Tá sonraí á bhfógairt ag an Aire Humphreys faoi cheithre thacaíocht cnapshuime costais mhaireachtála atá á n-íoc an tseachtain seo
- Foilsithe: 4 Samhain 2024
- An t-eolas is déanaí: 13 Samhain 2024
- Íocfar 4 thacaíocht chnapshuime Bhuiséad 2025 arb ionann é agus timpeall €415 milliún an tseachtain seo chun cabhrú le costais mhaireachtála
- Tá 678,000 teaghlach le híocaíochtaí dúbailte Sochar Linbh a fháil
- Tá breis agus 400,000 teaghlach le híocaíocht cnapshuime Liúntas Breosla de €300 a fháil
- Tá 213,000 duine faoi mhíchumas chun Íocaíocht Tacaíochta Míchumais de €400 a fháil
- Tá íocaíocht cnapshuime de €400 le fáil ag 46,000 Teaghlach i bhFostaíocht
Inniu d’fhógair an tAire Coimirce Sóisialaí, Heather Humphreys TD, sonraí na gceithre chnapshuim Costais Mhaireachtála atá á n-íoc an tseachtain seo.
Tugadh na tacaíochtaí seo isteach mar chuid de Bhuiséad 2025 agus tá siad mar chuid de dheich n-íocaíocht cnapshuime san iomlán a íocfar roimh an Nollaig chun tacú le teaghlaigh leis an gcostas maireachtála.
Cabhróidh an buiséad um Choimirce Sóisialaí — an buiséad is mó i stair an Stáit — le teaghlaigh, pinsinéirí, cúramóirí, daoine faoi mhíchumas agus teaghlaigh a bhfuil Costas Maireachtála acu trí mheascán d’íocaíochtaí cnapshuime, tacaíochtaí spriocdhírithe agus méaduithe ar íocaíochtaí seachtainiúla.
Is iad na híocaíochtaí Cnapshuime atá le híoc an tseachtain seo ná:
- Ar an Máirt, an 5 Samhain 2024: Gheobhaidh 678,000 teaghlach, i leith breis agus 1.2 milliún leanbh, íocaíocht Sochair Linbh dúbailte.
- Íocfar Íocaíocht Chnapshuime Liúntas Breosla €300 le breis is 400,000 teaghlach (beidh an lá íocaíochta difriúil de réir an fhaighteora).
- Ón gCéadaoin an 6 Samhain go dtí Dé hAoine an 8 Samhain, íocfar Íocaíocht Tacaíochta Míchumais de €400 le 213,000 duine faoi mhíchumas (faighteoirí Liúntas Míchumais, Pinsean Easláine agus Pinsean na nDall).
- Ar an Déardaoin, an 7 Samhain, íocfar cnapshuim €400 don Íocaíocht um Theaghlach i bhFostaíocht le 46,000 teaghlach.
Gheobhaidh daoine na híocaíochtaí cnapshuime sa bhreis ar agus ar an lá céanna a fhaigheann siad a bpríomhíocaíocht de ghnáth.
Ag fógairt na sonraí, dúirt an tAire Humphreys:
“An tseachtain seo, táimid ag rolladh amach ceithre cinn de na híocaíochtaí cnapshuime a dhaingnigh mé mar chuid de Bhuiséad 2025.
“Ar an Máirt beidh an chéad cheann dár n-íocaíochtaí dúbailte Sochar Linbh againn a thacóidh le breis agus 1.2 milliún leanbh ar fud an Stáit.
“Tá breis agus 400,000 teaghlach againn freisin a fhaigheann an Liúntas Breosla a gheobhaidh cnapshuim de €300.
“Chomh maith leis sin, gheobhaidh 46,000 teaghlach a fhaigheann an Íocaíocht um Theaghlach i bhFostaíocht cnapshuim de €400, agus gheobhaidh 213,000 duine faoi mhíchumas íocaíocht chnapshuime de €400 freisin.
“I ndiaidh na n-íocaíochtaí atá á n-íoc an tseachtain seo beidh 5 íocaíocht cnapshuime eile sna seachtainí atá romhainn, lena n-áirítear Íocaíocht Tacaíochta Cúramóra de €400, dara híocaíocht Sochair Linbh dúbailte, agus íocaíochtaí Bónas na Nollag go luath i mí na Nollag.
“Ciallaíonn an tsraith seo d’íocaíochtaí cnapshuime go mbeidh airgead breise ag daoine ina bpócaí, rud a laghdóidh an brú agus an strus atá ar go leor teaghlach.”
Nótaí d’Eagarthóirí:
Íoctar an chnapshuim agus na híocaíochtaí dúbailte go léir go huathoibríoch - ní gá do dhaoine iarratas a dhéanamh dóibh.
Chomh maith leis an tsraith íocaíochtaí cnapshuime, dhaingnigh an tAire Humphreys arduithe íocaíochtaí uileghabhálacha agus raon tacaíochtaí spriocdhírithe freisin, a thiocfaidh i bhfeidhm ó mhí Eanáir 2025. Tá liosta iomlán de bhearta Coimirce Sóisialaí de Bhuiséad 2025 ar fáil ag Gov.ie/dspbudget2025.
Tá an íocaíocht aonuaire de €400 do dhaoine a fhaigheann Liúntas Míchumais, Pinsean Easláine, Pinsean na nDall agus/nó Deontas Tacaíochta Cúramóra, iníoctha ach i leith íocaíocht amháin.