Comhairle maidir le hOibrithe Deonacha a Earcú do Ghrúpaí Pobail agus Deonacha

Is léir fonn láidir ar an bpobal cuidiú leis na daoine is mó a bheadh i mbaol. Cé gur breá go maireann meon chomhar na gcomharsan go tréan i gcónaí, is mór an tábhacht atá le dea-bhainistíocht maidir le hoibrithe deonacha, go mór mór i rith cásanna géarchéime.

Is féidir le hObair Dheonach Éireann agus córas na nIonad Saorálaíochta (VC) agus na Seirbhísí Eolais Saorálaíochta (VIS) sainchomhairle agus cúnamh taca a chur ar fáil d'eagraíochtaí maidir le hoibrithe deonacha a earcú mar gheall ar COVID-19 agus bainistíocht a dhéanamh ina leith.

Tá sonraí caidrimh maidir leis an Ionad Saorálaíochta áitiúil nó an tSeirbhís Eolais Saorálaíochta ar fáil ó Obair Dheonach Éireann

Tá treoirlínte á leagan amach ag Obair Dheonach Éireann do ghrúpaí ar mian leo oibrithe deonacha a earcú chomh maith le teimpléid róil phraiticiúla d'oibrithe deonacha a chur le chéile d'fhonn cuidiú le grúpaí ar gá dóibh oibrithe deonacha a earcú mar gheall ar COVID-19. Beidh siad sin ar fáil as seo go ceann cúpla lá ar Obair Dheonach Éireann.

Agus Oibrithe Deonacha á n-earcú, bíodh aird ar na nithe seo a leanas:

• Ní mór obair dheonach a dhéanamh ar bhealach sábháilte ionas nach gcuirtear oibrithe deonacha ná daoine a mbeadh cúnamh uathu i gcontúirt
• An bhfuil aon duine de na hoibrithe deonacha ionchais i gcatagóirí contúirte ionas go mbeadh an t-oibrí deonach nó daoine eile á gcur i gcontúirt?
• Scagdhealú a dhéanamh agus oibrithe deonacha a chur i leith róil atá oiriúnach dóibh
• Slánchosaint agus measúnacht baoil
• Árachas
• Grinnfhiosrúchán an Gharda
• Cúnamh taca agus bainistíocht ó lá go lá ar oibrithe deonacha (d'fhéadfadh go mbeadh gá le bainisteoir oibrithe deonacha mar chúnamh taca ag na hoibrithe deonacha, agus d'fhéadfadh gur oibrí deonach an bainisteoir freisin).

Ba cheart don eagraíocht saorálaíochta dréachtchuntas ar an ról a scríobh amach – tá, más gá, cúnamh ina leith sin ar fáil ón Ionad Saorálaíochta áitiúil.

Sa chás gur ról nua atá ann, tabharfaidh an Biúró Náisiúnta Grinnfhiosrúcháin le fios an gá grinnfhiosrúchán a dhéanamh ina leith. Is ceart cuntas ar an ról d'oibrí deonach a leagan amach i gcomhréir leis an Acht um an mBiúró Náisiúnta Grinnfhiosrúcháin (Leanaí agus Daoine Soghonta) 2012.

Mura bhfuil an eagraíocht cláraithe cheana féin leis an mBiúró Náisiúnta Grinnfhiosrúcháin, agus gá le grinnfhiosrúchán i ndáil le ról d'oibrí deonach, ní mór ar an gcéad dul síos dul i gcomhairle leis an mBiúró Náisiúnta Grinnfhiosrúcháin maidir leis an eagraíocht a chlárú. Déantar sin ar: vetting.garda.ie/RegisteredOrganisation/HowToApply.

Ábhar tábhachtach eile:

Tá socruithe ar bun leis an mBiúró Náisiúnta Grinnfhiosrúcháin ar mhaithe le próiseáil a dhéanamh go mear maidir le hiarratais a bhaineann le hobair dheonach i ndáil le COVID-19. Tá breis eolais ar fáil ar – vetting.garda.ie.

Tabharfar tús áite d'Fhoirm Iarratais maidir le Grinnfhiosrúchán an Gharda (NVB1) a mbíonn tag. COVID-19 marcáilte go soiléir sa réimse maidir le Tag. Sheachtrach.

Beidh cúnamh taca ar fáil freisin trí dheasc cabhrach ríomhphoist na Roinne Forbartha Tuaithe agus Pobail d'fhonn déileáil le hábhar ceisteanna ó grúpaí Pobail & Deonacha agus iad a chur faoi bhráid fhoinsí oiriúnacha cúnta.

Is é an seoladh ríomhphoist faoi leith don deasc sin - C&VSupports@drcd.gov.ie

Tá an tEolas is Deireanaí le fáil ar:

• www.gov.ie/health-covid-19
• www.hse.ie