An tAire Calleary ina óstach ar Fhóram Réamhbhuiséid na Roinne Coimirce Sóisialaí

• Tá ionadaíocht á déanamh ar bhreis is 60 eagraíocht ionadaíocha agus grúpaí pobail
• Deis uathúil do pháirtithe leasmhara bualadh leis an Aire Calleary roimh Bhuiséad 2026

D’óstáil an tAire Coimirce Sóisialaí, Dara Calleary TD, Fóram Réamhbhuiséid bliantúil na Roinne i dTeach na gCuntasóirí Cairte, Sráid an Phiarsaigh, Baile Átha Cliath 2 inniu.

Tugann an fóram seo deis uathúil d’Eagraíochtaí Neamhrialtasacha, d’ionadaithe ceardchumainn agus gnó saincheisteanna beartais a phlé agus a dtosaíochtaí a chur i láthair don Bhuiséad atá le teacht.

D’fhreastail ionadaithe ó raon leathan eagraíochtaí agus grúpaí pobail ar an bhFóram. Ba í Ingrid Miley, craoltóir, a rinne modhnóireacht ar an ócáid.

Ag labhairt dó ag an bhFóram, ghabh an tAire Calleary buíochas leis na grúpaí iomadúla as a bheith ann agus as ranníocaíochtaí luachmhara a sholáthar a chabhraíonn le tuiscint a chothú ar a dtosaíochtaí maidir le tionscnaimh Bhuiséid.

Chuir an Fóram ceardlanna ar fáil a thug deis do pháirtithe leasmhara a gcuid tosaíochtaí a phlé.

Agus é ag labhairt leis an bhFóram, dúirt an tAire Calleary:

“Tugann an ócáid thar a bheith tábhachtach seo deis iontach dom bualadh le heagraíochtaí a dhéanann abhcóideacht chomh paiseanta sin ar son a ndáilcheantar agus a dtosaíochtaí don bhuiséad atá le teacht a leagan amach.

Is fóram uathúil é ina bhfaighim deis fianaise agus anailís ar bheartais a chloisteáil ó dhaoine a mbíonn tionchar díreach ag bearta buiséid orthu, amhail pinsinéirí, cúramóirí, daoine faoi mhíchumas nó daoine eile a bhraitheann ar thacaíochtaí leasa shóisialaigh.”

Liosta eagraíochtaí a bhfuil ionadaíocht á déanamh orthu ag an bhFóram Réamhbhuiséid 2026

• Active Retirement Ireland
• Aoisghníomhaíocht Éireann
• Aostacht agus Deiseanna
• AHEAD
• Alone
• Cumann Alzheimer na hÉireann
• Aontas
• Comhlachas Tráchtála Mheiriceá na hÉireann
• As I Am
• ATD Fourth World Éireann
• Barnardos
• Brokers Ireland
• Comhghuaillíocht an Chúraim Éireann
• An Chomhghuaillíocht um Chearta Leanaí
• Chime
• An Bord um Fhaisnéis do Shaoránaigh
• Seirbhís Faisnéise do Shaoránaigh
• Crosscare
• Ealaíontóirí faoi Mhíchumas agus Acadóirí faoi Mhíchumas
• Cónaidhm na hÉireann um Míchumas (CÉM)
• Líonra na hEorpa in aghaidh na Bochtaineachta
• Cúramóirí Teaghlaigh Éireann
• Ionad Comhairle Dlí Saor in Aisce (FLAC)
• Fócas Éireann
• Cúram Baile agus Pobail Éireann
• Cónaidhm Ghnólachtaí agus Fhostóirí na hÉireann (IBEC)
• Comhdháil na gCeardchumann (ICTU)
• Cuimsiú Éireann
• Gluaiseacht na hÉireann um Maireachtáil Neamhspleách
• Cumann Ailse na hÉireann
• Cumann Feirmeoirí Eallaigh agus Caorach na hÉireann
• Comhairle na hÉireann do Thithíocht Shóisialta
• Bantracht na Tuaithe
• Feirmeoirí Aontaithe na hÉireann
• Foras Ospíse na hÉireann (ag déanamh ionadaíochta thar ceann Chomhghuaillíocht na hEarnála Aoise ENRanna)
• Eagraíocht Náisiúnta na hÉireann do Dhaoine Dífhostaithe (ENÉDD)
• Comhairle Dídeanaithe na hÉireann
• Nasc Tuaithe na hÉireann
• Parlaimint na Seanóirí in Éirinn (féach Comhghuaillíocht na hEarnála Aoise ENRanna)
• Comhlachas Ghnóthas Beag agus Meánmhéide na hÉireann
• Cumann Cathaoireacha Rothaí na hÉireann
• Athchóiriú Meabhairshláinte
• Gluaiseacht um Athrú i gCúram Altrama
• Cumann Náisiúnta na mBaintreach in Éirinn
• Comhairle Náisiúnta na hÉireann do na Daill
• Cónaidhm Náisiúnta na gCumann Pinsinéirí
• Comhghuaillíocht Náisiúnta Teaghlaigh Aontuismitheora
• Comhairle Náisiúnta na mBan
• Comhairle Náisiúnta Óige na hÉireann
• Ionad Tacaíochta Néareolaíochta
• One Family
• Ionad Pavee
• Cúnamh Protastúnach
• An Grúpa Athshlánaithe
• Coiste na nOibrithe ar Scor (ICTU)
• Abhcóideacht SAGE
• Údarás Fuinnimh Inmharthana na hÉireann (Ú.F.I.É.)
• Clann Shíomóin
• Ceardchumann Seirbhísí, Tionsclaíoch, Gairmiúil agus Teicniúil (S.I.P.T.U.) – Rannóg na gComhaltaí ar Scor
• Cumann Naomh Uinseann de Pól
• Ceartas Sóisialta Éireann
• Tuismitheoirí Aonair ag Gníomhú ar son Cearta Leanaí (SPARK)
• Threshold
• The Wheel
• TREOIR
• An Clár Tacaíochta do Thuismitheoirí sna Déaga (TREOIR)
• Trustus We Care
• Aontas na Mac Léinn in Éirinn
• An Chomhpháirtíocht Uinseannach um Cheartas Sóisialta
• Vision Ireland