An Scéim um Aisghabháil Sochar agus Chúnaimh (RBA)

Cuireann An Scéim um Aisghabháil Sochar agus Chúnaimh (RBA) ar chumas na roinne luach íocaíochtaí áirithe leasa shóisialaigh a bhaineann le breoiteacht a aisghabháil. Aisghabhtar iad seo ó dhámhachtainí cúitimh a thugtar do dhaoine mar gheall ar éilimh díobhála pearsanta.

Aisghabhtar na sochair ón gcúititheoir agus ní ón duine gortaithe.

Is iad seo a leanas na híocaíochtaí leasa shóisialaigh a bhaineann le breoiteacht is féidir a aisghabháil faoin scéim seo:

• Liúntas Míchumais
• Sochar Breoiteachta
• Forlíonadh Éagumais
• Sochar Díobhála
• Pinsean Easláine
• Sochar Cumais Pháirtigh
• Liúntas Leasa Forlíontach

Ní mór do chúititheoir iarratas a dhéanamh ar ráiteas maidir le sochair in-aisghabhála ar an bhfoirm iarratais RBA01 sula ndéanfaidh sé íocaíocht chúitimh le duine gortaithe.

Féadfar iarratais ar ráitis a dhéanamh freisin le ríomhphost slán, ach réamhshocrú a dhéanamh leis an roinn. Cuirfear na ráitis amach sa phost.

Ní mór don Bhord Measúnaithe Díobhálacha Pearsanta (PIAB) iarratas a dhéanamh ar ráiteas freisin sula n-eiseofar ordú íoca.

Eiseofar an ráiteas laistigh de cheithre seachtaine ón dáta a bhfaightear an t-iarratas.

Déantar cur síos sna treoirlínte oibríochta ar na próisis agus nósanna imeachta a gcloíonn comhaltaí oibre sa roinn leo nuair a bhíonn siad i mbun a gcuid oibre.

An Scéim um Aisghabháil Sochar agus Chúnaimh (RBA) (Treoirlínte Oibríochta).