Deontas Tacaíochta Oiliúna

Tá an Deontas Tacaíochta Oiliúna deartha chun rochtain thapa ar oiliúint ghearrthéarmach nó ar idirghabhálacha gaolmhara a mhaoiniú, deimhniú agus ceadanna a fháil nó a athnuachan do chuardaitheoirí poist aonair a bhfuil deiseanna oibre sainaitheanta acu nó sa chás go bhfuil bearna scileanna láithreach sainaitheanta ag Oifigigh Chásanna a léiríonn constaic ar ghlacadh le tairiscint poist.

Tá príomhfhócas na scéime seo ar chuardaitheoirí poist agus ar thacú le polasaí gníomhachtúcháin na Roinne.

Is féidir le Oifigeach Cásanna deontas a cheadú do dhuine atá ag lorg fostaíochta faoin scéim seo nuair:

• nach bhfuil an cúrsa os cionn leibhéal 6 ar an QQI
• nuair a shainaithnítear riachtanas oiliúna le linn an agallaimh nach soláthraíonn an RCS go díreach nó aon soláthraí stáit eile (ar nós Solas/ETBanna, Teagasc), laistigh d’achar réasúnta ama nó in áit atá áisiúil don chuardaitheoir poist.
• atá an idirghabháil a sainaithníodh nasctha le riachtanais gníomhachtaithe an chuardaitheora poist agus le coinníollacha an mhargaidh oibre
• atá an idirghabháil atá á lorg ag an gcuardaitheoir poist mar chuid den dul chun cinn pearsanta nó plean gníomhaíochta comhaontaithe chun dul isteach sa mhargadh oibre nó chun dul isteach ann arís.
• atá siad sásta gur sholáthair an cuardaitheoir poist fianaise réasúnta nó forais riachtanas (mar shampla i bhfoirm tairiscint poist nó tairiscint poist fhéideartha) nó bearna scileanna aitheanta nó ceanglas creidiúnú a choinneáil nó a bhaint amach (mar shampla, pas sábháilte, ceadúnais tiomána, HACCP, ceadanna tionscail slándála)

Is féidir le gach cuardaitheoir poist uasmhéid de €1000 in aghaidh na bliana a fháil.

Is féidir íocaíocht a cheadú nuair:

• a fhreastalaíonn tú ar an gclár
• a dhéanann tú an measúnú ábhartha agus baineann tú deimhniú amach
• nach mbaineann tú deimhniú amach, ach deimhníonn an t-oiliúnóir agus an t-iarratasóir go ndearna tú measúnú iomlán ach nár chomhlíon tú an caighdeán riachtanach
• ba chóir go léireodh sonraisc uimhir thagartha CBL nó Cánach eile an tsoláthraí. Ba cheart an méid iomlán a thaispeáint lúide aon ranníocaíocht rannpháirtí nó maoiniú tríú páirtí

Caithfidh soláthraithe a bheith lonnaithe ar oileán na hÉireann.

Is é an ranníocaíocht uasta is féidir a fhaomhadh agus a íoc le haghaidh oiliúint riachtanach tiománaithe ná €250. Ba cheart teagasc tiomána do HGV/Rigid/Bus a mheas mar idirghabháil ar leith laistigh de na treoirlínte seo. Níor cheart teagasc tiomána a mhaoiniú ach amháin nuair atá fianaise shoiléir ann go bhféadfadh fostaíocht a bheith ann.

Ní mór gach iarratas nó tarchur ar thacaíocht faoin scéim a dhéanamh trí Oifigeach Cásanna.

Faigh tuilleadh eolais faoin scéim ón bhfoireann ag d’Ionad Intreo áitiúil nó d’Oifig Bhrainse Leasa Shóisialaigh.

Ba cheart costas luaite na mbeart a chur i gcomparáid le liosta costas a choimeádtar sa rannán chun a chinntiú go bhfuil na costais i gcomhréir leis an ionchas agus chun a chinntiú go bhfuil an luach is fearr ar airgead á bhaint amach. Ba cheart don oifigeach cásanna suíomh an chúrsa agus an t-achar a bheadh ar an gcustaiméir a thaisteal a mheas freisin.

Beidh ar sholáthróirí oiliúna meastacháin a chur in iúl don mhéid iomlán. Ba cheart don Oifigeach Cásanna méid an deontais atá ar fáil a chur in iúl don chuardaitheoir poist.

Is féidir íocaíocht a cheadú nuair a fhreastalaíonn an t-iarratasóir ar an gclár, nuair a dhéanann sé/sí na measúnuithe ábhartha agus nuair a fhaigheann sé/sí deimhniú NÓ nuair nach mbaineann an deimhniú amach ach deimhníonn an t-oiliúnóir agus an t-iarratasóir go ndearna an t-iarratasóir measúnú iomlán ach nár chomhlíon siad an caighdeán atá riachtanach.

• Níor cheart an deontas a íoc ach amháin tar éis don iarratasóir an clár a chríochnú, na measúnuithe ábhartha a dhéanamh agus deimhniú a bhaint amach NÓ mura bhfuil deimhniú bainte amach aige ach deimhníonn an t-oiliúnóir go ndearna an t-iarratasóir an measúnú iomlán ach nár chomhlíon sé an caighdeán atá riachtanach. *Ba cheart go léireodh sonraisc Uimhir Thagartha CBL nó Cánach eile an tsoláthraí. Ba cheart an méid iomlán a thaispeáint lúide aon ranníocaíocht rannpháirtí nó maoiniú tríú páirtí

Treoirlínte Oibríochtúla: Deontas Tacaíochta Oiliúna