Na Rialacháin um Scéim Chlibeála na mBradán Fiáin agus na mBreac Geal (Leasú), 2024 agus Bearta Caomhnaithe do Shéasúr 2025

Is é aidhm an chomhairliúcháin seo aiseolas ó pháirtithe leasmhara a bhailiú maidir leis na dréacht-Rialacháin um Scéim Chlibeála na mBradán Fiáin agus na mBreac Geal (Leasú), 2024.

Tugann Eamon Ryan TD, an tAire Comhshaoil, Aeráide agus Cumarsáide, fógra reachtúil go bhfuil sé ar intinn aige na Rialacháin um Scéim Chlibeála na mBradán Fiáin agus na mBreac Geal (Leasú), 2024, a dhéanamh chun socrú a dhéanamh maidir le bainistiú iascach na mbradán fiáin agus na mbreac geal ag Iascach Intíre Éireann ón 1 Eanáir 2025.

Tá cóip de na dréachtrialacháin ar fáil lena scrúdú ag a bpobal in oifigí na Roinne sa Chabhán. Tá na dréachtrialacháin ar fáil freisin le feiceáil nó le híoslódáil thuas.

Is é 5.30pm 18 Nollaig 2024 an dáta deiridh ar a nglacfar le haighneachtaí.

Ní bhreithneofar aighneachtaí déanacha.

Foilseofar gach aighneacht bhailí a gheofar ar suíomh gréasáin na Roinne Comhshaoil, Aeráide agus Cumarsáide.

Ba chóir aighneachtaí a sheoladh trí ríomhphost chuig IFDPublicConsultations@decc.gov.ie nó sa phost chuig:

Na Rialacháin um Scéim Chlibeála na mBradán Fiáin agus na mBreac Geal (Leasú), 2024

An Rannán um Chaomhnú Comhshaoil

An Roinn Comhshaoil, Aeráide agus Cumarsáide

Teach an Leamháin

Bóthar Earlsvale

Baile an Chabháin

H12 A8H7

Éire

Táimid tiomanta do dhul i dteagmháil le gach geallsealbhóir ar bhealach soiléir, oscailte agus trédhearcach. Féadfaidh aon duine nó eagraíocht aighneacht a dhéanamh i ndáil leis an gcomhairliúchán seo. Breithneofar na haighneachtaí uile agus an t-aiseolas ar fad sula bhfoilseofar an leagan deiridh de na Rialacháin.

Tá do fhreagra ar an gcomhairliúchán seo faoi réir:

• an tAcht um Shaoráil Faisnéise, 2014
• na Rialachán um Rochtain ar Fhaisnéis maidir leis an gComhshaol (RFC), 2007-2018
• an tAcht um Chosaint Sonraí, 2018

Freagraí a fhoilsiú

Tá sé de rún againn a bhfuil sna haighneachtaí uile a gheofar mar fhreagra ar an gcomhairliúchán seo a fhoilsiú ar ár suíomh gréasáin. Folóimid (bainfimid) sonraí pearsanta roimh fhoilsiú.

Leag béim ar aon faisnéis atá íogair

Agus freagra á thabhairt agat ar an gcomhairliúchán seo, leag béim go soiléir ar na háiteanna ina gcuimsítear sa fhreagra uait aon fhaisnéis nár mhaith leat go scaoilfí í faoi Shaoráil Faisnéise nó faoi RFC ná go bhfoilseofaí í ar shlí eile. D'fhéadfadh a bheith san áireamh anseo:

• faisnéis phearsanta
• faisnéis atá íogair ó thaobh na tráchtála de
• faisnéis faoi rún

Léigh ár bhFógra Cosanta Sonraí

Ba mhaith linn d’aird a tharraingt ar ár bhFógra Cosanta Sonraí, ina minítear:

• conas agus cén uair a bhailímid do shonraí pearsanta
• cén fáth a mbailímid iad
• conas a chaithimid leis an bhfaisnéis sin
• na cearta atá agat i ndáil le bailiú faisnéise pearsanta
• conas a fhéadfaidh tú na cearta sin a fheidhmiú