Liúntas Cuardaitheora Poist agus Ealaíontóirí Gairmiúla

Má tá Liúntas Cuardaitheora Poist á fháil agat agus is ealaíontóir gairmiúil thú, is féidir Liúntas Cuardaitheora Poist a fháil fós má chomhlíonann tú na coinníollacha don íocaíocht. Tá tú díolmhaithe ó pháirt a ghlacadh i gclár gníomhachtúcháin na roinne ar feadh bliain amháin. Ciallaíonn sé seo go mbeidh tú in ann díriú ar do chuid oibre ealaíonta ar feadh bliain amháin.

Chun an díolúine clár gníomhachtúcháin seo a fháil, ní mór duit:

• a bheith i do bhall de cheann de na eagraíochtaí gairmiúla deimhnithe atá liostaithe
• deimhniú nó dearbhú ó chomhlacht gairmiúil a sholáthar gur ealaíontóir gairmiúil tú
• a bheith cláraithe mar dhuine féinfhostaithe leis na Coimisinéirí Ioncaim

Mar sin féin, ní mór duit na coinníollacha cáilithe le haghaidh Liúntas Cuardaitheora Poist a shásamh fós - mar shampla: ar fáil le haghaidh obair lánaimseartha agus ag lorg oibre i ndáiríre, chun leanúint ar aghaidh ag fáil íocaíochta.

Déanfar tástáil mhaoine ort mar dhuine féinfhostaithe, agus tú á measúnú don scéim seo.

Ní mór do 50% de d’ioncam ón mbliain roimhe sin ar a laghad a bheith tagtha ó do chuid oibre mar ealaíontóir gairmiúil.

Ní liosta uileghabhálach é seo:

• Díolachán Saothair Ealaíne
• Díolachán Leabhar
• Dleachtanna
• Sparánachtaí agus deontas ag éirí as stádas mar ealaíontóir
• Léamha leabhar
• Táillí teacht i láthair
• Táillí léachta
• Díolacháin Eagrán Ealaíonta
• Táille Ealaíontóra ar Shaothair Choimisiúnaithe
• Táille Ealaíontóra ar Thaispeántais
• Táille Ealaíontóra ar an gClár Oideachais & For-Rochtana
• Comhairleacht Ealaíne
• Táille Ealaíontóra do Phainéil Roghnúcháin
• Táille Ealaíontóirí do Phainéil Chomhairleacha Ealaíne
• Tacaíocht Theicniúil & Suiteála Ealaíonta
• Dámhachtainí & Duaiseanna Ealaíne
• Cónaitheachtaí ealaíonta
• Táille Ealaíontóra ar Chomhairleoirí Deartha

Ba cheart duit d’Ionad Intreo áitiúil nó d’Oifig Bhrainse Leasa Shóisialaigh áitiúil a chur ar an eolas chomh luath agus atá tú i do bhall de cheann de na heagraíochtaí gairmiúla deimhniúcháin atá liostaithe.

Beidh ort an méid seo a leanas a chur ar fáil:

• deimhniú nó dearbhú ó cheann de na eagraíochtaí gairmiúla deimhniúcháin atá liostaithe le do stádas mar ealaíontóir gairmiúil
• doiciméid ó na Coimisinéirí Ioncaim a thaispeánann gur tháinig 50% de d’ioncam ar a laghad sa bhliain roimhe sin ó do chuid oibre mar ealaíontóir gairmiúil
• cáipéis aitheantais amhail do chárta seirbhísí poiblí, pas nó ceadúnas tiomána
• cruthúnas ar do sheoladh baile amhail bille fóntais nó litir ó roinn rialtais
• fianaise maidir le d’ioncam, ráitis bhainc san áireamh

Féadfaidh tú d’íocaíocht sheachtainiúil Liúntas Cuardaitheora Poist a bhailiú ón Oifig Phoist is gaire duit. Ní mór duit aitheantas grianghraif bailí a thabhairt leat chun d’íocaíocht a bhailiú.

Is foirmeacha bailí aitheantais grianghraif iad ceann ar bith de na roghanna seo a leanas:

• Cárta Seirbhísí Poiblí
• ceadúnas tiomána
• pas
• Cead cónaithe Éireannach
• Cárta Aitheantais Náisiúnta (do náisiúnaigh AE/LEE)

Má tá Liúntas Cuardaitheora Poist á fháil agat cheana féin agus má cheapann tú go bhféadfá a bheith incháilithe don scéim seo, is féidir leat teagmháil a dhéanamh le d’Ionad Intreo áitiúil nó le d’Oifig Bhrainse Leasa Shóisialaigh.

Sna treoirlínte oibríochtúla, déantar cur síos ar na próisis agus ar na nósanna imeachta a leanann baill foirne na roinne agus iad i mbun a gcuid oibre.

Treoirlínte Oibríochtúla: Liúntas Cuardaitheora Poist