Clár Socrúcháin Taithí Oibre - Fostóirí

Tá an Cuireann an Clár Socrúcháin Taithí Oibre (WPEP) ar chumas fostóirí cuardaitheoir poist a óstáil ar shocrúchán taithí oibre agus cabhrú leis an gcuardaitheoir poist scileanna nua a thógáil agus taithí oibre luachmhar a fháil. Tá an clár dírithe ar chuardaitheoirí poist atá ar íocaíochtaí leasa shóisialaigh áirithe ar feadh 4 mhí (104 lá) má faoi 30 bliain d'aois agus 6 mhí (156 lá) má tá tú os cionn 30 bliain d’aois agus ar mian leo leas a bhaint as oiliúint agus taithí oibre chun dul i dteagmháil arís leis an margadh fostaíochta.

Cuirfidh fostóirí a óstálann rannpháirtí WPEP socrúchán ar fáil ar feadh 6 mhí agus freastalóidh an rannpháirtí ar thaithí oibre ar feadh 30 uair sa tseachtain.

Níl aon chostas ar an óstach/fostóir; íocfaidh an Roinn Coimirce Sóisialaí an rannpháirtí le linn a socrúcháin oibre. Is é €359 in aghaidh na seachtaine a bheidh san íocaíocht WPEP. Ní cheadaítear aon íocaíochtaí breisithe leis an rannpháirtí.

Tá an Clár Socrúcháin Taithí Oibre oscailte d'fhostóirí sna hearnálacha príobháideacha, poiblí, státseirbhíse, pobail agus deonacha.

Ionas gur féidir le fostóir a bheith ina óstach WPEP, ní mór go mbeadh ceann díobh seo a leanas a bheith iontu:

• gnó nó carthanas atá cláraithe leis na Coimisinéirí Ioncaim
• cáin-chomhlíontach agus uimhir thagartha Cánach na gCoimisinéirí Ioncaim agus Uimhir Rochtana Imréitigh Cánach (TCAN) cothrom le dáta a chur ar fáil
• ag feidhmiú i bPoblacht na hÉireann

Ní mór d'fhostaí lánaimseartha amháin ar a laghad atá fostaithe ar feadh 30 uair an chloig ar a laghad sa tseachtain (is é sin ar phárolla agus faoi réir ÍMAT agus ÁSPC – Aicme A) a bheith ag Óstach.

Chun clárú mar óstach WPEP agus folúntas a fhógairt téigh chuig JobsIreland.ie nó déan teagmháil le JobsIreland ar an nguthán nó trí ríomhphost.

Socrúcháin Taithí Oibre do chuardaitheoirí poist.

Treoirlínte Oibríochtúla: Clár Socrúcháin Taithí Oibre