Ard-Oifigeach Logainmneacha

Tá iarratais á lorg ag an Roinn Turasóireachta, Cultúir, Ealaíon, Gaeltachta, Spóirt agus Meán ó iarratasóirí oiriúnacha chun folúntais a d'fhéadfadh teacht chun cinn don phost Ard-Oifigeach Logainmneacha bunaithe i mBaile Átha Cliath, a líonadh.

Ról an Bhrainse Logainmneacha

Is cuid den Roinn Turasóireachta, Cultúir, Ealaíon, Gaeltachta, Spóirt agus Meán é an Brainse Logainmneacha. Tugann an Brainse Logainmneacha faoi thaighde ar logainmneacha na hÉireann chun leaganacha údarásacha Gaeilge a chur ar fáil maidir leis na logainmneacha sin chun críocha oifigiúla agus d’úsáid an phobail. Cuireann sé tacaíocht ar fáil don Choiste Logainmneacha freisin. Is í an Ghaeilge teanga oibre an Bhrainse Logainmneacha.

Post an Ard-Oifigigh Logainmneacha

• Tacaíocht a thabhairt don mBrainse Logainmneacha, agus don Phríomhoifigeach Logainmneacha cinneadh a dhéanamh maidir le foirmeacha Gaeilge údarásacha na logainmneacha.
• Taighde a dhéanamh ar cháipéisí lámhscríofa agus foilsithe chun seanleaganacha de logainmneacha a aimsiú agus an t-ábhar sin a chur isteach go beacht i mbunachar sonraí na hoifige.
• Cúlra staire, teangeolaíochta nó tíreolaíochta logainmneacha a bhailiú chun cuidiú le cinntí a dhéanamh maidir leis na leaganacha cearta Gaeilge.
• Obair allamuigh a thabhairt i gcrích nuair is gá.
• Ábhar a ionchuir ar Logainm.ie agus ar Meitheal Logainm.ie. agus ceartúchán a dhéanamh ina leith.
• Tacaíocht a chur ar fáil do Fiontar agus Scoil na Gaeilge maidir le Logainm.ie.
• Feidhmíocht na foirne tuairiscithe a bhainistiú, spriocanna a aontú le gach ball foirne, agus monatóireacht a dhéanamh ar fheidhmiú na na spriocanna sin.
• Seirbhís d’ardchaighdeán a chur ar fáil do chustaiméirí trí fhreagraí tapa a thabhairt ar iarrataí ar eolas i ndáil le logainmneacha agus freagra a thabhairt ar chomhfhreagrais ilchineálacha.
• Oidhreacht logainmneacha na hÉireann chomh maith le beartas agus ról an stáit maidir le foirmeacha Gaeilge a chur chun cinn trí chuir i láthair phoiblí a thabhairt agus trí fhreastal ar chomhdhálacha de réir mar is cuí.

An tSlí le hIarratas a Dhéanamh

Ba cheart d’iarratasóirí foirm iarratais chomhlánaithe a chur isteach chuig

personnel@tcagsm.gov.ie faoin 3.00pm 11ú Feabhra 2022.

Leabhrán Faisnéise

Déan an leabhrán faisnéise atá ceangailte leis seo a íoslódáil chun tuilleadh eolais a fháil maidir le hincháilitheacht agus riachtanais.

Foirm Iarratais

Dá mba maith leat iarratas a dhéanamh ar phost an Ard-Oifigigh Logainmneacha, íoslódáil an fhoirm iarratais atá faoi iamh.

Nuair a bheidh an fhoirm comhlánaithe agat, is féidir í a sheoladh ar aghaidh ar ríomhphost chuig personnel@tcagsm.gov.ie

Ní mór gach iarratas a bheith faighte ag an Roinn tráth nach déanaí ná 3.00pm 11ú Feabhra 2022

Mura bhfuil tú ábalta cóip den fhoirm iarratais nó den leabhrán faisnéise a íoslódáil, seol iarraidh chuig an seoladh ríomhphoist thuas agus cuirfimid cóip chugat ar ríomhphost.

Ba chóir d'iarratasóirí a thabhairt ar aird go gcuirfear iarratasóirí a n-éireoidh leo san agallamh ar phainéal ónar féidir ceapacháin a dhéanamh de réir mar a thagann siad chun cinn.

Ráiteas Príobháideachais

Féach an ráiteas príobháideachais faoi iamh maidir le sonraí pearsanta a chuirtear ar fáil i ndáil leis an gcomórtas seo.