Deontas d'Ateangaire le haghaidh Agallamh Poist

Más cuardaitheoir poist tú atá bodhar, nach bhfuil an éisteacht go maith agat nó tá lagú cainte agat agus má tá tú ag freastal ar agallamh poist le fostóirí san earnáil phríobháideach, féadfaidh tú cur isteach ar mhaoiniú le haghaidh na nithe seo a leanas:

• ateangaire teanga chomharthaíochta
• ateangaire beola nó
• ateangaire eile chun freastal ar na hagallaimh in éineacht leat

Chun tuilleadh eolais a fháil, téigh i dteagmháil leis an bhFoireann um Thacaíocht san Ionad Oibre i do cheantar áitiúil.

Is féidir leat iarratas a chur isteach le haghaidh Deontais d'Ateangaire le haghaidh Agallamh Poist:

• má tá tú bodhar nó muna bhfuil an éisteacht go maith agat nó má tá lagú cainte suntasach agat
• má tá tú ag lorg fostaíochta ar bhonn gníomhach nó má tá post nua díreach faighte agat
• má cheapann tú go mbainfeá leas as ateangaire teanga chomharthaíochta nó ateangaire eile, nó an bheirt acu, a bheith leat ag agallaimh phoist nó le haghaidh tréimhse ionduchtaithe

Is féidir na hiarratais atá líonta amach a sheoladh chuig d'Ionad Intreo Áitiúil. Má tá ainm an Chásoifigigh atá ag plé le d'iarratas ar eolas agat, cuir a (h)ainm ar an iarratas le do thoil.

Is féidir leat dul i dteagmháil le d'Ionad Intreo Áitiúil nó an Cásoifigeach Ainmnithe le haghaidh Éagumais i do cheantar chun níos mó eolais a fháil.

Déanann treoirlínte oibríochtúla cur síos ar na próisis agus na nósanna imeachta a leanann an fhoireann sa roinn agus iad i mbun a gcuid oibre.

Treoirlínte Oibríochtúla: Deontas d'Ateangaire le haghaidh Agallamh Poist (DAAP).