Íocaíocht Teaghlaigh Aontuismitheora

Is íocaíocht í an Íocaíocht Teaghlaigh Aontuismitheora do thuismitheoirí faoi 66 nach bhfuil ag comhchónaí lena chéile, agus a bhfuil a leanbh is óige faoi 7 mbliana d’aois.

Ní bhfaighidh tú an Íocaíocht Teaghlaigh Aontuismitheora a thuilleadh nuair a shroichfidh do leanbh is óige seacht mbliana d’aois.

Tá eisceachtaí ag baint leis sin:

• Liúntas Cúraim Baile: d’fhéadfadh go leanfadh d’Íocaíocht Teaghlaigh Aontuismitheora ar aghaidh go dtí go sroichfidh an leanbh dá bhfuil tú ag fáil an Liúntas Cúraim Baile 16 go dtí go sroichfidh do leanbh is óige seacht mbliana d’aois, cibé acu is deireanaí
• Pinsean na nDall: féadfaidh d’Íocaíocht Teaghlaigh Aontuismitheora leanúint ar aghaidh go dtí go mbeidh do leanbh is óige 16 bliana d’aois
• Liúntas Cúramóra: féadfaidh d’Íocaíocht Teaghlaigh Aontuismitheora leanúint ar aghaidh go dtí go mbeidh do leanbh is óige 16 bliana d’aois nó go dtí go stopfaidh do Liúntas Cúramóra, cibé acu is luaithe
• Bás le déanaí: má bhásaigh do chéile nó do pháirtnéir sibhialta, is féidir leat an Íocaíocht Teaghlaigh Aontuismitheora a éileamh ar feadh suas le dhá bhliain tar éis dháta an bháis nó go dtí go sroichfidh an leanbh is óige 18, cibé acu is luaithe

Chun cáiliú don Íocaíocht Teaghlaigh Aontuismitheora, ní mór duit:

• a bheith faoi bhun 66
• a bheith i do thuismitheoir, leastuismitheoir, tuismitheoir uchtaíoch nó caomhnóir dlíthiúil linbh ábhartha (ciallaíonn sé sin leanbh faoin teorainn aoise ábhartha)
• a bheith i do phríomhchúramóir atá ag leanbh ábhartha amháin ar a laghad. Ní mór cónaí a bheith ar an leanbh leatsa. Ní féidir leat an Íocaíocht Teaghlaigh Aontuismitheora a fháil má tá tú i do chomhchaomhnóir linbh nó leanaí
• in ann tástáil acmhainne a shásamh
• gan a bheith i do chónaí le céile, páirtnéir sibhialta nó a bheith in aontíos

Má tá tú scartha, colscartha nó má tá do páirtnéireacht shibhialta cealaithe, ní mór dóibh a bheith ina gcónaí óna chéile ar feadh trí mhí ar a laghad sula ndéanann tú iarratas ar an Íocaíocht Teaghlaigh Aontuismitheora.

Is é uasráta na hÍocaíochta Teaghlaigh Aontuismitheora ná €244 sa tseachtain, chomh maith le hÍocaíocht Tacaíochta Linbh do gach leanbh cáilithe.

Níl aon chothabháil leanaí a fhaigheann tú san áireamh sa tástáil acmhainne a thuilleadh. Má tá cothabháil á fháil agat nach cothabháil leanaí ann, áfach, déanfar tástáil acmhainne air seo fós.

Neamhaird Cíosa

Baineann neamhaird reachtúil cíosa suas le €269.23 in aghaidh na seachtaine (€14,000 in aghaidh na bliana) maidir le hioncam cíosa ó sheomra(í) i do theach a ligean ar cíos le duine nach fostaí nó ball neasteaghlaigh é/í. Féach Treoirlínte Oibriúcháin um Tástáil Acmhainne le haghaidh tuilleadh sonraí.

Sochar Cuardaitheora Poist Pá-Choibhneasa

Ó 31 Márta 2025, má tá tú ag obair agus má éiríonn tú dífhostaithe go hiomlán is féidir leat iarratas a dhéanamh anois ar Shochar Cuardaitheora Poist Pá-Choibhneasa. Ní mór duit na coinníollacha cáilitheacha go léir a shásamh lena n-áirítear a bheith ar fáil d’obair lánaimseartha agus fíor-lorg oibre a dhéanamh agus ní sháróidh an ráta iomlán iníoctha uasráta an tSochair Cuardaitheora Poist Pá-Choibhneasa a gcáilíonn tú dó. Féach na Treoirlínte um Shochar Cuardaitheora Poist Pá-Choibhneasa le haghaidh tuilleadh sonraí.

Baintreachas nó páirtnéir sibhialta marthanach

Más baintreach/baintreach fir thú nó más páirtnéir sibhialta marthanach thú, ba cheart duit iarratas a dhéanamh laistigh de thrí mhí ó bhás do chéile nó do pháirtnéara shibhialta.

Singil

Má tá tú singil, ba cheart duit iarratas a dhéanamh laistigh de thrí mhí ó bhreith do linbh.

Scartha, colscartha, nó gan a bheith i bpáirtnéireacht shibhialta níos mó

Má tá tú scartha, colscartha nó mura bhfuil tú i bpáirtnéireacht shibhialta a thuilleadh, ní mór duit undefined a bheith i bhur gcónaí ar leithligh óna chéile ar feadh trí mhí. Ba chóir duit iarratas a dhéanamh laistigh de thrí mhí go dtí sé mhí ón dáta ar scar tú ó do chéile nó do pháirtnéir sibhialta.

Céile nó páirtnéir sibhialta príosúnaigh

Más céile nó páirtnéir sibhialta príosúnaigh thú, ba cheart duit iarratas a dhéanamh nuair atá do chéile nó do pháirtnéir sibhialta:

• faoi choiméad ar feadh sé mhí gan breith a bheith tugtha orthu

nó

• tar éis a mbreith a thosú, agus ní mór go mbeadh sé sin ar feadh téarma de shé mhí ar a laghad

Chun iarratas a dhéanamh, líon isteach an fhoirm thíos agus seol ar ais í agus aon doiciméid tacaíochta chuig d’Ionad Intreo áitiúil nó d’Oifig Bhrainse Leasa Shóisialaigh áitiúil.

Is féidir leat cinneadh a achomharc mura bhfuil tú sásta leis. Ba chóir duit achomharc a dhéanamh laistigh de 21 lá ón dáta ar a rinneadh an cinneadh agus is féidir leat éisteacht ó bhéal a éileamh.

Is é an bealach is éasca agus is tapúla le hiarratas a dhéanamh ná ar líne ag MyWelfare.ie. Níl ach cuntas fíordheimhnithe MyGovID ag teastáil uait. Is féidir leat cuntas MyGovID fíoraithe a fháil má tá Cárta Seirbhísí Poiblí, uimhir fóin póca fhíoraithe agus seoladh ríomhphoist agat.

Déanfaidh oifigeach achomhairc cinneadh maidir le do chás. Is é seo an cinneadh deiridh. Is féidir cinneadh a dhéanamh ar roinnt cásanna gan feidhm a bhaint as éisteacht ó bhéal.

Má thagann eolas nua chun solais nó má thagann athrú ar do chúinsí pearsanta, is féidir leat iarratas a dhéanamh ar Íocaíocht Teaghlaigh Aontuismitheora arís.

Is féidir teacht ar bhreis eolais faoi conas achomharc a dhéanamh anseo: Item was unpublished or removed

Déanann treoirlínte oibríochtúla cur síos ar na próisis agus ar na nósanna imeachta a leanann baill foirne na Roinne agus iad i mbun a gcuid oibre.

• Treoirlínte Oibríochtúla: Íocaíocht Teaghlaigh Aontuismitheora
• Treoirlínte Oibríochtúla: Fadhbanna íocaíochta