Foilsíonn an tAire Humphreys an Bille Leasa Shóisialaigh 2022
- Foilsithe: 22 Samhain 2022
- An t-eolas is déanaí: 12 Aibreán 2025
- Beidh éifeacht ag an mbille do réimse leathan beart Buiséid
- Méadú €12 ar íocaíochtaí seachtainiúla – an méadú is mó le blianta fada
- Méadú €40 in aghaidh na seachtaine ar thairseacha na hÍocaíochta do Theaghlaigh i bhFostaíocht
- Méadú €20.50 ar ráta míosúil an Liúntais Chúraim Bhaile
- Ioncam agra-chomhshaoil a ndéantar neamhaird air sa tástáil mhaoine le haghaidh Cúnamh Feirme a dhúbailt
- Méaduithe ar Íocaíochtaí Cleithiúnacha Leanaí
- Cur le hincháilitheacht chun páirt a ghlacadh i Scéimeanna Fostaíochta Pobail
- Íocaíocht Ex-Gratia do Mhaoirseoirí FP
- Méadú ar thuilleamh ag mealladh an ráta níos ísle ÁSPC Fostóra de réir an mhéadaithe ar an íosphá náisiúnta
Tá sé fógartha ag an Aire Coimirce Sóisialaí, Heather Humphreys TD, inniu gur foilsíodh an Bille Leasa Shóisialaigh 2022, lena n-achtófar raon leathan beart atá leagtha amach i mBuiséad 2023.
Is é an pacáiste Buiséid Leasa Shóisialaigh an ceann is mó i stair an Stáit agus soláthraíonn sé do raon tacaíochtaí do phinsinéirí, do chúramóirí, do dhaoine faoi mhíchumas agus do theaghlaigh ar ioncam íseal.
Leis an mbille, a chuirfear tús lena aistriú trí Dháil Éireann an tseachtain seo, tugtar isteach breis agus €1 billiún i bhfeabhsuithe Leasa Shóisialaigh in 2023.
Tá feidhm ag príomhfhorálacha an Bhille maidir le méaduithe cuimsitheach ar íocaíochtaí seachtainiúla do phinsinéirí, do dhaoine faoi mhíchumas, do chúramóirí agus do thuismitheoirí aonair. Áirítear sa Bhille freisin bearta chun an Íocaíocht do Theaghlaigh i bhFostaíocht a leathnú chuig níos mó teaghlach agus athruithe ar an Tástáil Acmhainne don Íocaíocht Cúnaimh Feirme.
I measc na mbeart atá sa Bhille tá
- Méadú €12 ar uasráta na gcroí-íocaíochtaí seachtainiúla go léir
- Méadú €40 sa tseachtain ar thairseacha na hÍocaíochta do Theaghlaigh i bhFostaíocht do gach méid teaghlaigh;
- Méadú €20.50 ar ráta míosúil an Liúntais Chúraim Bhaile ag tabhairt na híocaíochta go dtí €330 sa mhí. Is é seo an chéad mhéadú ó 2009 i leith do dhaoine a bhfuil ról luachmhar agus deacair acu i sochaí na hÉireann – tuismitheoirí nó caomhnóirí a thugann aire do leanbh faoi mhíchumas trom;
- Méadú €2 ar íocaíochtaí i leith leanaí faighteoirí leasa shóisialaigh, ag tabhairt an íocaíocht go €42 sa tseachtain do leanaí faoi bhun 12 agus €50 sa tseachtain do leanaí atá 12 bhliain d’aois nó níos sine;
- Cúnamh Feirme, Liúntas Cuardaitheora Poist, agus Pinsean Neamh-Ranníocach Stáit — dúbailt ar an méid ioncaim is féidir a dhíorthú ó scéimeanna agra-chomhshaoil (e.g., Glas, ACRES) agus a chomhaireamh agus acmhainní á measúnú. Mar thoradh ar an mbeart seo, is féidir neamhaird a thabhairt ar €5,000 ó mhí Eanáir;
- cáilíocht leathnaithe le haghaidh rannpháirtíochta ar Scéimeanna Fostaíochta Pobail do chéilí, do pháirtnéirí sibhialta nó do chomhchónaitheoirí a fhaigheann Liúntas Cuardaitheora Poist;
- Méadú ar thuilleamh ag mealladh an ráta níos ísle ÁSPC Fostóra de réir an mhéadaithe ar an bpá íosta náisiúnta, rud a spreagfadh fostaíocht go háirithe in earnáil na seirbhíse.
Tá na bearta seo sa bhreis ar na hocht gcnapíocaíocht a fuair an tAire Humphreys mar chuid de Bhuiséad 2023, chun cabhrú le teaghlaigh le Costas Maireachtála.
I measc na n-íocaíochtaí seo tá Íocaíocht Costas Maireachtála an Fhómhair, íocaíocht dhúbailte den Sochar Linbh, €400 breise d’fhaighteoirí an Liúntais Bhreosla, €200 breise d’fhaighteoirí an Liúntais Maireachtála Aonair, €500 breise d’fhaighteoirí na hÍocaíochta do Theaghlaigh i bhFostaíocht, Íocaíocht um Míchumas Cnapa €500 agus Deontas Tacaíochta Cúramóra speisialta €500 a eiseofar chuig os cionn 114,000 Cúramóir an tseachtain seo.
Is é €1.2 billiún costas iomlán na mbeart sin.
Ag foilsiú an Bhille Leasa Shóisialaigh 2022, dúirt an tAire Humphreys:
“Tabharfaidh an Bille Leasa Shóisialaigh éifeacht do réimse leathan beart Buiséid.
“Agus muid ag dul i dtreo 2023, tá méadú €12 á chur i bhfeidhm agam ar rátaí íocaíochta seachtainiúla do phinsinéirí, do chúramóirí, do dhaoine faoi mhíchumas agus do chroí-íocaíochtaí seachtainiúla eile. Is é seo na méaduithe is mó ar íocaíochtaí seachtainiúla le breis agus deich mbliana anuas.
“Táim ag leathnú na dtairseach Íocaíochta do Theaghlaigh i bhFostaíocht mar sin beidh níos mó teaghlach incháilithe don íocaíocht agus táim ag déanamh athruithe freisin ar an Tástáil Acmhainne Cúnaimh Feirme chun tacú lenár bhfeirmeoirí.
“Tá an Liúntas Cúram Baile á mhéadú agam €20.50 ag tabhairt é go dtí €330 in aghaidh na míosa. Is tacaíocht ríthábhachtach é seo do thuismitheoirí leanaí faoi mhíchumas agus tá áthas orm a bheith ar an gcéad Aire le trí bliana déag chun an ráta íocaíochta a mhéadú.
“Tiocfaidh go leor de na hathruithe ar an mBille Leasa Shóisialaigh i bhfeidhm i mí Eanáir agus tá siad sa bhreis ar na hocht n-íocaíochtaí cnapshuime gan fasach atá á gcur ar fáil ag mo Roinnse chun tacú le daoine leis an gCostas Maireachtála.
“Tá sé cinn de na híocaíochtaí cnapshuime seo íoctha cheana féin agus an seachtú ceann, eiseofar an Deontas Tacaíochta Cúramóra €500 an tseachtain seo.
“Tá na hathruithe ar an mBille Leasa Shóisialaigh mar aon leis na hÍocaíochtaí Cnapshuime ceaptha chun níos mó airgid a chur ar ais i bpócaí daoine agus chun cabhrú le teaghlaigh ar fud na tíre leis an gcostas maireachtála.”
CRÍOCH