Garda agus Póilíneacht

Déanann Rannán na nGardaí sa Roinn maoirseacht ar sholáthar acmhainní don Gharda Síochána agus cothaíonn maoirseacht orthu. Is é an rannán an príomhnasc idir an tAire Dlí agus Cirt agus Comhionannais agus an [external-link Garda Síochána | https://www.garda.ie/en/ ] maidir leis na cúrsaí seo.

Déanann Rannán na nGardaí ionadaíocht freisin thar ceann an Aire i bpléití le gníomhaireachtaí agus le comhlachtaí eile ar chúrsaí ábhartha mar chaingne dlí, cúrsaí AE, rialachas agus soláthar acmhainní go ginearálta.

Faigheann an Rannán tuairiscí ón nGarda Síochána maidir le cúrsaí atá ábhartha d’fheidhmiú agus d’úsáid acmhainní na nGardaí, baint amach a chuspóirí agus cúrsaí a bhaineann le feidhmíocht agus le rialachas an fhórsa. Baintear úsáid as na tuairiscí seo le ceadú don Aire a dualgais bhunreachtúla agus reachtúla a dhéanamh vis-à-vis an Rialtas agus an https://www.oireachtas.ie/parliament/ (reachtas).

Cé is moite de dhualgais riaracháin ghinearálta a dhéileálann le comhfhreagras chuig an Aire, iarratais ar Shaoráil Faisnéise, ceisteanna parlaiminteacha agus gnó parlaiminteach eile, déileálann an fhoireann sa Rannán freisin leis na saincheisteanna atá liostaithe thíos.

• forbairt reachtaíochta ábhartha a bhaineann leis an nGarda Síochána
• maoirseacht ar sholáthar acmhainní éagsúla mar fheithiclí, trealamh etc agus ar ndóigh an pearsanra go léir (faoi mhionn nó eile) san eagraíocht;
• maoirseacht ar an gclár leasaithe don Gharda Síochána
• cúiteamh do Ghardaí a ndéantar dochar go mailíseach dóibh
• idirchaidreamh agus tacaíocht do [external-link Chigireacht an Gharda Síochána | https://www.gsinsp.ie/ ] agus [external-link Coimisiún Ombudsman an Gharda Síochána | https://www.gardaombudsman.ie/ ] (GSOC), de réir mar is cuí
• ionadaíocht a dhéanamh thar ceann an Aire ag fóraim chaidrimh thionsclaíoch bainteach le cumainn ionadaíocha na nGardaí.

Áirítear ar an bpríomhualach oibre reatha:

• Reachtaíocht a fhorbairt a bhunaíonn an tÚdarás Póilíneachta Neamhspleách
• Earcú Gardaí
• Maoirseacht ar fhorfheidhmiú chlár leasaithe na nGardaí
• An Mheicníocht Athbhreithnithe Neamhspleách a fhiosraíonn gearáin in aghaidh an Gharda Síochána a bhainistiú
• Feidhmiú mar phríomh-idirchaidreamh do Choimisiún Fiosrúcháin Mhic Lochlainn
• Feidhmiú mar phríomh-idirchaidreamh do Choimisiún Fiosrúcháin Uí Uigín

Is féidir tuilleadh eolais ar a leanas a fháil ach cuairt a thabhairt ar leagan Béarla ár suímh gréasáin:

• Airgeadas agus Acmhainní
• Meicníocht Leasaithe Neamhspleách
• Údarás Póilíneachta/Leasuithe
• Caidreamh Tionsclaíoch/Leasuithe
• Rialachas agus Freagracht