An Scéim Cúnaimh Dhaonnúil

Soláthraíonn Scéim um Chúnamh Daonnúil cúnamh airgeadais tástála ioncaim do theaghlaigh a raibh tionchar ag eachtra drochaimsire orthu. Is í an tSeirbhís Leasa Pobail a riarann í.

Tá sé mar aidhm ag an scéim cruatan a mhaolú in ionad cúiteamh iomlán a sholáthar as damáiste.

Féadfaidh an scéim na nithe seo a leanas a chlúdach:

• íocaíochtaí tacaíochta éigeandála, ar nós bia, éadaí agus earraí pearsanta
• damáiste do do theach agus dá inneachair riachtanacha, ar nós cairpéad, ábhar urláir, troscáin, fearas tí agus éadaigh leapa
• damáiste struchtúrach

Ní chlúdaítear na nithe seo a leanas faoin scéim:

• caillteanais atá clúdaithe ag polasaí árachais
• caillteanas earraí a mheastar a bheith neamhriachtanach nó mar shó-earraí
• caillteanais gnó, thalmhaíochta nó thráchtála
• caillteanas struchtúir nó damáiste do lóistín ar cíos
• aon réadmhaoin bhreise nach bhfuil á n-áitiú ag daoine ná nach bhfuil cónaí ag daoine ann mar an príomháit chónaithe
• mótarfheithiclí a athchur nó a dheisiú

Is iondúil go nglacann an roinn, agus í ag déileáil le heachtraí éigeandála, le cur chuige trí chéim mar a leanas:

• Soláthraíonn Céim 1 íocaíochtaí tacaíochta éigeandála (bia/éadaí/earraí pearsanta) díreach i ndiaidh na heachtra
• Is éard atá i gceist le Céim 2 ná earraí bána, earraí bunúsacha troscáin agus earraí riachtanacha tí eile a athsholáthar
• Tá Céim 3 ann leis an tacaíocht airgeadais níos fadtéarmaí atá ag teastáil a aithint, lena n-áirítear plástráil, líneáil thirim, athleagan urlár, athshreangú leictreach agus péinteáil

Is iad seo a leanas teorainneacha ioncaim na scéime:

• €50,000 do dhuine singil
• €90,000 do lánúin
• €15,000 in aghaidh an linbh chleithiúnaigh

Féadfar leibhéal tacaíochta maolaithe nó laghduithe a sholáthar i gcás ina bhfuil d’ioncam teaghlaigh os cionn na dteorainneacha.

Tá íocaíochtaí faoi réir tástála ioncaim ar ioncam uile an teaghlaigh, a mheasann cumas do theaghlaigh chun íoc as na costais a bhaineann le do theach a athchóiriú ionas gur féidir cónaí ann.

Ní bhaineann teorainneacha ioncaim le híocaíochtaí a dhéantar faoi Chéim 1 den Scéim um Chúnamh Daonnúil.

Le haghaidh cúnamh leis na costais de bhunriachtanais ar nós bia, éadaí, agus earraí pearsanta, cuir an fhoirm iarratais ar Chéim 1 Íocaíocht Éigeandála den Scéim um Chúnamh Daonnúil (HAS1) i gcrích.

Le haghaidh cúnamh leis na hearraí teaghlaigh a athchur agus/nó damáiste struchtúrtha a dheisiú, cuir an fhoirm iarratais ar Scéim Um Chúnamh Daonnúil (HAS2) i gcrích. Ba cheart go ndéanfaidh úinéir cláraithe na réadmhaoine an t-iarratas ar chúnamh le deisiúchán struchtúrach.

Braitheann leibhéil na híocaíochta ar mhéid an damáiste agus ar do chumas chun costas na ndeisiúchán a sholáthar.

Is féidir leat iarratas a dhéanamh trí Sheirbhisí Leasa Pobail. Foghlaim conas rochtain a fháil ar Sheirbhísí Leasa Pobail anseo.

Tá foirmeacha iarratais ar fáil le híoslódáil anseo nó ó d’Oifig Brainse nó ó d’Ionad Intreo áitiúil.

Ag braith ar d’éileamh, tá seans go mbeadh ort na nithe seo a leanas a sholáthar:

• fianaise maidir le hioncam teaghlaigh (mar shampla, duillíní pá)
• cóip de do pholasaí árachais
• dhá mheastachán mhiondealaithe do chostas na ndeisiúchán struchtúrach (conraitheoir tógala, ceardaí srl)*
• meastacháin ar chostas deisiúcháin na n-earraí tí*
• sonraisc nó admhálacha íoctha
• aon eolas eile a d’fhéadfadh tacú le d’éileamh
• Ní mór gach meastachán/sonrasc/admháil a bheith ó sholáthróirí cláraithe.