Seolann an tAire Calleary Imeachtaí Oibre agus Scileanna INTREO
- Foilsithe: 25 Márta 2025
- An t-eolas is déanaí: 12 Aibreán 2025
- Imeachtaí Obair agus Scileanna ar siúl ó 26 Márta go 11 Aibreán
- Breis agus 50 imeacht ar fud na tíre ag díriú ar ghairmeacha beatha agus oiliúint
- Réimse leathan deiseanna thar go leor earnálacha
D’fhógair an tAire Coimirce Sóisialaí, Dara Calleary TD, sonraí inniu faoi imeachtaí Oibre agus Scileanna Intreoa bheidh ar siúl ar fud na tíre ón 26 Márta go dtí an 11 Aibreán.
Tá os cionn 50 imeacht ar siúl ar fud na tíre le raon ollmhór deiseanna i raon earnálacha lena n-áirítear seirbhísí airgeadais, iompar agus lóistíocht, fáilteachas, cúram sláinte, miondíol agus go leor eile.
Tugann na himeachtaí oibre agus scileanna deis do chuardaitheoirí poist nascadh le fostóirí atá ag earcú go gníomhach. Bíonn deis ag cuardaitheoirí poist freisin foghlaim faoi na roghanna oiliúna atá ar fáil, agus leas a bhaint as comhairle maidir le cuardach poist chun cabhrú leo an chéad chéim eile a ghlacadh ina ngairm bheatha.
Agus é ag trácht ar na himeachtaí, dúirt an tAire Calleary:
“Cuireann na himeachtaí Oibre agus Scileanna ardán tábhachtach ar fáil chun fostóirí a thabhairt le chéile le daoine atá ag lorg deiseanna fostaíochta go gníomhach ar fud na tíre, chomh maith le béim a chur ar an raon roghanna oiliúna atá ar fáil faoi láthair.
“Tugann na himeachtaí seo deis freisin do dhaoine níos mó a fháil amach faoi na tacaíochtaí agus na seirbhísí fairsinge atá ar fáil ó mo Roinnse d’fhostóirí agus do chuardaitheoirí poist araon.
“Tá fostóirí ó raon leathan earnálacha tionscail ag earcú ag ár n-imeachtaí Oibre agus Scileanna agus beidh deis iontach acu siúd a bheidh ag freastal ar imeacht bualadh go díreach le fostóirí agus níos mó a fhoghlaim faoi na róil atá ar fáil.”
Príomhimeachtaí na seachtaine seo:
Aonach Earcaíochta Obair agus Scileanna na Sionainne
Sa Chlár, beidh imeacht oibre agus scileanna ar siúl i gcomhar le Cumann Tráchtála na Sionainne in Eastát Tionsclaíochta na Sionainne, Foirgneamh 7000, Campas Nuálaíochta na Páirce Thiar ar an 26 Márta ó 10am go 1pm. Beidh fostóirí áitiúla lena n-áirítear AXA Insurance, EI Electronics, Shannon Precision, Element Six, Biotouch, BSL, Ebay agus EMG Energy Consultants ag iarraidh bualadh le fostaithe nua ionchasacha.
Imeacht Earcaíochta Ilearnála Bhaile Bhlainséir
Ar an Déardaoin, 27 Márta, beidh aonach earcaíochta il-earnála ar siúl in Ionad Bhaile Bhlainséir. Beidh foirne earcaíochta ó AIB, Bon Secours agus BMC Manufacturing Teo i láthair le go leor fostóirí eile atá ag iarraidh bualadh le daoine atá ag lorg deiseanna fostaíochta.
I measc cuid de na poist atá ar fáil tá róil i gcúram sláinte, tacaíocht do chustaiméirí, airgeadas, slándáil, fáilteachas agus poist d’oibrithe agus do leictreoirí.
Dóibh siúd atá ag iarraidh scileanna nua a fhoghlaim chun cabhrú leo rochtain a fháil ar roghanna gairme nua, beidh BOO Chathair Bhaile Átha Cliath agus an Líonra Foghlama Náisiúnta ina measc siúd ar an láthair a chuirfidh eolas ar fáil ar raon de roghanna oiliúna atá ar fáil. Freastalóidh níos mó ná 55 fostóir agus soláthraí oiliúna ar an imeacht a bheidh ar siúl ó 10am go 2pm.
Ag labhairt dó faoin imeacht, dúirt Liam Deeney, Ceann Earcaíochta ag EMEIS Ireland:
“Cinntíonn ár gcomhpháirtíocht le Intreo gur féidir linn iarrthóirí a aithint agus a earcú, ní hamháin go bhfuil siad paiseanta ach a bhfuil na scileanna agus an t-eolas acu freisin atá riachtanach le haghaidh gairme rathúil san earnáil cúram sláinte.”
“Táimid ar bís bualadh le daoine spreagtha atá ag dúil le difríocht dhearfach a dhéanamh i saol ár gcónaitheoirí. Cuireann ár dtithe altranais i bhFionnghlas timpeallacht oibre thacúil agus luach saothair ar fáil, agus táimid muiníneach go n-éireoidh leis na hiarrthóirí cearta mar chuid dár bhfoireann.”
Dúirt Ciara Curtis, Bainisteoir Margaíochta, Ionad Bhaile Bhlainséir:
“Tá lúcháir orainn Feachtas Oibre agus Scileanna 2025 a óstáil i gcomhar leis an Roinn Coimirce Sóisialaí. Tá cuntas teiste cruthaithe ag an imeacht seo maidir le poist a fháil do chustaiméirí agus do chuairteoirí chuig Ionad Bhaile Bhlainséir thar raon leathan earnálacha. Guímid lá thar a bheith rathúil ar an Déardaoin ar gach fostóir rannpháirteach agus ar gach fostaí sa todhchaí.''
I measc na n-imeachtaí eile a bheidh ar siúl an tseachtain seo beidh Imeacht Earcaíochta Bá Hodson ar an 26 Márta, in Óstán Bá Hodson, Baile Átha Luain agus Taispeántas Printíseachta ag Óstán Knightsbrook, i mBaile Átha Troim ar an 27 Márta.
Tá eolas ar an réimse iomlán imeachtaí atá ar oscailt don phobal agus conas clárú le freastal orthu ar fáil ag Item was unpublished or removed.
Nótaí don Eagarthóir:
Is é Intreo seirbhís fostaíochta poiblí Rialtas na hÉireann, a sheachadann an Roinn Coimirce Sóisialaí mar phointe aonair teagmhála do gach tacaíocht fostaíochta agus ioncaim. Soláthraíonn sé seirbhísí agus tacaí fostaíochta praiticiúla, saincheaptha do chuardaitheoirí poist agus d’fhostóirí araon.