Páipéar Bán maidir le Cosaint
- Foilsithe: 16 Deireadh Fómhair 2015
- An t-eolas is déanaí: 11 Aibreán 2025
Leagtar amach sa Pháipéar Bán ar Chosaint cur chuige fadtéarmach maidir le soláthar cosanta in Éirinn.
Beidh tionchar ag na cinntí a dhéanfar sa Pháipéar Bán seo ar fhorbairt na gcumas cosanta sna deich mbliana amach romhainn.
Cur i bhFeidhm an Pháipéir Bháin
Tá 95 ghníomhaíocht shonracha san iomlán a eascraíonn as an bPáipéar Bán á gcur chun feidhme de réir a chéile thar thréimhse deich mbliana idir seo agus 2025. Tá gá le cur chuige céimnithe chun léiriú a thabhairt ar ghealltanais an Chláir do Rialtas Comhpháirtíochta agus ar Ráiteas Straitéise, ar chineál gaolmhar roinnt tionscadal agus ar impleachtaí acmhainní a chur ar fáil.
Cuimsíonn dul chun cinn go dtí seo réimsí éagsúla gnó don Eagraíocht Cosanta, lena n-áirítear beartas, éadálacha caipitil, AD, Cosaint Shibhialta agus forbairt bonneagair, ach gan a bheith teoranta dóibh sin. Tá go leor buntáistí réadaithe don Eagraíocht Cosanta a bhaineann le cur i bhfeidhm an Chláir WP atá ionchorpraithe inár gcleachtais ghnó anois.
I Ráithe 4 2020, críochnaíodh ceardlanna ardleibhéil chun obair na dtionscadal eile de chuid na Meithle um Chosaint a chur chun cinn in aghaidh an dul chun cinn atá déanta go dtí seo agus chun athbhreithniú a dhéanamh ar na tosaíochtaí lena n-áirítear cur i bhfeidhm an Chur Chun Feidhme Ardleibhéil (HLIP) “Ag Neartú Ár bhFórsaí Cosanta” a forbraíodh in 2019. I mí Feabhra 2021, d’fhoilsigh an tArd-Rúnaí agus an Ceann Foirne tuarascáil ar Chlár Cur Chun Feidhme an Pháipéir Bháin, lena n-áirítear nuashonrú ar chur i gcrích an Pháipéir Bháin agus ar a bhfuil i ndán don treochlár cur chun feidhme agus tá sí ar fáil ar an nasc seo a leanas:
White Paper on Defence Implementation programme - February 2021
Nuashonrú ar an bPáipéar Bán
Chun aghaidh a thabhairt ar an timpeallacht slándála atá ag síorathrú agus chun a chinntiú go bhfanfaidh an beartas cosanta cothrom le dáta, chinn an Rialtas sa Pháipéar Bán timthriall seasta nua trí bliana d’athbhreithnithe cosanta a thabhairt isteach.
Ba é an chéad cheann de na hathbhreithnithe seo, atá coitianta go hidirnáisiúnta, an nuashonrú ar an bPáipéar Bán a cheadaigh an Rialtas in 2019.
An Páipéar Bán maidir le Cosaint: Tá nuashonrú ar dhoiciméad 2019 ar fáil ag an nasc seo a leanas:
