Deontas do Léitheoir Pearsanta

Má tá tú caoch nó má tá lagamharc ag gabháil duit agus go dteastaíonn cúnamh uait le léitheoireacht i do chuid oibre, d’fhéadfá a bheith i dteideal deontais chun deis a thabhairt duit léitheoir pearsanta a fhostú. Ní íoctar an deontas sin ach amháin má tá tú fostaithe san earnáil phríobháideach.

Íocfaidh an rialtas táillí de réir na huaire, ag teacht leis an bpá íosta reatha. Íocfar é ar feadh tréimhse comhaontaithe suas le 640 uair an chloig sa bhliain.

Cáileoidh tú:

• má tá tú fostaithe san earnáil phríobháideach agus má theastaíonn cúnamh uait le léitheoireacht i do chuid oibre mar gheall ar lagú amhairc
• má d’éirigh d’amharc lag le déanaí anuas agus tá tú i gcontúirt do phost a chailleadh mar gheall ar an lagú sin
• i ngeall go bhfuil lagú amhairc ag gabháil duit anois caithfidh tú obair nua nó obair dhifriúil a dhéanamh dod’ fhostóir
• tá srian á gcur ar d’ionchais ardaithe céime mar gheall ar dheacracht a bheith agat ag léamh i ngeall ar do lagú amhairc

Féadfaidh tú iarratas a dhéanamh ag D’oifig Intreo áitiúil. Gheobhaidh tú na foirmeacha iarratais a theastóidh uait ansin nó féadfaidh tú iad a íoslódáil ag bun an leathanaigh.

Má cheadaítear an t-iarratas, íocfaidh an roinn deontas leat chun costais chomhaontaithe do léitheoir phearsanta a íoc, nuair a sheolfaidh tú foirm éilimh isteach ag deireadh gach mí. Tá an fhoirm lonnaithe freisin ag bun an leathanaigh.

Caithfidh tú an dá fhoirm a líonadh agus iad a thabhairt nó a sheoladh chuig d’ionad Intreo áitiúil.

Caithfidh tú féin agus d’fhostóir bualadh le cás-oifigeach agus an líon iomlán uaireanta sa tseachtain dá dteastóidh léitheoir pearsanta uait a aontú.

Má cheadaítear an t-iarratas, gheobhaidh tú deontas chun costais chomhaontaithe do léitheoir phearsanta a íoc.

Ní fhéadfaidh an léitheoir pearsanta teacht in ionad aon chúnamh a thugann comhghleacaithe oibre, gaolta nó cairde duit de ghnáth leis an léitheoireacht.

Déantar cur síos sna treoirlínte oibríochtúla ar na próisis agus nósanna imeachta a gcloíonn comhaltaí foirne sa roinn leo nuair a bhíonn siad i mbun a gcuid oibre.

Treoirlínte Oibríochta: Deontas le haghaidh Léitheoir Pearsanta