Tréimhsí CúramBaile

Le Scéim na dTréimhsí CúramBaile tá sé níos éasca duit mar chúramóir baile cáiliú le haghaidh ráta níos airde den Phinsean Stáit (Ranníocach) nuair a shroicheann tú 66 bliana d’aois.

Is féidir tréimhsí ama nuair a bhí tú ag tabhairt aire do dhuine a chur san áireamh i do thaifead árachais shóisialaigh.

Is féidir creidmheas Cúram Baile a bhronnadh i leith gach seachtain nach raibh tú fostaithe lena linn, lena n-áirítear féinfhostaíocht, ag fáil íocaíocht leasa shóisialaigh, nó ag síniú ar shlí eile le haghaidh creidmheasanna de réir mar a bhí cúram lánaimseartha á sholáthar agat do:

• leanbh nó leanaí faoi bhun 12 bhliain d’aois,
• duine fásta a raibh leibhéal méadaithe cúraim ag teastáil uaidh nó uaithi

Tabhair faoi deara: Ní bheidh Tréimhsí CúramBaile i bhfeidhm ach amháin sa chás go raibh cónaí ort féin agus ar an duine a raibh tú ag tabhairt aire dó/di, i Stát na hÉireann. Ní mór go raibh tú idir 16 bliana d’aois agus aois an phinsin ag an am a chuir tú an cúram ar fáil, chun cáiliú do chreidmheas Cúram Baile.

Ní féidir Tréimhsí CúramBaile a úsáid ach amháin faoin Item was unpublished or removed maidir le ríomh an phinsin.

Is féidir le duine a rugadh tar éis an 31 Lúnasa 1946 agus a thug aire do dhuine lánaimseartha, iarratas a dhéanamh ar Thréimhse CúramBhaile.

Chun cáiliú, ní mór duit:

• conaí a bheith ort go buan sa Stát (ach amháin i gcás an AE nó oibrí ar phostú), tá tuilleadh eolais faoi AE nó faoi oibrí ar phostú ar fáil anseo
• a bheith os cionn 16 bliana d’aois agus faoi bhun aois an phinsin ag an am a chur tú cúram ar fáil
• gan a bheith i gcúrsaí fostaíochta, féinfhostaíochta, oibre deonaí, oiliúna nó oideachais a bhfuil níos mó ná 18.5 uair sa tseachtain i gceist leo, treoir bhreise maidir le fostaíocht/oiliúint pháirtaimseartha agus coinníollacha leagtha amach anseo

Is féidir tréimhse CúramBaile a bhronnadh do gach seachtain nach bhfuil clúdaithe cheana féin ag ranníocaíocht árachais shóisialaigh íoctha nó creidiúnaithe, sa chás go raibh cúram lánaimseartha á chur ar fáil agat do:

• leanbh nó leanaí faoi bhun 12 bhliain d’aois,
• duine fásta a raibh leibhéal méadaithe cúraim ag teastáil uaidh nó uaithi.

Níl aon íocaíochtaí díreacha ann do thréimhsí a chaitear mar chúramóir baile. Cuirfear tréimhsí cúraim bhaile san áireamh le linn ríomh do Phinsin Stáit (Ranníocach), a bhféadfadh ráta níos airde Pinsin a bheith mar thoradh air.

Is é an bealach is tapúla agus is éasca le hiarratas a dhéanamh ar thréimhse Chúramóir baile ar líne ná ag MyWelfare.ie. Ní mór duit cuntas MyGovID fíoraithe a bheith agat chun MyWelfare.ie a úsáid.

Is féidir foirm iarratais a iarraidh trí theagmháil a dhéanamh linn:

Déanann treoirlínte oibríochtúla cur síos ar na próisis agus ar na nósanna imeachta a leanann baill foirne na Roinne agus iad i mbun a gcuid oibre.

• Treoirlínte Oibríochta: Tréimhsí CúramBaile