Meastóir Sochar Oibre

Tá dhá Mheastóir Sochar Oibre ar fáil ar MyWelfare.ie:

• Meastóir Sochar Oibre do chuardaitheoirí poist agus do dhaoine a fhaigheann íocaíochtaí Teaghlaigh Aontuismitheora
• Meastóir Sochar Oibre do dhaoine a fhaigheann íocaíocht míchumais nó breoiteachta

Is féidir leat na huirlisí seo a úsáid chun meastachán a dhéanamh ar an tionchar a bheadh ar d'íocaíocht leasa shóisialaigh má thosaíonn tú ag obair nó má oibríonn tú níos mó uaireanta. Áireofar sa mheastachán d'ioncam ó fhostaíocht agus íocaíochtaí leasa shóisialaigh ar bith eile a d'fhéadfá a bheith i dteideal fós.

Tabhair do d'aire, le do thoil, nach bhfuil i gceist sna suimeanna ach meastachán agus d'fhéadfadh d'íocaíocht fhíorúil a bheith difriúil. Braithfidh sé seo ar do chúinsí pearsanta.

Meastóir Sochar Oibre do chuardaitheoirí poist agus do dhaoine a fhaigheann íocaíochtaí Teaghlaigh Aontuismitheora

Ba cheart duit an Meastóir Sochar Oibre do chuardaitheoirí poist agus do dhaoine a fhaigheann íocaíochtaí Teaghlaigh Aontuismitheora a úsáid má fhaigheann tú:

• Liúntas Cuardaitheora Poist
• Sochar Cuardaitheora Poist
• Íocaíocht Idirthréimhseach Cuardaitheora Poist
• Íocaíocht Teaghlaigh Aontuismitheora

Meastóir Sochar Oibre do dhaoine a fhaigheann íocaíocht míchumais nó breoiteachta

Ba cheart duit an Meastóir Sochar Oibre do dhaoine a fhaigheann íocaíocht míchumais nó breoiteachta a úsáid má fhaigheann tú:

• Pinsean na nDall
• Liúntas Míchumais
• Sochar Cumais Pháirtigh

Má fhaigheann tú Pinsean Easláine nó Sochar Breoiteachta, ní mór duit athrú go Sochar Cumais Pháirtigh sula dtosaíonn tú ag obair.

Chun an Meastóir Sochar Oibre a úsáid, beidh ort eolas faoin méid seo a leanas a chur ar fáil:

• an íocaíocht leasa shóisialaigh a fhaigheann tú faoi láthair
• do stádas caidrimh agus má tá leanaí cleithiúnacha agat nó mura bhfuil
• má tá cárta leighis iomlán agat nó mura bhfuil
• do phost reatha, más infheidhme
• an méid lá agus an méid uair an chloig a bhfuil súil agat go n-oibreoidh tú
• an ráta íocaíochta a bhfuil súil agat go bhfaighidh tú

Tabhair do d'aire, le do thoil, nach luaitear aon ainmneacha sa Mheastóir Sochar Oibre agus nach féidir leis an roinn an t-eolas a thugann tú a úsáid le thú a shainaithint.

Is féidir le duine ar bith an Meastóir Sochar Oibre a úsáid. Ní gá duit cuntas MyGovID a bheith agat chun a bheith in ann an tseirbhís seo a úsáid.