocaíochtaí seachtainiúla le breis agus deich mbliana anuas.
“Leis an ualach atá ar theaghlaigh ar ioncam íseal a laghdú, tá an Íocaíocht do Theaghlaigh i bhFostaíocht á leathnú amach agam chun go mbeadh níos mó teaghlaigh incháilithe don íocaíocht.
“Tá an Tástáil Maoine don Íocaíocht Cúnaimh Feirme á athrú agam chomh maith le tacaíocht a thabhairt dár bhfeirmeoirí agus táimid ag leanúint ar aghaidh leis an bpolasaí a mhéadaíonn na rátaí íocaíochta do leanaí daoine atá íocaíochtaí leasa shóisialaigh á fháil acu.
“Gach bliain, tá roinnt leanaí a rugadh le fadhbanna dáiríre sláinte a bhíonn gá lena choimeád san ospidéal i ndiaidh dóibh teacht ar an saol. Faoi reachtaíocht reatha an Liúntais Chúraim Bhaile, ní bhíonn leanaí nach bhfágann an t-ospidéal i ndiaidh dóibh teacht ar an saol incháilithe don íocaíocht.
“Leasóidh an Bille na rialacha seo chun go mbeidh teaghlaigh sa chás an-deacair seo incháilithe anois don íocaíocht.
“Ina theannta sin, tá ráta na híocaíochta á ardú agam ó €309.50 go €330 in aghaidh na míosa. Is é seo an chéad mhéadú atá tagtha ar an íocaíocht Liúntais Chúraim Bhaile le blianta fada anuas.
“Tá na hathruithe ar an mBille Leasa Shóisialaigh mar aon leis na hÍocaíochtaí Cnapshuime ceaptha chun níos mó airgid a chur ar ais i bpócaí daoine agus chun cabhrú le teaghlaigh ar fud na tíre leis an gcostas maireachtála.”
