Méadú do Mhaireachtáil ar Oileán Sonraithe

Uaireanta tugtar an Liúntas Oileáin nó an Méadú Oileáin ar an Méadú do Mhaireachtáil ar Oileán Sonraithe. Is ionann an ráta íocaíochta agus €20.

D’fhéadfadh costais bhreise a bheith ar dhaoine atá ina gcónaí ar oileáin taisteal chuig an mórthír chun teacht ar sheirbhísí. Tá an méadú seo mar chúiteamh ar na costais bhreise sin a bhaineann le maireachtáil ar oileán amach ó chósta na hÉireann.

Daoine os cionn 66 bliana d'aois

Chun cáiliú don íocaíocht seo ní mór duit a bheith ag cónaí ar cheann de na hoileáin amach ó chósta na hÉireann inar féidir leat an íocaíocht seo a fháil.

Caithfidh ceann amháin de na híocaíochtaí seo a leanas a bheith á fáil agat:

• Pinsean Stáit (Neamh-Ranníocach)
• Pinsean Stáit (Ranníocach)
• Pinsean na nDall
• Pinsean Easláine
• Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)
• Pinsean Baintrí, Baintrí Fir nó Páirtnéara Shibhialta Mharthanaigh (Neamhranníocach)
• Liúntas Cúramóra
• Sochar Baintrí/Baintreach Fir faoin Scéim Díobhálacha Ceirde

Ó Mhárta 2005, tá daoine a bhfuil pinsin á bhfáil acu ó stát eile an AE i dteideal méadú do mhaireachtáil ar oileán sonraithe a fháil.

Daoine faoi bhun 66 bliain d'aois

Má chónaíonn tú ar oileán inar féidir leat an íocaíocht seo a fháil agus má tá tú faoi bhun 66 bliain d’aois, cáileoidh tú do mhéadú ar d’íocaíocht leasa shóisialaigh má tá ceann de na híocaíochtaí leasa shóisialaigh seo a leanas á fáil agat:

• Pinsean Easláine
• Liúntas Míchumais
• Forlíonadh Éagumais
• Pinsean na nDall

Má tá tú faoi bhun ná 66 bliain d’aois agus má tá pinsean á fháil agat ar féidir comparáid a dhéanamh idir é agus iad siúd a liostaítear thíos ó Stát AE eile, tá tú i dteideal an méadú a fháil chomh maith.

Is ionann an Méadú do Mhaireachtáil ar Oileán Sonraithe agus €20. Gheobhaidh tú é seo chomh maith le d'íocaíochtaí leasa shóisialaigh eile.

Níl aon fhoirm iarratais ann chun an méadú seo a fháil.

Déantar measúnú ort don mhéadú ag an tráth a dhéanann tú iarratas ar íocaíocht leasa shóisialaigh.

Má tá íocaíocht cháilitheach á fáil agat, gheobhaidh tú an méadú go huathoibríoch nuair a bhaineann tú 66 bliana d'aois amach.

Déantar cur síos sna treoirlínte oibríochtúla ar na próisis agus nósanna imeachta a gcloíonn comhaltaí foirne sa roinn leo nuair a bhíonn siad i mbun a gcuid oibre.

Treoirlínte Oibríochtúla: Méadú do Mhaireachtáil ar Oileán Sonraithe.