Cultúr agus Nascacht: Oidhreacht Seandálaíochta, Ceoil agus Spóirt na hÉireann ar taispeáint taobh le Todhchaí na Cumarsáide

Filleann an Roinn Cultúir, Cumarsáide agus Spóirt ar an gCraobhchomórtas Náisiúnta Treabhadóireachta in 2025.

Is féidir le cuairteoirí ar Chomórtas Náisiúnta Treabhadóireachta na bliana seo a bheith ag súil le tairiscint spreagúil agus bhríomhar, ag ceiliúradh oidhreacht chultúrtha doláimhsithe na hÉireann, ár stair bheo agus i bhfad níos mó, ag an bPuball Cultúir, Cumarsáide, Seandálaíochta agus Spóirt, atá suite i mBloc 3, Sraith 14, laistigh de Shráidbhaile Rialtas na hÉireann.

Beidh An Cartlann Náisiúnta, Spórt Éireann, an Chomhairle Ealaíon, Ard-Mhúsaem na hÉireann agus an Plean Náisiúnta Leathanbhanda i measc na seastán taispeántais sa phuball, a mbeidh foireann iomlán ann thar na trí lá chun fáilte a chur roimh chuairteoirí, agus an obair den scoth ar fad a dhéanann siad agus na seirbhísí a chuireann siad ar fáil a léiriú.

Beidh Spórt Éireann i láthair ag cur na ndeiseanna éagsúla spóirt ar fud na tíre chun cinn. Le heolas ar Chomhlachtaí Rialaithe Náisiúnta agus ar Chomhpháirtíochtaí Áitiúla Spóirt, chomh maith le taispeántais ghníomhacha, beidh foireann Spórt Éireann thar a bheith sásta comhrá a dhéanamh trí dheiseanna a bheith acu le bheith gníomhach in Éirinn mar dhuine aonair nó mar bhall de chlub spóirt.

Is fuinneog ar cheann de na caibidlí is suntasaí ó thaobh cultúir de chuid an chomhlachta é an taispeántas “An Gaeilge agus Daonáireamh na Gaeltachta 1925”, arna chur i láthair ag an gCartlann Náisiúnta. Ag tosú le Daonáireamh na Gaeltachta 1925, tráth bunúsach in iarrachtaí Shaorstát Éireann an Ghaeilge a chosaint, scrúdaíonn an taispeántas an-láidir seo conas a tháinig polasaí, pobal agus cultúr le chéile chun oidhreacht agus todhchaí na teanga a mhúnlú.

Cuirfidh foireann Rannóg Seaniarsmaí na hÉireann in Ard-Mhúsaem na hÉireann a bheidh ag freastal ar a seastán faisnéis ar fáil don phobal faoina gcuid oibre, freagrachtaí reachtúla, an reachtaíocht a chosnaíonn ár n-oidhreacht iniompartha, obair an Mhúsaeim agus an tAcht Oidhreachta 2023.

Beidh an Chomhairle Ealaíon i láthair ag an bPuball Cultúir, Cumarsáide, Seandálaíochta agus Spóirt chomh maith, agus cuirfidh siad cuid den tallann ealaíonta áitiúil ó Chontae Uíbh Fhailí i láthair. Léifidh an t-údar, an t-iriseoir, an scannánóir agus an feirmeoir orgánach, John O'Connell, a bhuaigh ilghradam agus a bhfuil an-tóir air, óna chuid leabhar a bhuaigh duaiseanna “The Cow Book” agus “12 Sheep”. Bhuaigh “The Cow Book” Leabhar Neamhfhicsin na Bliana ag Gradaim Leabhar na hÉireann.

Beidh seastán eolais faoin bPlean Náisiúnta Leathanbhanda sa Phuball, ina léireofar cuspóirí, dul chun cinn agus tionchar an Phlean Náisiúnta Leathanbhanda agus ina gcuirfear mínithe soiléire, inrochtana ar fáil maidir le clocha míle an rolladh amach agus na sochair seirbhíse i seachadadh leathanbhanda ardluais ar fud cheantar tuaithe na hÉireann. Ceann de na tionscadail chaipitil is uaillmhianaí i stair an Stáit, ligfidh seastán an Phlean Náisiúnta Leathanbhanda do chuairteoirí a seoltaí a sheiceáil ar léarscáil idirghabhála an Phlean Náisiúnta Leathanbhanda chun a fháil amach an bhfuil siad san áireamh sa phlean agus, i gcás inarb infheidhme, amlíne táscach le haghaidh nascadh a fháil.

Beidh roinnt taispeántas agus léirithe sa Phuball chomh maith, lena n-áirítear rince seite, cláirseoireacht, fíodóireacht chros Bhríde agus gnéithe eile d’oidhreacht chultúrtha doláimhsithe na hÉireann.

Ag labhairt dó roimh na Craobhchomórtais Treabhadóireachta, dúirt an tAire Cultúir, Cumarsáide agus Spóirt, Patrick O’Donovan TD:

Dúirt an tAire Stáit um Spórt agus Beartas Poist, Charlie McConalogue TD:

CRÍOCH