Scéim na nÍocaíochtaí Dócmhainneachta

Cosnaíonn an Scéim Íocaíochtaí Dócmhainneachta iarfhostaithe cuideachtaí a d’éirigh dócmhainneach go dleathach.

Is féidir le fostaithe éileamh a dhéanamh, trí ionadaí an fhostóra, cosúil leis an leachtaitheoir nó an glacadóir oifigiúil, go n-íocfar fiachais nár íocadh go fóill, an méid seo a leanas ina measc:

• Riaráistí pá agus pá breoiteachta
• Pá saoire nár íocadh
• Fógra íosta reachtúil nár íocadh
• Riaráistí áirithe ranníocaíochtaí pinsin
• Dámhachtainí éagsúla reachtúla a dhéanann an Coimisiún um Chaidreamh san Áit Oibre (an CCÁO)

Tá roinnt teorainneacha agus coinníollacha i gceist

Tá teorainn 8 seachtaine i bhfeidhm ar an méid seo a leanas:

• riaráistí pá
• pá saoire
• fógra íosta.

Cuirtear uasteorainn €600 sa tseachtain ar an ollphá seachtainiúil.

Caithfidh go raibh an fiachas nár íocadh go fóill le híoc sna 18 mí roimh dháta na dócmhainneachta nó foirceanta na fostaíochta.

• tá an gnólacht imithe faoi leachtú agus ceapadh leachtaitheoir go foirmiúil
• tá an gnólacht faoi ghlacadóireacht agus ceapadh Glacadóir go foirmiúil
• tá an fostóir féimheach go dleathach, agus ceapadh Sannaí Oifigiúil go foirmiúil
• fuair an fostóir bás agus tá an t-eastát á riar faoin reachtaíocht ábhartha
• tá an fostóir dócmhainneach faoi reachtaíocht Bhallstát eile an AE

Cumhdaíonn an scéim fostaithe atá faoi árachas do gach sochair faoin reachtaíocht leasa shóisialaigh. Ciallaíonn seo, go ginearálta, fostaí a íocann ÁSPC aicme “A”.

I bhformhór na gcásanna, úsáidtear an t-ollphá seachtainiúil, faoi réir teorainn €600, leis an méid is féidir a íoc faoin scéim a ríomh.

Is í an íocaíocht uasta do riaráistí pá nó pá saoire nó fógra íosta €4,800.

Déan teagmháil, le do thoil, leis an leachtaitheoir, an glacadóir nó le hionadaí an fhostóra chun iarratas a dhéanamh.

Caithfidh ionadaí an fhostóra, an leachtaitheoir nó an glacadóir iarratais ar fhiachais atá iníoctha faoin Scéim Íocaíochtaí Dócmhainneachta a dhéanamh agus seolfaidh siad ar aghaidh í trí úsáid a bhaint as seirbhís na Scéimeanna Íocaíochtaí Iomarcaíochta agus Dócmhainneachta arWelfare Partners.

Chun teacht ar an tseirbhís seo, teastóidh Fodheimhniú ó ionadaí an fhostóra, an leachtaitheoir nó an glacadóir ón Roinn Coimirce Sóisialaí (an RCS) a eisíonn na Coimisinéirí Ioncaim. Is féidir teacht ar eolas breise ar conas cur isteach ar Fhodheimhniú an RCS anseo.

Is féidir teacht ar eolas breise d’ionadaithe fostóra ar conas an tseirbhís seo a úsáid agus a rochtain ar Welfare Partners anseo.

Is pointe teagmhála aonair é Intreo (an tSeirbhís Fostaíochta Poiblí) do gach tacaíocht agus seirbhís fhostaíochta agus ioncaim.

Cliceáil anseo le haghaidh forbhreathnú agus tuilleadh faisnéise faoi iomarcaíocht agus dócmhainneacht.

Suirbhé ar sheirbhísí faisnéise

Aimsitheoir Seirbhíse Cúnta

Aiseolas ar Chonstaicí an Mhargaidh Aonair