Gairm ar Léirithe Spéise le haghaidh ceapacháin chuig an mBinse Achomhairc do Sholáthraithe Seirbhíse Iontaobhais nó Cuideachta

Tá an tAire Dlí agus Cirt ag iarraidh Léirithe Spéise ó dhaoine incháilithe lena mbreithniú le haghaidh ceapachán chuig ceann amháin de thrí phost – Cathaoirleach amháin agus beirt Ghnáthchomhaltaí – ar an mBinse Achomhairc do Sholáthraithe Seirbhíse Iontaobhais nó Cuideachta atá le bunú faoin Acht um Cheartas Coiriúil (Sciúradh Airgid agus Maoiniú Sceimhlitheoireachta) (Leasú), 2021.

Féadfaidh iarratasóirí incháilithe iarratas a dhéanamh ar an bpost mar Chathaoirleach, ar an bpost mar Ghnáthchomhalta nó ar an dá phost díobh. Ní foláir d’iarratasóirí a bheith ina n-abhcóide cleachtach nó ina n-aturnae cleachtach agus a bheith amhlaidh ar feadh thréimhse an cheapacháin agus ní foláir dóibh taithí deich mbliana ar a laghad ar chleachtadh tar éis a gcéim a bhaint amach a bheith acu tráth an iarratais.

Ba cheart léirithe spéise a chur isteach le ríomhphost chuig TCSPAppeals@justice.ie faoi 5pm Dé hAoine an 25 Deireadh Fómhair 2024.

Tá mionsonraí iomlána ar fáil sa doiciméad thíos: