Aodhán Mac Cormaic

Freagracht ag leibhéal Cheann na Rannóige as Seachadadh na Straitéise 20 Bliain don Ghaeilge 2010-2030, as reachtaíocht na dteangacha oifigiúla a chur i bhfeidhm, as polasaí agus reachtaíocht pleanála teanga agus cláir teanga laistigh agus lasmuigh de na ceantair ainmnithe Gaeltachta. Freagrach chomh maith as socruithe maoinithe agus rialachais in Údarás na Gaeltachta, as an Ghaeilge ag leibhéal an AE agus go hidirnáisiúnta, as Logainmneacha Gaeilge, as comhoibriú Thuaidh-Theas agus Thoir-Thiar, lena n-áirítear obair an Fhorais Teanga Thuaidh Theas (lena gcuimsítear Foras na Gaeilge agus Gníomhaireacht na hUltaise) agus Comhairle na Breataine-na hÉireann.