Aisíocaíochtaí ÁSPC

Is féidir leat iarratas a dhéanamh ar aisíocaíocht Árachais Shóisialta Pá-Choibhneasa (ÁSPC) má íocadh an ráta ÁSPC mícheart ó do phá nó ioncam.

Is féidir iarratais a dhéanamh don 4 bhliain chánach iomlán deiridh.

D’fhéadfá a bheith i dteideal aisíocaíochtaí ÁSPC sna cásanna seo a leanas:

• Tá tús níos sine ná 66 agus tá ÁSPC íoctha agat ar do phá
• Tá tú faoi 16 agus tá ÁSPC íoctha agat ar do phá
• Tá tú féinfhostaithe mar Stiúrthóir Cuideachta, Trádálaí Aonair nó ball de Chomhpháirtíocht agus tá ranníocaíochtaí Aicme A seachas Aicme S íoctha agat
• Is Státseirbhíseach thú, a earcaíodh roimh an 6 Aibreán 1995 agus a d’íoc Aicme A seachas B,C nó D
• D’íoc tú cothabháil le céile nó páirtí sibhialta
• Tá E101/Doiciméad Iniompartha A1/Teastas Cumhdaigh/Teastas Díolúine i do sheilbh
• Ní raibh aon chonradh seirbhíse agat le fostóir
• Fostaíocht Choimhdeach – Is státseirbhíseach nó seirbhíseach poiblí buan thú, a earcaíodh roimh an 6 Aibreán 1995, a d’íoc ÁSPC iomlán i gcomhthráth i bhfostaíocht eile

D’íoc tú ÁSPC ar do phá iomlán fad is a bhí Sochar Máithreachais, Sochar Uchtála, Sochar Atharthachta, Sochar Breoiteachta nó Sochar Sláinte agus Sábháilteachtaa fháil agat

Má theastaíonn tuilleadh samplaí uait féach ar na treoirlínte gaolmhara..

Más fostaí thú

Iarratas MyWelfare

Le haghaidh fostaithe, is é an bealach is tapa iarratas a dhéanamh ar líne ag MyWelfare.

Chun é seo a dhéanamh, ní mór duit clárú le haghaidh Cárta Seirbhísí Poiblí (PSC) agus d’fhón póca a nascadh leis an gcárta seo.

Le haghaidh cineálacha áirithe aisíocaíochta, teastaíonn doiciméid bhreise. Is féidir iad seo a uaslódáil le d’iarratas ar líne.

Mura féidir leat an córas ar líne a úsáid, is féidir leat foirm iarratais le haghaidh Aisíocaíocht Ranníocaíochtaí ÁSPC Fostaí (PRSI REF1) a íoslódáil agus a chomhlánú.

Is féidir foirmeacha comhlánaithe a sheoladh chuig:

Más fostóir thú

Is féidir le fostóirí ar mian leo iarratas a dhéanamh ar aisíocaíocht ar a son féin nó ar son fostaithe foirm iarratais le haghaidh Aisíocaíocht Ranníocaíochtaí ÁSPC Fostóra (PRSI REF2) a íoslódáil agus a chomhlánú.

Is féidir foirmeacha comhlánaithe a sheoladh chuig:

Déantar cur síos sna treoirlínte oibríochtúla ar na próisis agus nósanna imeachta a gcloíonn comhaltaí foirne sa roinn leo nuair a bhíonn siad i mbun a gcuid oibre.

Treoirlínte Oibríochtúla: ÁSPC - Rannóg Aisíocaíochtaí ÁSPC..