Ráiteas Straitéise 2021 - 2023 - Glao ar aighneachtaí

Tá an Roinn Forbartha Tuaithe agus Pobail ag ullmhú Ráiteas Straitéise nua faoi láthair ina gcuimsítear an tréimhse 2021-2023.

Cáipéis thábhachtach í seo ina leagfar amach fís straitéise na Roinne agus í ag súil le cur leis an dul chun cinn atá déanta aici ó bunadh í in 2017. Leagfar amach spriocanna agus cuspóirí ardleibhéil na Roinne ann mar aon le straitéisí agus gníomhaíochtaí a bheidh le tabhairt chun cinn chun ár misean a bhaint amach, agus is í sin, mar a tugadh le fios inár Ráiteas Straitéise deiridh; Forbairt tuaithe agus pobail a chur chun cinn agus tacú le pobail bheoga, chuimsitheacha agus inbhuanaithe ar fud na hÉireann.

Cuirfear eolas ar fáil ann chomh maith maidir leis an gcaoi a ndéanfaidh an Roinn monatóireacht ar dhul chun cinn chun a cuid spriocanna a bhaint amach trí aschur, torthaí agus táscairí feidhmíochta a féidir a thomhas a aithint.

Táimid sásta cuireadh a thabhairt do pháirtithe leasmhara a gcuid tuairimí a chur ar aghaidh maidir le síneadh a chur leis an misean seo amach sna blianta romhainn, go háirithe maidir leis na réimsí a leanas:

• An cumas a bheidh againn cláir agus idirghabháil polasaí a chur ar fáil go héifeachtach agus go héifeachtúil do cheantair thuaithe agus do phobail na hÉireann.
• Bealaí inar féidir linn na tacaíochtaí agus maoiniú atá againn cheana a dhíriú chun an bealach is fearr le tacú le pobail a aimsiú, go háirithe i ndáil leis na dúshláin atá ag teacht chun cinn de bharr an Bhreatimeachta, Gníomhaithe ar son na hAeráide agus Covid-19.
• An bealach a rachaimid i mbun rannpháirtíochta lenár gcomhpháirtithe, páirtithe leasmhara agus an pobal i gcoitinne
• Deiseanna polasaithe nua agus/clár nua lena mbreithniú ag an Roinn mar chuid de Straitéis 2021/2023
• Na bealaí a ndéanann an Roinn feidhmíocht ár gcuid tacaíochtaí agus clár a thomhas a fhorbairt.

Sannadh an fhreagracht orainn le gairid maidir le polasaithe agus cláir a chur ar fáil na do na hOileáin. Beidh an fheidhm thábhachtach nua ina chuid den Ráiteas Straitéise nua.

Cuirfimid fáilte chomh maith roimh aon tuairimí eile a d'fhéadfadh cuidiú linn maidir le forbairt níos ginearálta na Straitéise nua.

Is féidir tuilleadh eolais ar fheidhmeanna agus ar fhreagrachtaí na Roinne a fháil anseo, agus is féidir teacht ar Ráiteas Straitéise deiridh na Roinne a fháil freisin, anseo.

Aighneachtaí

Ba cheart aighneachtaí a sheoladh ar ríomhphost chuig coordination@drcd.gov.ie agus “Ráiteas Straitéise 2021 - 2023” a chur sa líne ábhair.

Faoi dheireadh an lae oibre Dé Luain an 19 Deireadh Fómhair an dáta deiridh a n-glacfar le haighneachtaí.

Saoráil Faisnéise

Tabhair ar aird le do thoil go bhfuil sé beartaithe na haighneachtaí a fhaightear a chur ar fáil faoi na hAchtanna um Shaoráil Faisnéise agus, mar sin, d'fhéadfaí iad a fhoilsiú ar ár láithreán gréasáin i ndiaidh fhoilsiú an Ráitis Straitéise.