Comhionannas, Éagsúlacht agus Cuimsiú

Sheol an Roinn Comhshaoil, Aeráide agus Cumarsáide an Straitéis agus Plean Gníomhaíochta um Chomhionannas, Éagsúlacht agus Cuimsiú uaithi go hinmheánach i mí Iúil 2023. Tá an Straitéis agus Plean Gníomhaíochta sin bunaithe ar an bhfís atá againn go mbeadh an roinn ina háit oibre chuimsitheach ina spreagtar gach duine a bheith ar a ndóigh féin, agus fios acu go nglacfar leo agus go gcaithfear go cothrom leo le dínit agus le meas. Beidh an Straitéis i bhfeidhm ón lá inniu go dtí lár na bliana 2025 agus tá sé mar aidhm léi ár bhfís a bhaint amach, arb é atá ann eagraíocht ina mbeidh comhionannas, éagsúlacht agus cuimsiú leabaithe agus ina nglacfar leis, ina gcumasóidh comhionannas, éagsúlacht agus cuimsiú ár samhail oibriúcháin, ina ndéanfaidh comhionannas, éagsúlacht agus cuimsiú eolas d’fhorbairt beartais agus do chinnteoireacht agus ina léireofar comhionannas, éagsúlacht agus cuimsiú inár gcuid luachanna agus iompraíochtaí.

Tá sé mar aidhm againn ár gcuspóirí a bhaint amach trí chur chun feidhme an Phlean Gníomhaíochta uainn, rud atá bunaithe ar naoi gcolún. Shainaithníomar gníomhartha lena soláthar faoi gach colún agus athbhreithneoimid ar bhonn rialta an dul chun cinn atá déanta.

Áirítear leis an Straitéis agus Plean Gníomhaíochta um Chomhionannas, Éagsúlacht agus Cuimsiú seo gealltanas go gcuirfear Dualgas na hEarnála Poiblí um Chomhionannas agus Cearta an Duine (Dualgas na hEarnála Poiblí) chun feidhme.