An Clár Socrúcháin Taithí Oibre

Is é atá sa Chlár Socrúcháin Taithí Oibre (WPEP) ná clár taithí oibre dheonach 30 uair sa tseachtain a mhaireann 6 mhí. Tá an clár dírithe ar chuardaitheoirí poist a bhfuil íocaíocht leasa shóisialaigh cháilitheach á fáil acu faoi láthair agus atá dífhostaithe ar feadh sé mhí (156 lá) nó níos faide.

Is ionann an ráta íocaíochta agus €359 sa tseachtain.

Féach an liosta cáilitheach sa chéad chuid eile.

Más mian leat tabhairt faoi athoiliúint agus taithí a fháil i gcineál eile fostaíochta, is féidir leis an gclár seo cabhrú leat scileanna nua a fhorbairt agus taithí oibre a fháil. Ní féidir leat glacadh le socrúchán i réimse ina bhfuil taithí faighte agat cheana féin sa ról.

Is féidir leat obair pháirtaimseartha a dhéanamh fad a bhíonn tú ag glacadh páirte sa chlár, a fhad agus nach bhfuil tionchar ag an obair pháirtaimseartha ar do shocrúchán. Ní féidir an obair pháirtaimseartha a dhéanamh le hóstach an WPEP.

Chun cáiliú don Chlár Socrúcháin Taithí Oibre, caithfidh gur cuardaitheoir poist thú:

• atá idir 18 agus 65 bliain d’aois, agus
• atá rannpháirteach i scéim cháilitheach ar feadh 6 mhí (156 lá), ar a laghad, agus
• a bhfuil íocaíochtaí áirithe leasa shóisialaigh á bhfáil agat, agus

Is iad na híocaíochtaí cáilitheacha:

• Liúntas Cuardaitheora Poist
• Sochar Cuardaitheora Poist
• Íocaíocht Idirthréimhseach Chuardaitheora Poist
• Íocaíocht Teaghlach Aontuismitheora
• Liúntas Míchumais
• Pinsean na nDall
• Cúnamh Feirme
• Sochar Cuardaitheora Poist do Dhaoine Féinfhostaithe

Is féidir am a caitheadh ar na scéimeanna thíos a chur san áireamh mar chuid de na critéir cháilitheacha 6 mhí (156 lá). Caithfidh tú aistriú chuig íocaíocht Chuardaitheora Poist sular féidir leat glacadh leis an socrúchán.

• An Clár Fostaíochta Pobail
• Liúntas um Fhilleadh ar Oideacha
• Ógtheagmháil
• Springboard
• Cláir Oiliúna Solas
• TÚS - Tionscnamh Socrúchán Oibre Pobail
• An Scéim Shóisialta Tuaithe

Cuirtear eolas ar fáil sna Treoirlínte maidir leis an CSTO ar cháilitheacht rannpháirtithe nó is féidir leat seiceáil leis an gCásoifigeach i do Ionad Intreo áitiúil féachaint an bhfuil tú i dteideal páirt a ghlacadh in aon scéim nó socrúchán.

Is é an ráta íocaíochta €359 sa tseachtain.

Má tá tú i dteideal sochair bhreise a fháil, cosúil le Liúntas Breosla, Méadú do Mhaireachtáil Aonair nó Liúntas Tacaíochta Gutháin, is féidir leat iad seo a fháil anuas ar phríomhíocaíocht an CSTO.

Is féidir leat iarratas a dhéanamh ar an CSTO trí chlárú ar JobsIreland.ie.

A luaithe a bhíonn tú cláraithe, is féidir leat iarratas a dhéanamh ar fholúntais an CSTO a fhógraítear ar JobsIreland.

Eolas d’fhostóirí

An Clár Socrúcháin Taithí Oibre d’fhostóirí.

Treoirlínte Oibríochtúla: An Clár Socrúcháin Taithí Oibre