Tá an Scéim um Chúnamh Daonnúil ar fáil chun tacú leis na sealbhóirí tí sin a raibh tionchar ag Stoirm Darragh orthu

Beidh an Scéim um Chúnamh Daonnúil ar fáil chun tacaíocht a thabhairt dóibh siúd a chónaíonn i réadmhaoin a raibh tionchar díreach ag Stoirm Darragh orthu.

Cuireann an Scéim um Chúnamh Daonnúil cosc ar chruatan trí thacaíocht airgeadais atá tástáilte ó thaobh ioncaim de a chur ar fáil do dhaoine a ndearnadh damáiste dá dtithe de dheasca tuilte agus teagmhais drochaimsire agus nach bhfuil in ann costais a íoc le haghaidh riachtanais riachtanacha, earraí tí agus deisiú struchtúrach.

Is iondúil go nglacann an roinn, agus í ag déileáil le heachtraí éigeandála, le cur chuige trí chéim mar a leanas:

• Soláthraíonn Céim 1 íocaíochtaí tacaíochta éigeandála bia, éadaí agus earraí pearsanta díreach i ndiaidh na heachtra
• Is éard atá i gceist le Céim 2 ná earraí bána, earraí troscáin bunúsacha agus earraí tí riachtanacha eile a chur ar fáil in ionad na gceann a cailleadh
• Is í Céim 3 ná tacaíocht airgeadais níos fadtéarmaí a theastaíonn a aithint, lena n-áirítear plástráil, líneáil thirim, athchur urlár, athshreangú leictreach agus péinteáil

Más gá d’aon úinéir tí atá buailte ag drochaimsir rochtain a fháil ar na tacaíochtaí seo, tá sonraí teagmhála éigeandála na Seirbhíse Leasa Pobail ar fáil anseo: [external-link Customer Notices | https://www.gov.ie/ga/nuacht/fograi-do-chustaimeiri/?#na-nuashonruithe-is-deireanai ]

Sonraí teagmhála éigeandála na Seirbhíse Leasa Pobail le linn an deireadh seachtaine seo

Sa chás go dtarlódh éigeandáil mhór (damáiste do mhaoin ó adhaimsir) mar gheall ar Stoirm Daragh ar na laethanta a mbíonn ár nOifigí Intreo/ Brainse dúnta thar an deireadh seachtaine, tá sonraí thíos faoi conas is féidir teagmháil a dhéanamh leis na Seirbhísí Leasa Pobail.

Guthán 087 2895001 ó 10am go 4.30pm Dé Sathairn agus Dé Domhnaigh (is le haghaidh éigeandálaí amháin an líne fóin seo).

Lasmuigh de na huaireanta seo seol ríomhphost le do thoil chuig DNCWS@welfare.ie

Déantar monatóireacht ar gach ríomhphost.

Beidh ár n-oifigí agus ár líne ghutháin ainmnithe de chuid na Seirbhíse Leasa Pobail (0818 60 70 80) ar oscailt arís Dé Luain an 9 Nollaig ag 9.15am.

[external-link Humanitarian Assistance Scheme | https://www.gov.ie/ga/seirbhis/98270a-none/? ]