Cumaisc sna Meáin: Freagraí ar do cheisteanna

Cad is cumasc meán ann

Sainmhínítear cumasc meán i gCuid 3A den Acht Iomaíochta 2002 (arna leasú leis an Acht um Iomaíocht agus Cosaint Tomhaltóirí 2014) (an tAcht Iomaíochta).

Tagann trí chritéar as an sainmhíniú seo:

Critéar maidir le rannpháirtíocht níos mó ná aon ghnó meán amháin

Ionas go measfar cumasc a bheith ina chumasc meán, ní mór do dhá cheann nó níos mó de na páirtithe lena mbaineann gnólacht meán a bheith faoi lán seoil acu in Éirinn nó ní mór do dhuine de na páirtithe lena mbaineann gnólacht meán a bheith faoi lán seoil acu in Éirinn agus ní mór do pháirtí amháin eile lena mbaineann ar a laghad gnólacht meán a bheith faoi lán seoil acu i dtír eile.

Critéar maidir le gníomhaíocht tráchtála

Measfar go ndéanann páirtí a bhfuil láithreacht fhisiciúil acu in Éirinn agus atá ag gabháil d’aon ghníomhaíocht tráchtála nó a rinne díolacháin sa Stát cothrom le €2 mhilliún nó níos mó ná sin sa bhliain airgeadais is déanaí, gnólacht meán sa Stát.

Tá feidhm ag an gcritéar sin de réir analaí agus cinneadh á dhéanamh maidir le cé acu an bhfuil gnólacht meán faoi lán seoil ag páirtí lasmuigh d’Éirinn.

Critéar maidir le gnólacht meán

Ní mheastar gur “gnólachtaí meán” leis an Acht Iomaíochta iad na gníomhaíochtaí go léir a bhféadfaí a mheas gur “meáin” iad. Is iad seo a leanas na ceithre ghníomhaíocht a meastar gur “gnólachtaí meán” iad de réir an Achta:

• nuachtán, irisí a fhoilsiú atá dírithe ar nuacht agus cúrsaí reatha agus mar sin de, as líne agus ar líne
• seirbhís craolacháin a chur ar fáil ar mhodh ar bith
• ábhar cláir nuachta agus cúrsaí reatha a sholáthar do sheirbhís chraolacháin
• ábhar nuachta agus cúrsaí reatha a sholáthar ar líne beag beann ar fhormáid ina bhfuil smacht eagarthóireachta ag an soláthraí ar an ábhar sin

Ní mór cumasc beartaithe na trí chritéar a chomhlíonadh chun a mheas gur cumasc meán é.

Amlíne do phróiseas cumaisc na meán

Féach forbhreathnú ar amlíne phróiseas cumaisc na meán.

Tairseach le haghaidh fógra maidir le cumasc meán

Má mheastar cumasc a bheith ina chumasc meán, ansin ní mór é a chur in iúl don Choimisiún um Iomaíocht agus Cosaint Tomhaltóirí, beag beann ar aon tairseacha láimhdeachais le haghaidh fógra atá ann maidir le cumaisc nach cumaisc mheán iad.

Is ann don cheanglas seo toisc go sonraítear cumaisc mheán in Ionstraim Reachtúil Uimh. 122 de 2007 mar aicme cumasc nach mór a chur in iúl don Choimisiún i gcónaí, mar a fhoráiltear le halt 18(5) den Acht Iomaíochta 2002 (arna leasú).

Ag tabhairt fógra maidir le cumasc meán atá beartaithe

Ní mór cumaisc mheán atá beartaithe a chur in iúl don Choimisiún um Iomaíocht agus Cosaint Tomhaltóirí ar an gcéad dul síos. Léigh treoir faoin bpróiseas seo maidir le fógra a thabhairt.

Más rud é go ndéanfaidh an Coimisiún cumasc meán beartaithe a imréiteach ar fhorais iomaíochta, ní mór fógra ansin a thabhairt don Aire Cultúir, Cumarsáide agus Spóirt laistigh de 10 lá oibre ó chinneadh an Choimisiúin. Léigh treoir i dtaca leis an bpróiseas maidir le fógra a thabhairt agus an Fhoirm maidir le Fógra a thabhairt.

Ról an Choimisiúin um Iomaíocht agus Cosaint Tomhaltóirí

Tá ról an Choimisiúin um Iomaíocht agus Cosaint Tomhaltóirí teoranta don scrúdú ar ghnéithe iomaíochta na gcumasc meán atá beartaithe chun a chinneadh an mbeadh laghdú suntasach ar iomaíocht le haghaidh earraí agus seirbhísí in aon mhargadh mar thoradh ar chumasc atá beartaithe.

Tá an tAire Cultúir, Cumarsáide agus Spóirt (an tAire) freagrach as scrúdú a dhéanamh ar ghnéithe iolrachais na meán de chumaisc meán atá beartaithe chun tionchar cumaisc meán bheartaithe ar iolrachas na meán in Éirinn a chinneadh. Déanann an Roinn Cultúir, Cumarsáide agus Spóirt (an Roinn) an fheidhm scrúdaithe seo thar ceann an Aire. Déanann an tAire a gcinntí ar bhonn scrúduithe den sórt sin ag an roinn.

Cad is cruinniú réamhfhógra ann

De réir na dTreoirlínte reachtúla maidir le Cumaisc Mheán, éascaíonn an Roinn Cultúir, Cumarsáide agus Spóirt (an Roinn) cruinnithe réamhfhógartha leis na páirtithe lena mbaineann i gcumasc meán atá beartaithe. Tá trí chuspóir ag na cruinnithe sin:

• ligean do na páirtithe lena mbaineann eolas a chur ar an bpróiseas maidir le cumaisc mheán
• a chur ar chumas na Roinne eolas a chur ar an gcumasc meán atá beartaithe sula dtugtar fógra foirmiúil
• ligean do na páirtithe lena mbaineann solúbthacht a lorg maidir leis na ceanglais fhaisnéise san Fhoirm maidir le Fógra a thabhairt, más iomchuí.

Ní mór do pháirtithe ar mian leo leas a bhaint as an Nós Imeachta Simplithe an fhéidearthacht sin a phlé leis an Roinn sula gcuirfidh siad fógra isteach.

Cad iad na himthosca ina ndeonaítear solúbthacht maidir le ceanglais fhaisnéise na foirme maidir le fógra a thabhairt um chumaisc mheán

I bhfianaise an réimse ollmhór gnólachtaí meán agus a samhlacha gnó éagsúla, d’fhéadfadh sé nach mbeadh ceanglais fhaisnéise áirithe san Fhoirm maidir le Fógra a thabhairt um Chumaisc Meán infheidhme nó d’fhéadfadh sé nach mbeadh mórán tionchair acu ar chumasc meán atá beartaithe. I gcásanna den sórt sin, féadfaidh an Roinn Cultúir, Cumarsáide agus Spóirt (an Roinn) solúbthacht a dheonú maidir leis na riachtanais fhaisnéise sin. Ní mór do na páirtithe lena mbaineann an tsolúbthacht sin a lorg agus ní mór don roinn í a dheonú sula dtabharfar fógra foirmiúil.

Tabharfar solúbthacht do pháirtithe a thugann fógra faoin Nós Imeachta Simplithe maidir le Fógra a thabhairt um Chumasc Meán i ndáil le ranna 3.3-3.10 den Fhoirm maidir le Fógra a thabhairt.

Coinníonn an Roinn an ceart, de réir alt 28D(3) den Acht Iomaíochta 2002 (arna leasú), a cheangal ar pháirtithe lena mbaineann tuilleadh faisnéise a sholáthar.

Cad é an Nós Imeachta Simplithe maidir le Fógra a thabhairt um Chumasc Meán

Tá sé i gceist an Nós Imeachta Simplithe maidir le Fógra a thabhairt um Chumasc Meán a úsáid chun cumaisc nach cumaisc de chuid na hÉireann iad a mheas. Is é sin, cumaisc i gcás nach bhfuil sprioc an idirbhirt ag feidhmiú sa Stát agus, dá bhrí sin, nach dócha go mbeidh tionchar aige ar iolrachas na meán sa Stát.

Féadfaidh an Roinn Nós Imeachta Simplithe maidir le Fógra a thabhairt um Chumasc Meán a chur i bhfeidhm nuair a chomhlíontar na coinníollacha seo a leanas, i dtuairim na Roinne:

• nach bhfuil an spriocghnóthas i ngnólacht meán ar bun sa Stát agus nach bhfuil sé beartaithe go ndéanfadh sé amhlaidh;
• nach ndíríonn an spriocghnóthas ar an lucht féachana sa Stát agus nach bhfuil sé beartaithe go ndéanfadh sé amhlaidh; agus
• níl aon chúis ann bheith ag súil go bhféadfadh tionchar díreach a bheith ag an idirbheart ar ghníomhaíochtaí aon ghnó meán a oibríonn sa Stát.`

Sa chás go gcinneann an Roinn dul ar aghaidh faoin Nós Imeachta Simplithe, déanfaidh an tAire iarracht cinneadh a dhéanamh a luaithe is féidir go praiticiúil. D’ainneoin go ndéanfaidh an tAire iarracht cinneadh a dhéanamh a luaithe is féidir go praiticiúil, fanann an spriocdháta reachtúil nach mór don Aire cinneadh den sórt sin a dhéanamh laistigh de, mar a shonraítear in 28D(1) den Acht, 30 lá ón dáta cuí.

Cad is scrúdú cumaisc meán Chéim 1 ann

Is éard atá i gceist le Scrúdú Cumaisc Meán Chéim 1 ná an scrúdú tosaigh ar fhógra faoi chumasc meán atá beartaithe ag an Aire Cultúir, Cumarsáide agus Spóirt (an tAire). Faoi alt 28D den Acht Iomaíochta 2002 (arna leasú), tá 30 lá oibre ag an Aire chun scrúdú a dhéanamh ar chumasc meán ar tugadh fógra ina leith agus chun an méid seo a leanas a chinneadh:

• go bhféadfaí an cumasc meán a chur i bhfeidhm
• go bhféadfar an cumasc meán a chur i bhfeidhm le coinníollacha
• go bhfuil sé ar intinn acu a iarraidh ar Choimisiún na Meán scrúdú iomlán, nó Céim 2, a dhéanamh ar chumasc meán atá beartaithe

Déanann an Roinn Turasóireachta, Cultúir, Ealaíon, Gaeltachta, Spóirt agus Meán (an roinn) an fheidhm scrúdaithe seo thar ceann an Aire. Déanann an tAire a gcinntí ar bhonn scrúduithe den sórt sin ag an roinn.

Cad a mheasann an tAire i scrúdú Chéim 1

I gcomhréir le halt 28D den Acht Iomaíochta 2002 (arna leasú) (an tAcht Iomaíochta), measann an tAire Cultúir, Cumarsáide agus Spóirt (an tAire) na nithe seo a leanas i Scrúdú Chéim 1:

• na critéir ábhartha, mar a shainmhínítear iad in alt 28A den Acht Iomaíochta
• na Treoirlínte reachtúla maidir le Cumaisc Mheán arna n-eisiúint ag an Aire
• aighneachtaí arna ndéanamh chuig an Aire, agus faisnéis arna soláthar don Aire ag na páirtithe lena mbaineann i gcumasc meán atá beartaithe
• más infheidhme, cinneadh an Choimisiúin um Iomaíocht agus Cosaint Tomhaltóirí maidir lena scrúdú iomaíochta ar an gcumasc meán céanna atá beartaithe
• más infheidhme, cinneadh an Choimisiúin Eorpaigh maidir lena scrúdú iomaíochta ar an gcumasc meán céanna atá beartaithe
• tuarascálacha arna bhfoilsiú ag an Aire de réir an Achta Iomaíochta
• tuarascálacha arna bhfoilsiú ag Coimisiún na Meán (agus roimhe seo, Údarás Craolacháin na hÉireann) de réir an Achta Iomaíochta

Critéir ábhartha

Sainmhínítear na critéir ábhartha le halt 28A den Acht Iomaíochta 2002 (arna leasú) agus is iad seo a leanas iad:

• “éifeacht dhóchúil chumasc meán ar iolrachas na meán sa Stát
• neamh-inmhianaitheacht ligean d’aon pháirtí amháin lena mbaineann leasanna suntasacha a shealbhú laistigh d’earnáil nó ar fud earnálacha éagsúla de ghnólachtaí meán sa Stát
• na hiarmhairtí maidir le cur chun cinn iolrachas na meán sa Stát a bhaineann le hidirghabháil chun cosc a chur ar an gcumasc meán nó coinníollacha a ghabhann le cumasc meán a fhormheas
• más iomchuí, leordhóthanacht na nithe seo a leanas chun leas an phobail in iolrachas na meán sa Stát a chosaint:

Scála agus clúdach RTÉ agus TG4

Cuid 6 den Acht Craolacháin 2009

Beartas Úinéireachta agus Rialaithe Údarás Craolacháin na hÉireann atá i bhfeidhm de thuras na huaire.

• na Gealltanais Bheartaithe a bhfuil na páirtithe lena mbaineann sásta iad a thairiscint agus a fhéadfaidh an tAire Cultúir, Cumarsáide agus Spóirt (an tAire) a ionchorprú de bhun alt 28D(5) nó alt 28E(10) ina chinneadh nó ina cinneadh
• a mhéid is féidir leas an phobail a dhaingniú trí aon choinníollacha a fhorchur ag an Aire faoi alt 28D nó alt 28G”

Coinníollacha is féidir leis an Aire a fhorchur má cheadaíonn siad cumasc meán a chur i bhfeidhm tar éis scrúdú Chéim 1

Tar éis scrúdú ar chumasc meán Chéim 1, déanfaidh an tAire Cultúir, Cumarsáide agus Spóirt (an tAire) ceann de na cinntí seo a leanas:

• go bhféadfaí an cumasc meán a chur i bhfeidhm
• go bhféadfar an cumasc meán a chur i bhfeidhm le coinníollacha
• go bhfuil sé ar intinn acu a iarraidh ar Choimisiún na Meán scrúdú iomlán, nó Céim 2, a dhéanamh ar chumasc meán atá beartaithe

Má chinneann an tAire cead a thabhairt cumasc meán atá beartaithe a chur i bhfeidhm le coinníollacha, ansin tá na coinníollacha is féidir leis an Aire a fhorchur ag an gcéim seo teoranta dóibh siúd a mholann na páirtithe lena mbaineann don chumasc meán atá beartaithe de réir alt 28D(5) den Acht Iomaíochta 2002 (arna leasú).

Cad is scrúdú cumaisc meán Chéim 2 ann

Tar éis Scrúdú ar Chéim 1 Chumasc Meán, féadfaidh an tAire Cultúir, Cumarsáide agus Spóirt (an tAire) iarraidh ar Choimisiún na Meán scrúdú iomlán, nó Céim 2, a dhéanamh ar chumasc meán atá beartaithe.

Beidh 80 lá oibre ag Coimisiún na Meán ó dháta iarrata an Aire tuarascáil a thabhairt don Aire, ina sonrófar a bhreithniú ar an gcumasc meán atá beartaithe agus ina mbeidh moladh i dtaobh ar cheart a cheadú an cumasc meán atá beartaithe a chur i bhfeidhm, le coinníollacha nó gan choinníollacha, nó nár cheart a cheadú é a chur i bhfeidhm.

An próiseas a bhaineann le scrúdú cumaisc meán Chéim 2

Tar éis don Aire Cultúir, Cumarsáide agus Spóirt (an tAire) iarratas a fháil chun Scrúdú Cumaisc Meán Chéim 2 a dhéanamh, déanfaidh Coimisiún na Meán an méid seo a leanas:

• an t-iarratas a fhoilsiú ar a suíomh gréasáin
• aighneachtaí a lorg ón bpobal ar feadh tréimhse 20 lá oibre ó dháta foilsithe na hiarrata
• aighneacht a lorg ón gComhchoiste Oireachtais ábhartha

Beidh 80 lá oibre ag Coimisiún na Meán ó dháta iarrata an Aire tuarascáil a thabhairt don Aire, ina sonrófar a bhreithniú ar an gcumasc meán atá beartaithe agus ina mbeidh moladh i dtaobh ar cheart a cheadú an cumasc meán atá beartaithe a chur i bhfeidhm, le coinníollacha nó gan choinníollacha, nó nár cheart a cheadú é a chur i bhfeidhm.

Tráth nach déanaí ná 30 lá oibre sula soláthróidh sé a thuarascáil agus a mholadh don Aire, soláthróidh Coimisiún na Meán dréacht-tuarascáil agus dréachtmholadh do na páirtithe lena mbaineann sa chumasc meán atá beartaithe agus iarrfaidh sé ar na páirtithe lena mbaineann freagra a thabhairt laistigh de 10 lá oibre ón dáta a bhfaighfear é.

Cad a mheasann Coimisiún na Meán i scrúdú Chéim 2

I gcomhréir le halt 28E(6) den Acht Iomaíochta 2002 (arna leasú) (an tAcht Iomaíochta), measann Coimisiún na Meán na nithe seo a leanas i Scrúdú Chéim 2:

• na critéir ábhartha, mar a shainmhínítear iad in alt 28A den Acht Iomaíochta
• na Treoirlínte reachtúla maidir le Cumaisc Mheán arna n-eisiúint ag an Aire
• aighneachtaí a rinne na páirtithe lena mbaineann chuig cumasc meán atá beartaithe le linn scrúdú Chéim 1 chuig an Aire Cultúir, Cumarsáide agus Spóirt agus Meán (an tAire) agus faisnéis a chuir siad ar fáil don Aire sin
• aighneachtaí arna ndéanamh chuig Coimisiún na Meán agus faisnéis arna soláthar do Choimisiún na Meán ag na páirtithe lena mbaineann i gcumasc meán atá beartaithe
• más infheidhme, cinneadh an Choimisiúin um Iomaíocht agus Cosaint Tomhaltóirí maidir lena scrúdú iomaíochta ar an gcumasc meán céanna atá beartaithe
• más infheidhme, cinneadh an Choimisiúin Eorpaigh maidir lena scrúdú iomaíochta ar an gcumasc meán céanna atá beartaithe
• más infheidhme, cinneadh an Choimisiúin Eorpaigh maidir lena scrúdú iomaíochta ar an gcumasc meán céanna atá beartaithe
• aon fhreagra a thug na páirtithe lena mbaineann ar an dréacht-tuarascáil agus ar an moladh
• tuarascálacha arna bhfoilsiú ag an Aire de réir an Achta Iomaíochta
• tuarascálacha arna bhfoilsiú ag Coimisiún na Meán (agus roimhe seo, Údarás Craolacháin na hÉireann) de réir an Achta Iomaíochta

Cad is Painéal Comhairleach ann

Tar éis Scrúdú ar Chéim 1 Chumasc Meán, féadfaidh an tAire Cultúir, Cumarsáide agus Spóirt (an tAire) iarraidh ar Choimisiún na Meán scrúdú iomlán, nó Céim 2, a dhéanamh ar chumasc meán atá beartaithe.

Féadfaidh an tAire Painéal Comhairleach a cheapadh freisin chun cabhrú le Coimisiún na Meán a scrúdú Chéim 2 a dhéanamh. Is i bhfoirm tuairime a bheidh an cúnamh sin go soláthróidh Painéal Comhairleach do Choimisiún na Meán maidir le cur i bhfeidhm na gcritéar ábhartha ar an gcumasc meán beartaithe lena mbaineann.

Is féidir idir triúr agus cúigear a bheith i bPainéal Comhairleach, agus is saineolaí sa dlí, san iriseoireacht, sna meáin, sa ghnó, nó san eacnamaíocht gach duine acu. Tá 20 lá oibre ag an bPainéal Comhairleach ó dháta a fhoirmithe chun a thuairim a thabhairt do Choimisiún na Meán. Ní mór tuairim den sórt sin a sholáthar do Choimisiún na Meán sula soláthróidh Coimisiún na Meán a dhréacht-tuarascáil agus a mholadh do na páirtithe lena mbaineann sa chumasc meán atá beartaithe.

Cúinsí ina gceapfadh an tAire Painéal Comhairleach

Féadfaidh an tAire Cultúir, Cumarsáide agus Spóirt (an tAire) Painéal Comhairleach a cheapadh chun cabhrú le Coimisiún na Meán scrúdú Chéim 2 a dhéanamh ar chumasc meán atá beartaithe má mheasann siad go bhfuil gá le ceapachán den sórt sin.

Is iad seo a leanas na cúiseanna féideartha a mheasfaidh an tAire gur gá Painéal Comhairleach a cheapadh:

• má theastaíonn saineolas speisialaithe chun scrúdú Chéim 2 a chur i gcrích ar bhealach críochnúil ó shonraí cumaisc meán atá beartaithe
• má mheasann an tAire go dteastaíonn saineolas breise ó Choimisiún na Meán chun scrúdú Chéim 2 a dhéanamh
• mura bhfuil an saineolas riachtanach chun scrúdú Chéim 2 a dhéanamh ar bhealach críochnúil ar fáil do Choimisiún na Meán de bharr theorainneacha a shainchúraim rialála

Cinntí is féidir leis an Aire a dhéanamh tar éis scrúdú Chéim 2

Tar éis scrúdú Chéim 2, cinnfidh an tAire Cultúir, Cumarsáide agus Spóirt an méid seo a leanas maidir le cumasc meán atá beartaithe:

• go bhféadfar é a chur i bhfeidhm
• go bhféadfar é a chur i bhfeidhm le coinníollacha
• ní ceadmhach é a chur i bhfeidhm

Cad a tharlóidh má dhiúltaíonn an tAire cead a thabhairt do chumasc meán beartaithe dul ar aghaidh tar éis scrúdú Chéim 2

Tar éis scrúdú Chéim 2, má chinneann an tAire Cultúir, Cumarsáide agus Spóirt (an tAire) go mb’fhéidir nach gceadófaí cumasc meán beartaithe a chur i bhfeidhm, ansin beidh deireadh leis an éadáil, leis an gcumasc nó leis an gcomhfhiontar.

Mar a ndéantar foráil dó le halt 28I den Acht Iomaíochta 2002 (arna leasú), is cion é do ghealltanas a thabhairt do pháirtithe i gcumasc meán atá beartaithe gan cinneadh an Aire a chomhlíonadh.

Cad iad na coinníollacha is féidir leis an Aire a fhorchur má cheadaíonn siad cumasc meán a chur i bhfeidhm tar éis scrúdú Chéim 2

Tar éis scrúdú Chéim 2, má chinneann an tAire Cultúir, Cumarsáide agus Spóirt (an tAire) go bhféadfaí cumasc beartaithe meán a chur i bhfeidhm le coinníollacha, níl na coinníollacha a fhéadfaidh siad a fhorchur teoranta dóibh siúd a d’fhéadfadh Coimisiún na Meán a mholadh ná dóibh siúd a d’fhéadfadh a bheith díorthaithe ó ghealltanais a thairgeann na páirtithe lena mbaineann do chumasc meán atá beartaithe.

Féadfaidh an tAire aon choinníoll is cuí leo a fhorchur ag féachaint go cuí do phrionsabail na comhréireachta, na hinfhorfheidhmitheachta agus na cothroime ag an gcéim seo. Féadtar teacht ar thuilleadh eolais maidir le coinníollacha a fhéadfaidh an tAire a fhorchur sna Treoirlínte maidir le Cumaisc Mheán.

Féadtar athbhreithniú a dhéanamh maidir le cé acu an féidir athbhreithniú a dhéanamh ar na coinníollacha a fhorchuirfidh an tAire tar éis scrúdú Chéim 2

Más rud é, tar éis scrúdú Chéim 2, go gcinneann an tAire Cultúir, Cumarsáide agus Spóirt (an tAire) go bhféadfar cumasc beartaithe meán a chur i bhfeidhm le coinníollacha, féadfaidh na páirtithe lena mbaineann an cumasc meán atá beartaithe iarraidh ar an Aire athbhreithniú a dhéanamh ar na coinníollacha má tá siad den tuairim go bhfuil athrú suntasach tagtha ar na dálaí margaidh is infheidhme maidir leis an gcumasc meán atá beartaithe. Ní mór iarraidh den sórt sin a dhéanamh laistigh de 40 lá oibre ó dháta chinneadh an Aire.

Tar éis iarraidh den sórt sin a fháil, déanfaidh an tAire, laistigh de 40 lá oibre, breithniú i dtaobh an bhfuil athrú suntasach tagtha ar dhálaí an mhargaidh. Má chreideann an tAire go bhfuil athrú substaintiúil tagtha orthu féadfaidh siad athbhreithniú a dhéanamh ar na coinníollacha ina ndiongbháilteacht chun a fháil amach an bhfuil siad fós riachtanach chun iolrachas na meán sa Stát a chosaint agus ar cheart iad a leasú nó a chúlghairm.

Cinneadh ón Aire a achomharc

Féadfaidh páirtí gnóthais i gcumasc beartaithe meán iarratas a dhéanamh chuig an Ard-Chúirt ar chead chun athbhreithniú breithiúnach a lorg tar éis don Aire Cultúir, Cumarsáide agus Spóirt (an tAire) cinneadh a dhéanamh tar éis scrúdú Chéim 1 nó Chéim 2. Ní mór iarratas den sórt sin a dhéanamh laistigh de 40 lá oibre ó dháta chinneadh an Aire.

Féadfaidh an Ard-Chúirt cead a dheonú lasmuigh den tréimhse sin má tá sí sásta go bhfuil cúiseanna substaintiúla ann nach ndearnadh an t-iarratas le linn na tréimhse. Ní dheonóidh an Ard-Chúirt cead ach amháin má tá sí sásta go n-ardaíonn an t-iarratas saincheist shubstaintiúil lena chinneadh. Agus achomharc ar chinneadh an Aire á bhreithniú aici, féadfaidh an Ard-Chúirt aon ordú is cuí léi a dhéanamh, lena n-áirítear an t-ábhar a chur ar ais chuig an Aire.

Ní féidir aon achomharc a dhéanamh ar chinneadh na hArd-Chúirte chun na Cúirte Uachtaraí, ach amháin má dheonaítear cead ón Ard-Chúirt le haghaidh achomhairc den sórt sin nó má ardaítear ábhar Bunreachtúil.

Torthaí scrúduithe Chumasc Meán

Foilseoidh an tAire Cultúir, Cumarsáide agus Spóirt (an tAire) a gcinntí Chéim 1 i bhfoirm na litreacha cinnteoireachta laistigh de 15 lá oibre ón gcinneadh ar shuíomh gréasáin na Roinne Cultúir, Cumarsáide agus Spóirt (an Roinn).

Féach gach cinneadh.

Is é is aidhm don Aire a bheith chomh trédhearcach agus is féidir maidir le hoibriú chóras cumasc na meán. Dá réir sin, foilseoidh an roinn ar a suíomh gréasáin, a luaithe is féidir tar éis chinneadh an Aire tar éis scrúdú Chéim 1 nó 2, na doiciméid seo a leanas a bhaineann le cumaisc bheartaithe sna meáin:

• Doiciméad an Scrúdaithe Chéim 1
• más infheidhme, Tuairim Phainéil Chomhairligh
• más infheidhme, Tuarascáil agus Moladh Choimisiún na Meán

Scrúdófar na doiciméid sin agus aird chuí á tabhairt ar íogaireacht tráchtála agus ar ábhair eile sula bhfoilseofar iad.