Deontas Tacaíochta Fiontraíochta do ghnólachtaí a bhfuil tionchar ag COVID-19 orthu

Níl an Deontas Tacaíochta Fiontraíochta COVID-19 ar fáil a thuilleadh.

Bhí an Deontas Tacaíochta Fiontraíochta ar fáil chun cabhrú le faighteoirí incháilithe féinfhostaithe a dhún a nÍocaíocht Phaindéimeach Dífhostaíochta COVID-19.

Thug sé seo deontas suas le €1,000 d’úinéirí gnó chun a ngnó, a dúnadh de bharr na paindéime COVID-19, a atosú.

Má d’éiligh tú an deontas in 2020 ach go raibh tú ar ais ar Íocaíocht Phaindéimeach Dífhostaíochta COVID-19 in 2021, bhí tú in ann an deontas €1,000 a rochtain don dara huair má dhún tú d’Íocaíocht Dhífhostaíochta Phaindéimeach COVID-19 ar an 1 Meitheamh 2021 nó ina dhiaidh sin.

Níl an Deontas Tacaíochta Fiontraíochta COVID-19 ar fáil a thuilleadh.

Bronnadh an Deontas ar dhaoine féinfhostaithe:

• a bhí comhlíontach maidir le cáin agus ÁSPC de
• nach raibh faoi dhliteanas i leith rátaí tráchtála
• a bhí ag fáil na hÍocaíochta Paindéimeach Dífhostaíochta COVID-19 agus a n-éileamh dúnta
• a d’athoscail a ngnó a dúnadh de bharr na paindéime
• a d’fhostaigh níos lú ná 10 duine
• a raibh láimhdeachas bliantúil níos lú ná €1 milliún acu
• nach raibh incháilithe le haghaidh deontais atosaithe gnó comhchosúla COVID-19 ó ranna rialtais eile
• a d’fhéadfadh admhálacha/sonraisc CBL a chuir ar fáil i leith costais agus speansais atosú gnó a éilíodh, dá n-iarrfadh an Roinn amhlaidh

Dámhadh maoiniú do chostais incháilithe suas le huasmhéid de €1,000 le haghaidh iarratas céaduaire.

Má d’éiligh tú an deontas in 2020 ach go raibh tú ar ais ar Íocaíocht Phaindéimeach Dífhostaíochta COVID-19 in 2021, bhí tú in ann an deontas €1,000 a rochtain don dara huair má dhún tú d’Íocaíocht Dhífhostaíochta Phaindéimeach COVID-19 ar an 1 Meitheamh 2021 nó ina dhiaidh sin.

Bronnadh an deontas ar chostais a bhain le hathoscailt do ghnó, lena n-áirítear:

• bearta sábháilteachta
• comhairle gnó nó meantóireacht
• deisiúcháin
• breosla
• pá

Tá an íocaíocht seo dúnta d’iarratasóirí nua agus ní féidir leat iarratas a dhéanamh a thuilleadh.