An tAthbhreithniú Lár Téarma ar an Straitéis Náisiúnta Cibearshlándála 2019-2024

Is é atá sa Straitéis Náisiúnta Cibearshlándála, a foilsíodh sa bhliain 2019, ná straitéis uile-rialtais cúig bliana a bhfuil mar aidhm léi feabhas a chur ar a shláine agus a athléimní atá córais Rialtais agus an bonneagar criticiúil náisiúnta. Leagtar amach sa Straitéis raon beart comhoibríoch atá ceaptha chun cibearshlándáil agus athléimneacht a fheabhsú i measc comhlachtaí poiblí, soláthraithe seirbhísí riachtanacha, gnólachtaí agus teaghlach, chun tacú le forbairt leantach an tionscail cibearshlándála agus an phobail taighde cibearshlándála, agus chun a chinntiú go n-imreoidh Éire ról gníomhach sa díospóireacht idirnáisiúnta ar shlándáil agus cobhsaíocht an chibearspáis oscailte saor in aisce.

Tráth a foilsithe sa bhliain 2019, thug an Rialtas le fios go raibh sé ar intinn aige an Straitéis a athbhreithniú ag lárphointe a tréimhse feidhme ar mhaithe le dul chun cinn a mheasúnú agus ar mhaithe le tionscnaimh nua a bhreithniú chun a chinntiú go mbainfí dea-thorthaí amach ar fud na mbeart uile atá leagtha amach inti.

Tugtar sa pháipéar comhairliúcháin seo cuntas gairid ar an dul chun cinn a rinneadh go dtí seo ar na bearta faoi Straitéis na bliana 2019 a chur i gcrích agus ar bhearta eile a d’fhéadfaí a dhéanamh le linn na mblianta atá fágtha den Straitéis. Is é aidhm an chomhairliúcháin seo aiseolas ón bpobal agus ó gheallsealbhóirí a bhailiú ar an athbhreithniú seo, céim ríthábhachtach chun na blianta atá fágtha den straitéis a mhúnlú agus eolas a chur ar fáil do na tosaíochtaí don obair ina dhiaidh sin.

Cuireadh síneadh ama leis an dáta deiridh le haghaidh aighneachtaí go dtí 5.30 i.n. Dé Máirt an 7 Feabhra 2023

Ba cheart aighneachtaí a sheoladh trí ríomhphost chuig [email CyberConsult@decc.gov.ie ] nó trí phost chuig:

An tAthbhreithniú Lár Téarma ar an Straitéis Náisiúnta Cibearshlándála

An Rannán Cibearshlándála agus Beartais Idirlín

An Roinn Comhshaoil, Aeráide agus Cumarsáide

29-31 Bóthar Adelaide

Baile Átha Cliath

D02 X285

Táimid tiomanta do dhul i dteagmháil le geallsealbhóirí ar bhealach soiléir, oscailte agus trédhearcach. Is féidir le haon duine nó eagraíocht aighneacht a dhéanamh maidir leis an gcomhairliúchán seo. Déanfar gach aighneacht agus aiseolas a mheas sula bhfoilseofar an leagan deiridh den Phlean Gníomhaíochta um Tearcrochtain Fuinnimh.

Tabhair faoi deara le do thoil go bhfuil freagraí ar an gcomhairliúchán seo faoi réir fhorálacha an Achta um Shaoráil Faisnéise 2014 (SF), na Rialachán um Rochtain ar Fhaisnéis faoin gComhshaol 2007-2018 (AIE) agus an Achta um Chosaint Sonraí 2018.

Tabhair faoi deara freisin go bhfuil sé i gceist againn ábhar na n-aighneachtaí go léir a fhaightear ar ár gcomhairliúcháin a fhoilsiú ar ár suíomh Gréasáin. Athbhreithneoimid sonraí pearsanta roimh fhoilsiú. Agus iad ag freagairt don chomhairliúchán seo, ba cheart do pháirtithe a léiriú go soiléir cá bhfuil faisnéis phearsanta, faisnéis atá íogair ó thaobh na tráchtála de, nó faisnéis rúnda ina gcuid freagraí nár mhaith leo go scaoilfí í faoi Shaoráil Faisnéise, AIE nó nach bhfoilseofaí ar bhealach eile í.

Ba mhaith linn d’aird a tharraingt ar ár bhFógra Príobháideachta Sonraí a mhíníonn conas agus cathain a bhailímid sonraí pearsanta, cén fáth a ndéanaimid amhlaidh agus conas a chaithimid leis an bhfaisnéis seo. Míníonn sé freisin do chearta maidir le bailiú faisnéise pearsanta agus conas is féidir leat na cearta sin a fheidhmiú.

Aighneachtaí ó Earnáil na Tionsclaíochta

Aighneachtaí ó Ghrúpaí/Eagraíochtaí

Aighneachtaí ó Chomhlachtaí Poiblí

Aighneachtaí ó Dhaoine Aonair