Liúntas Cúramóra

Is é atá sa Liúntas Cúramóra ná íocaíocht le daoine ar ioncaim ísle atá ag tabhairt aire go lánaimseartha do dhuine a dteastaíonn cúram agus aird lánaimseartha uathu mar gheall ar aois, míchumas nó breoiteacht, (meabhairghalar san áireamh.). Caithfidh cúram agus aire lánaimseartha a bheith ag teastáil ón té atá faoi chúram.

D'fhéadfadh go gcáileofá don Liúntas Cúramóra má shásaíonn tú na riachtanais seo:

• tá tú 18 mbliana d'aois nó níos sine
• má chónaíonn tú nó má tá tú in ann cúram agus aire lánaimseartha a sholáthar do dhuine a bhfuil cúram de dhíth air/uirthi agus nach gcónaíonn in institiúid de ghnáth. Mar sin féin, is féidir go mbreathnófar ort mar sholáthraí aire agus cúraim lánaimseartha má tá tú féin, nó an duine atá ag fáil cúraim, ag fáil cóireála leighis nó eile in ospidéal nó in institiúid eile, ar feadh tréimhse nach faide ná 13 seachtaine.
• níl tú ag obair, féinfhostaithe, i mbun cúrsa oiliúna nó oideachais ar feadh níos mó ná 18.5 huaire in aghaidh na seachtaine. (Tabhair faoi deara: ní mór duit a thaispeáint dúinn go bhfuil cúram leordhóthanach ag an duine atá faoi do chúram agus tú ar obair, ar chúrsa oideachais, nó araon)
• tá gnáthchónaí ort i Stát na hÉireann
• sásaíonn tú tástáil acmhainne don Liúntas Cúramóra (tástáil ar d’ioncam agus aon ioncam ó do chéile nó do pháirtí, agus úsáidfear na torthaí chun do ráta pá a oibriú amach)
• má chónaíonn tú nó má tá tú in ann cúram agus aire lánaimseartha a sholáthar do dhuine a bhfuil cúram de dhíth air/uirthi agus nach gcónaíonn in institiúid de ghnáth
• níl tú i do chónaí in ospidéal, i dteach téarnaimh nó in institiúid eile dá samhail

Caithfidh an duine dá dtugann tú aire a bheith:

• os cionn 16 bliana d'aois agus chomh éagumasaithe go dteastaíonn cúram agus aire lánaimseartha uatha nó
• faoi 16 bliana d’aois agus ag fáil Liúntas Cúraim Baile

Meastar duine mar dhuine a bhfuil gá acu le cúram agus aird lánaimseartha nuair:

• go bhfuil siad chomh éagumasaithe go dteastaíonn maoirseacht leanúnach orthu chun contúirt dóibh féin a sheachaint nó
• teastaíonn maoirseacht leanúnach agus cúnamh rialta uathu i rith an lae maidir le gnáthfheidhmeanna coirp agus
• go dócha go mbeidh cúram agus aire lánaimseartha de dhíth orthu ar feadh 12 mhí ar a laghad
• má théann an duine dá dtugann tú aire dó/di isteach i dteach altranais ar bhonn lánaimseartha, féadfar leanúint ar aghaidh le híocaíocht an liúntais ar feadh tréimhse 12 sheachtain. Ba chóir litir ón teach altranais ag deimhniú an dáta iontrála a chur faoi bhráid na Roinne

Braitheann ráta na híocaíochta ar thoradh na tástála acmhainne. Taispeántar sa tábla thíos an t-uasráta seachtainiúil pearsanta íocaíochta ar féidir le duine a fháil mura bhfuil aon ioncam acu ó fhoinse ar bith.

Liúntas Cúramóra agus íocaíochtaí leath-ráta

Má tá íocaíochtaí leasa shóisialaigh áirithe á bhfáil agat agus má tá cúram agus aire lánaimseartha á soláthar agat do dhuine eile agus tú ag comhlíonadh gach coinníoll eile don Liúntas Cúramóra, féadfaidh tú do phríomhíocaíocht leasa shóisialaigh a choinneáil agus Liúntas Cúramóra ar leath-ráta a fháil freisin.

Má tá Liúntas Cúramóra á fháil agat agus má chomhlíonann tú na coinníollacha cáilithe le haghaidh íocaíocht leasa shóisialaigh eile (mar shampla, Pinsean Stáit nó Sochar Breoiteachta) féadfaidh tú iarratas a dhéanamh ar an íocaíocht eile. Má bhronntar é, agus ar choinníoll gur íocaíocht cháilitheach í an íocaíocht eile don liúntas Cúramóra ar leath-ráta, íocfar an íocaíocht eile go hiomlán leat agus gheobhaidh tú leath do ráta an Liúntais Chúramóra freisin.

Chun iarratas a dhéanamh, líon isteach an fhoirm iarratais thíos. Cuir tuairisc leighis dochtúra leis an bhfoirm iarratais agus í sínithe freisin ag an duine a mbeidh tú ag tabhairt aire dóibh.

Ní gá tuairisc leighis a chur leis an bhfoirm iarratais má tá tú ag tabhairt aire do leanbh a fhaigheann Liúntas Cúraim Baile.

Seol ar ais d’fhoirm iarratais CR1 chomhlánaithe, mar aon leis na doiciméid tacaíochta ábhartha, chuig:

Cuireann reachtaíocht leasa shóisialaigh dualgas ar an gcúramóir fógra a thabhairt don Roinn faoi aon athrú ar chúinsí. Chun an Roinn a chur ar an eolas faoi aon athrú ar chúinsí, nó chun d’éileamh a dhúnadh, is féidir teagmháil a dhéanamh le Rannóg an Liúntais Chúramóra tríd an bpost, ríomhphost nó teileafón ag baint úsáide as na sonraí thíos.

Is féidir roinnt sonraí a nuashonrú freisin trí úsáid a bhaint as MyWelfare. Is é MyWelfare baile ar líne na seirbhísí leasa. Le haghaidh tuilleadh eolais ar an raon seirbhísí atá ar fáil trí MyWelfare, tabhair cuairt le do thoil ar MyWelfare.ie

Déantar cur síos sna treoirlínte oibríochta ar na próisis agus ar na nósanna imeachta a leanann baill foirne na roinne agus iad i mbun a gcuid oibre.

• Treoirlínte Oibríochtúla: Liúntas Cúramóra
• Treoirlínte Oibríochtúla: Fadhbanna atá bainteach le híocaíochtaí