D’fhógair an tUasal Simon Coveney, T.D., an tAire Cosanta agus an tAire Gnóthaí Eachtracha, go bhfuil dhá Árthach Patróil Chladaigh ceannaithe ó Rialtas na Nua-Shéalainne.

D’fhógair an tAire Cosanta agus an tAire Gnóthaí Eachtracha, an tUasal Simon Coveney T.D go bhfuil dhá Árthach Patróil Chladaigh (IPVanna) ceannaithe ó Rialtas na Nua-Shéalainne.

D’fhógair an tUasal Simon Coveney, T.D., an tAire Cosanta agus an tAire Gnóthaí Eachtracha, go bhfuil dhá Árthach Patróil Chladaigh ceannaithe ó Rialtas na Nua-Shéalainne.

Dúirt an tAire Coveney: “Tá áthas orm a fhógairt gur ceannaíodh dhá Árthach Patróil Cladaigh athláimhe ar bhonn ó Rialtas go Rialtas ó Rialtas na Nua-Shéalainne a dhéanfar a sheachadadh go hÉirinn in 2023.

D’aithin an Rialtas go bhfuil dúshláin leanúnacha ann sa tSeirbhís Chabhlaigh agus táthar ag dul i ngleic leo seo mar chuid de de chur chuige beartaithe i leith na Seirbhíse Chabhlaigh a athnuachan. Déanfar trí long - LÉ Orla Nó, LÉ Ciara agus LÉ Eithne, agus na longa a chuirfear ina n-ionad, a aistarraingt ó sheirbhís ar bhonn céimnithe, i measc réimse gníomhartha eile.

Cuirfidh infheistíocht €26 milliún sa dá Árthach Patróil Cladaigh seo árthaí ionaid ar fáil don LÉ Orla nó agus LÉ Ciara. Tá riachtanas níos lú ó thaobh criú de ag an dá Árthach Patróil Cladaigh seo ná na long a bhfuil siad á gcur ina n-ionad, agus cuirfidh siad acmhainn bhreise ar fáil don tSeirbhís Chabhlaigh patróil a oibriú agus a dhéanamh i Muir Éireann ar an gCósta Thoir agus Thoir Theas. Ceadóidh seo don chabhlach eile díriú ar oibríochtaí in áiteanna eile.

Tá sé i gceist go n-iomprófar an dá long go hÉirinn in 2023 tar éis do chlár oibreacha chun iad a athchóiriú go hAicmiú Lloyd a bheith déanta sa Nua-Shéalainn.

Tá an tionscadal ar bun le hÁrthach Ilróil níos nua-aimseartha agus níos cumasaí a chur in ionad long cheannais an LÉ Eithne, agus fostaíodh sainchomhairleoirí le tús a chur le comórtas tairisceana in am agus i dtráth.

Ghabh an tAire buíochas le Brainse Conarthaí na Seirbhíse Cabhlaigh sa Roinn Cosanta agus le Fórsaí Cosanta na Nua-Shéalainne as an obair go léir a rinne siad leis an togra a thabhairt go dtí céim an chonartha.

Dúirt an Ceann Foirne, an Leifteanant-Ghinearál Seán Clancy, “D’aibhsigh an t-athrú ar shlándáil mhuirí i Muir Éireann an gá atá le sainchumas cois cladaigh chun leasanna na hÉireann a chosaint. Neartaíonn soláthar na soithí seo cumas na Seirbhíse Cabhlaigh a chomhlíonadh. a ról maidir lenár bhflaitheas náisiúnta a chosaint agus is vóta láidir muiníne in Óglaigh na hÉireann ag an Aire agus an Rialtas é."

Mar fhocal scoir dúirt Oifigeach Bratach Cheannasaí na Seirbhíse Cabhlaigh Michael Malone, “Ceadóidh éadáil na IPVanna don tSeirbhís Chabhlaigh leanúint ar aghaidh ag nuachóiriú agus ag dul i ngleic leis an timpeallacht mhuirí dhinimiciúil atá ag athrú de shíor a oibrímid i 365 lá sa bhliain.”

CRÍOCH

NÓTAÍ D’EAGARTHÓIRÍ

• Is iad an dá Árthach Patróil Cladaigh Aicme Locha iarárthaigh an HMNZS ROTOITI agus an PUKAKI.

• Thóg BAE Systems Australia (Tenix Shipbuilding roimhe seo) na ceithre in Whangarei. Rinneadh iad a sheachadadh d’Aireacht Chosanta na Nua-Shéalainne agus rinneadh iad a choimisiúnú ina gCabhlach Ríoga in 2009.

• Bhí an dá long páirteach i suirbhé breithmheasa aicme Lloyd um tharraingt ar an gcladach ó Dheireadh Fómhair 2019, tar éis gur aistarraingíodh iad ó sheirbhís agus tabharfar faoi roinnt oibreacha athchóirithe orthu go mbainfidh siad Aicmiú Lloyd amach.

• Tá córas rialaithe agus loingseoireachta acu atá go hiomlán uathoibrithe, inneall cumhachtach, córais nua-aimseartha chumarsáide agus faireachais, cobhsaitheoirí gníomhacha agus cóiríocht chompordach iontu. Trí dhá RHIB (Bád Inséidte Cabhlach Doichte) a úsáid, is féidir leis na longa tabhairt faoi oibríochtaí bordála agus faireachas.

• Tá na longa an-so-ionramháilte agus is féidir leo luas a thapúla le 25 muirmhíle san uair a dhéanamh (46 ciliméadar san uair).

• Tá líon 20 ball foirne ar an gcroílong. Tá seo níos lú ná líon foirne an LÉ Orla agus an LÉ Ciara, a bhfuil líon foirne 44 ball in aghaidh na loinge acu.

• Is éard a bheidh sa limistéar oibríochtaí Muir Éireann ar an gCósta Thoir agus Thoir Theas.

Eolas Ginearálta

• Fad foriomlán 55 m

• Fad na líne snámha 50.6 m

• Bíoma múnlaithe 9 m

• Tarraingt mhúnlaithe 2.43 m

• Tarraingt uasta (liáin) 2.9 m

• Airde (ón gcíle go barr an chrainn) 20 m

• Toillíocht 340t